Ululahu Kronikols 5:1 - Buka Blahi Ka Cheke Holo

¹ Mae Ruben gne thugna ulu lahu mae Jekop. Nu naugna teke thuru mana balugna fapea khetogna mae kmagna na, mana theome tangomana te hata nolaghi teke thugna ululahu mana na. Eghuteuna mae Jekop kmagna mae Ruben igne neke tusu lao nolaghi igne ka mae Josep nei ka vikegna mana na. Naugna igne, nanghagna mae Ruben na ne theome mei ulu lahu ka susureidi vikegna Israel.

Ululahu Kronikols 5:1 ပူးပေါင်းရင်းမြစ်များ

Jenesis 35:22

Kate au teu mare ka namono igne mae Ruben tei ne thuru balugna Bilha fapea khetogna mae kmagna. Kate nomhini igne mae Jekop, keha nanghagna na mae Israel gne, mana ne diꞌatagna fara. Mae Jekop gne nabotho phei mae thugna.

Jenesis 29:32

Gognaro na Lea ne au kaisei thugna nalhaꞌu. Eghuteuna Lea ne cheke eghu, “Lord la filonihi nogu diꞌanagnafa iara na. Eghume gognaro na khetogu iara gne ginauna nake magnahaghei ghau iara.” Aonu naꞌa ne kiloni nanghagna thugna ulu lahu na Ruben. Gaoghathogna nangha Ruben teu igne, “Lord ne filoni nogu diꞌanagnafa iara na.”

Ululahu Kronikols 26:10

Eghuteuna mae Hosa gne mei ka tharaknagna mae Merari. Nanghadi thugna mae Hosa re igre: Mae Simri, mae ihei te funei ka mare na, neuba mana neke theome kulu karha, mae kmagna na neke vahini mana te mala mae funei na.

Eksodas 6:14

Igre nanghadi mae biꞌo ka thilo vikedi Israel: Thugna ululahu Jekop na Ruben, eghuteuna mana au fati thugna nalhaꞌu. Nanghadi fati mae igre, Hanok, nei Palu, nei Hesron nei Kami. Eghuteuna tharakna ka vikegna Ruben igre au nanghadi fati igre.

Ululahu Korin 5:1

Iara nomhini kaisei thoutonu tutuani eigna kaisei mae ka ghotilo eni kaisei puhi te diꞌa fara. Kaisei mae jare thuru fodu ka khetogna mae thofno kmagna na. Eigna neubane mae bongihehe, mare theome tangomana te eni na glepo te diꞌa fara tuana.

Ululahu Kronikols 2:1

Igre nabotho phei thugna mae Israel: Mae Ruben, mae Simion, mae Livae, mae Juda, mae Isaka, mae Sebulun,

Josua 14:6

Keha maedi Juda ne tei Gilgal ka mae Josua. Eghuteuna mae Kaleb thugna mae Jefune igne, mana kaisei mae ka vikegna mae Kenas. Mana ne cheke eghu ka mae Josua, “Kani au teku tahati ka namono Kades Banea, Lord neke cheke ka mae Moses nogna mae gloku na eidi unha teke magnahaghedi mana ka tapa ra. Iagho jame ghathoniu igne.

Diutronomi 27:20

“ ‘Puhi biꞌo ginauna thokeni ihei te thuru balugna khetogna kmagna na, naugna puhi igne famamajani kmagna na.’ Eghuteuna naiknore ginauna cheke eghu, ‘Amen!’

Diutronomi 21:17

Kate tufa mana nogna gobigna lepo re, mana falalase ihei teke kulu karha na, thugna gaꞌase teke theome namhani fara mana na. Neuba glepo te tusu lao mana ka fapea nalhaꞌu na igre, mana mala tusu lao phia fata ka glepo igre ka thugna ulu lahu na naugna ulu lahu nei nogna nolaghi eghu mana.”

Naba 26:5

Ka vikegna mae Ruben, thugna ulu lahu mae Jekob na, ne au tharakna gna mae Hanok, tharakna gna mae Palu, tharakna gna mae Hesron, nei tharakna gna mae Kami. Eghuteuna khaputudi mae nalhaꞌu ka tharaknadi mae igre ne thokeni phiatutu thilo thogha fitu gobi tolufulu mae.

Naba 16:1

Mae Kora gne, thugna mae Isaha ka vikegna mae Kohat ka vikegna mae Livae. Eghuteuna keha thilo mae eghu te balugna mana na, nanghadire mae Datan, mae Abiram nei mae On. Thilo mae igre jifla mei ka vikegna mae Ruben. Eghuteuna mae Datan ghe mae Abiram gre phei thugna mae Eliab. Eghuteuna mae On na thugna mae Pelet. Mare ne toredi phei gobi glimafulu mae lida mala baludi thedi mala magrini mae Moses.

Naba 1:5

Nanghadi nabotho phei mae lida re igre: “Ka vikegna mae Ruben, nodi lida mare na mae Elisua, thugna mae Sedeua.

Levitikas 20:11

“Jame kaisei mae tapla jafra ka khetogna kmagna na, mana famamajani kmagna na. Eghume ghotilo aknu falehedi repa, glehedi repa igne najafradi thedi repa.

Levitikas 18:8

“Thosei thuru balugna gaꞌase te tolaghi ka kmamu na. Puhi igne jaola famamajani kmamu na.

Jenesis 46:8

Igre nanghadi thugna mae Jekop teke tei balugna mana Ijep re. Mae Ruben, mae ihei teke kulu karha ka mana na.

Jenesis 25:23

Lord neke cheke eghu ka naꞌa, “Iagho ginauna na fakarhidi phei thumu nalhaꞌu eghuteuna phei mae igre ginauna mala phaꞌudi phei vike. Eghume phei mae te au teu ka thi'amu iagho na igre ginauna na fnota eghu. Kaisei tothoghei naikno ginauna nheta uluni keha na. Mae teke kulu karha gne mala ke loku ranghini mae teke karha ke leghu na eghu.”

Kolose 1:15

Mae Kraes gne thofno thotoghale gna God mae ihei tahati te theome filoni na, nei thofno Thugna God, pha'udi glepo vuavuha fateo.

Jenesis 25:31

Nu mae Jekop ne cheke eghu ka mana, “Uve, ulu lahu na iagho tusu mei ka iara nou nolaghi iagho teke kulu karha igne mala jateula mae teke kulu karha ra eghu iara, ame tangomana nga iara te fagheu susupu na eghu.”

Jenesis 48:5

Eghuteuna mae Jekop ne jaola ne cheke eghu, “Iara na cheke eidi phei mae thumu iagho teke karha agne Ijep gre kani teke theome mei nga teku iara ka iagho agne na, mae Manase ghe mae Efraim gre. Funu gognaro te haghe na phei mae sitei igre ginauna na jateula te thofno mae thugu eghu iara ngala ka tathadi naiknore mala jateula mae Ruben ghe mae Simion gre eghu.

Diutronomi 33:17

Vikegna mae Efrem au kmana thogha mae, eghuteuna vikegna mae Manase, jaola au kmana thogha mae. Ghopa phei vike igre nheta jateula buluka teke kulu karha ra eghu, eghuteuna ghotilo lase magra jateula buluka nalhaꞌugna mata ra eghu. Ghopa phei vike igre ginauna tangomana te goigonidi naiknodi keha kantri are, eghuteuna huhurudi naikno igre mala au ka khukrugna nauthoglu igne, ghopa ginauna tangomana te goigonidi mare.