Ululahu Kronikols 4:9 - Buka Blahi Ka Cheke Holo

⁹ Kaisei mae nanghagna na mae Jabes, gaoghathogna Jabes teu igne, kabru eghu. Eghuteuna nangha igne neke fangangha idogna na ka teke kabru kate karhagna mana na. Naiknore ghatho tahuni mana ke uludi thabusigna manare.

Ululahu Kronikols 4:9 ပူးပေါင်းရင်းမြစ်များ

Mae Khuru 17:11

Naikno Jiu te au Berea gre thono ke keli tadi fara ka naikno Jiu te au Tesalonika re. Mare magnahaghei fara te fanomho ka glepo te chekedi mae Pol ghe mae Silas. Naikno igre leuleghu narane na iu'ijuni grioriso te blahi na mala lase fakelini glahula tutuani ba theo kolho glepo igre.

Ululahu Samuel 4:21

Naꞌa ne kiloni thugna na, Ikabod, gaoghathogna na, “Siasigla gna nogna nolaghi God na la dofini. Naꞌa nhaꞌa lao nangha igne naugna mae soldia di Filistia ra la hatahi Bokis Blahi na, eghuteuna naugna ivagna naꞌa ghe khetogna re jaola neke lehe.”

Jenesis 34:19

Aonu mae Sekem ne leghuni cheke mare igne ne ghosei ne tei vahe, naugna mana ne magnahagheni fara thugna gaꞌase mae Jekop na. Mae Sekem gne kaisei mae keli nei ghatho tahudi eghu vikegnare.

Ululahu Kronikols 7:23

Aonu mana ne thuru balugna khetogna na, naꞌa bukla ne karha kaisei thugna nalhaꞌu. Eghuteuna, naugna puhi biꞌo te thoke mei ka tharaknagna mana igne, mana ne kiloni mae thugna na mae Beria.

Jenesis 35:18

Nu kate fnuda te namo lehe na, Resel ne kiloni thugna nalhaꞌu na Benoni. Gaoghathogna na “Sua neke karha mei balu khabru biꞌo.” Kate fanangha te gnafa sua igne, Resel ne lehe. Nu ke leghu na mae Jekop neke kiloni mae sitei na mae Benjamin. Gaoghathogna na “Mae sitei igne ginauna au ka nakarha te keli.”

Jenesis 3:16

Aonu God ne cheke eghu ka gaꞌase na, “Iagho ginauna na para nigho fara kate bukla na. Eghuteuna iagho ginauna na kabru gheu fara kate karha gna sua na. Neuba iagho ne au papara, iagho ginauna na magnahagheni fara khetomu na, eghuteuna mana ginauna na funei fruni nigho iagho.”

Profet Isaia 43:4

Uve, ghotilo thofno naikno ulu fara ka tathagu iara na ke tulaodi naikno te gnafa ka nauthoglu igne. Iara Lord neke vahi ghami ghotilo tughudi naiknodi keha kantri are, mala tangomana ghotilo teke au ka nakarha te keli. Naugna iara ghatho tahu ghami fara ghotilo, nei namha ghami eghu ghotilo. Eghuteuna iara magnahagheni fara te mala pala haghedi nanghami ghotilore.

Ululahu Kronikols 4:8

nei mae Kos. Mae Kos gne neke kmadi mae Anub ghe mae Hasobeba. Mae Kos jaola neke kuꞌedi vikegna mae Aharel, eghuteuna mae Aharel gne neke thugna mae Harum.

Ululahu Kronikols 4:10

Kaisei fata mae Jabes neke tarai eghu ka nodi God maedi Israel, “God, fablahi ghau nei tusu mei ka iara kmana vido glose. Iara tore nigho iagho mala au balugu iara, thosei snakreni kaisei hoholo mala thoke ghau iara mala theome haimini iara kaisei khabru.” Aonu God ne tusu ranghini mana gobigna lepo teke toredi mana igre.

Proveb 23:25

Eghume, iagho faglealeꞌadi idomu kmamure.