Ululahu Kronikols 4:10 - Buka Blahi Ka Cheke Holo

¹⁰ Kaisei fata mae Jabes neke tarai eghu ka nodi God maedi Israel, “God, fablahi ghau nei tusu mei ka iara kmana vido glose. Iara tore nigho iagho mala au balugu iara, thosei snakreni kaisei hoholo mala thoke ghau iara mala theome haimini iara kaisei khabru.” Aonu God ne tusu ranghini mana gobigna lepo teke toredi mana igre.

Ululahu Kronikols 4:10 ပူးပေါင်းရင်းမြစ်များ

Proveb 10:22

Lord na tusu ranghi ghita kmana glepo te keli. Eghuteuna theo kaisei glepo tangomana te togho nigho iagho te mala dedei na.

Profet Jeremaea 33:3

Tutuani fara! Jame te eha mei ghotilo ka iara mala togho ghami teuna, iara ginauna nomhi ghami nei togho ghami eghu ghotilo. Eghuteuna iara ginauna chekeni glepo te thofno keli fara te theome tangomana kaisei naikno teke laseni tifa na.

Profet Isaia 41:10

Eghume ghotilo thosei mhaghu! Iara nomi God ghotilo mala au balumi ghotilo. Iara ginauna farheta ghami nei togho ghami eghu ghotilo. Uve, khame nhetagu iara na ginauna togho ghami ghotilo mala kegra heta ghotilo, eghuteuna iara ginauna reireghi ghami ghotilo ka puhi te doglo.

Efesus 3:20

Nogna nolaghi God te loku ka nagnafada gre tangomana te eni glepo te ulu fara ka unha tahati te toreni ba ghathoni.

Nodi Khoje Hatimare Mae Jiu 119:173

Tarabana kobau sagho mala mei togho ghau iara, naugna iara ne leghudi nou famane vetula iagho gre.

Fapea Timoti 4:18

Lord Jisas Kraes ginauna hata fajifla ghau iara ka glepo te diꞌa fateote'o, eghuteuna hata tei ghau ka namono kligna aheva mana te King. Tahati kilo fnaknoni mana tifa tifa! Amen.

Jone 10:28

Iara tusu ranghidi u karha fei tifa na, eghuteuna reꞌe ginauna theome lehe. Eghuteuna theome tangomana kaisei naikno nate blaudi ka iara re.

Efesus 1:3

Tahati cheke fakelini God, Kmagna noda Lord Jisas Kraes! Naugna tahati nogna mae Jisas Kraes, God neke tusu mei ranghi ghita u fablahi te gnafa te mei funu kligna.

Nodi Khoje Hatimare Mae Jiu 21:4

Iagho neke tusu lao u nakarha te keli teke toreni mana na. Eghuteuna iagho neke tusu lao u nakarha te keli tuana ka mana mala au fabrahu tifa e tifa.

Profet Isaia 41:17

“Nogu naikno iara igre tanhi mei ka iara mala toghodi, jateula mae ihei te kuma te magnahaghei fara khoꞌu ra eghu. Eghuteuna iara Lord, nodi God mae Israel, iara ginauna nomhidi nodi tharai re na theome ghatho ihodi.

Nodi Khoje Hatimare Mae Jiu 55:16

Nu iara ginauna kiloni nogu God na mala mei togho ghau, nei mala mei fakarhi ghau eghu.

Ululahu Korin 1:2

te riso ari letas igne ka ghotilo naikno khiloau te au ka namono biꞌo Korin. God kilo ghami ghotilo mala nogna naikno blahi mana baludi naikno heva heva te tore ka nanghagna noda Lord Jisas Kraes. Jisas noda Lord tahati gnafa!

Jenesis 33:20

Mae Jekop ne fakekegra kaisei olta ka vido igne ne kiloni olta igne “El Elohe Israel,” gaoghathogna na “God gna Israel.”

Jenesis 12:2

“Iara ginauna na fabruarani vikemu iagho gne mala thovu. Eghuteuna iara ginauna na fablahi nigho nei naiknore ginauna na lase nigho iagho kaisei mae biꞌo fara. Eghuteuna keha naiknore ginauna na cheke fakeli nigho iagho, na cheke eghu fari thedi, ‘God na fablahi nigho jateula teke eni mana ka mae Ebram tifa ia eghu.’

Jenesis 48:16

Iagho neke thakle ka iara jateula kaisei engel neku neke fakarhi ghau iara ka hoholo ra. Gognaro gne iagho fablahidi phei mae sitei igre. Iagho mala jaola mala fablahidi thudi phia mare re mala kaisei vike biꞌo fara ginauna. Mare ginauna mala theome ghatho ihoni nanghagu iara na, nei nanghagna mae Ebraham nei nanghagna mae Isak.”

Nodi Khoje Hatimare Mae Jiu 99:6

Mae Moses ghe mae Eron, phia mare nogna mae pris God, eghuteuna mae Samuel kaisei mae ka mae iheire neke tarai ka God. Hatimare mae igre neke tarai ka God, eghuteuna mana neke cheke tughudi nodi tharai mare re.

Nodi Khoje Hatimare Mae Jiu 72:17

Te keli na jame mare theome ghatho ihoni nanghagna mae king na, uve, nanghagna mana te fnakno na mala au fabrahu, jateula naprai te au fabrahu ka maloa na ana eghu. Eghuteuna naikno te gnafa ka nauthoglu igne ginauna tore nigho iagho mala fablahidi jateula iagho teke fablahini mae king ia eghu. Naikno ginauna ghatho tahuni mana.

Jenesis 32:28

Aonu mana ne cheke eghu ka mana, “Tifa na mare neke kiloni nanghamu iagho na Jekop. Nu gognaro na nanghamu iagho na Israel, naugna iagho ne magra balugna God nei jaola magra balugna naikno neu, la heta gheuhi la ulunihi iagho magra igne.” Nangha igne gaoghathogna na “Magra balugna God” eghu.

Nodi Khoje Hatimare Mae Jiu 65:2

Naugna te nomhidi iagho nomi tharai ghehati gre, naikno te gnafa ka namono te gnafa gre ginauna na ari mala fafara ka iagho.

Jenesis 32:26

Aonu mana ne cheke eghu ka mae Jekop, “Lisei ghau iara sagho, naugna u naprai gne la haghehi.” Nu mae Jekop ne cheke eghu ka mana, “Iara ginauna na theome snakre tei nigho iagho ghilei fablahi ghau iara ghu iagho!”

Proveb 30:8

Glepo ulu lahu na, iara theome mala chaichaghi. Fapea glepo na, iara theome mala kuma fara ba dedei fara. Khogla tusu mei naba gano leuleghu narane.

Nodi Khoje Hatimare Mae Jiu 51:8

Iara magnahaghei te nomhini ka iagho tela kokohi iagho nakhibogure. Te eghu iagho na, iara ginauna na glealeꞌa fara.

Thoutonu Eigna Mae Job 12:4

“Neuba iara ne tarai ka God ne cheke tughu mana ka iara, iara jateula kaisei mae kheragna manare maꞌeni mana. Uve, neuba iara ne doglo nei keli neu, mare maꞌe fadiꞌa ghau iara.

Ululahu Samuel 1:17

Aonu mae Eli ne cheke eghu ka Hana, “Iara toreni noda God tahati maeda Israel mala tusu ranghi nigho unha te toreni iagho na.”

Jenesis 12:8

Aonu mae Ebram ne jifla Sekem ne tei ka kaisei thogele ke maghati rhegna namono Betel. Eghuteuna mana ne hohoro haghe nogna suga tapuale na fari hotei Betel nei namono Ai. Betel gne au ke mosu, eghuteuna Ai gne au ke maghati. Eghuteuna jare mae Ebram ne hohoro keha olta na malagna Lord ne pogho soru ranghini mana.

Nodi Khoje Hatimare Mae Jiu 51:12

Faglealeꞌa fapulo ghau, eigna iagho neke fakarhi ghauhi iara. Togho mei ghau mala thofno leghu nigho iara.

Letas Teke Riso Tei Mae Pol Ka Khiloau Rom 12:9

Thosei namha chaichaghi. Filo uchuni unha te diꞌa. Loku famaku ka nagnafami unha te keli.

Mae Khuru 3:26

Eghume God neke kulu vahini nogna mae gloku Jisas neke kulu kuru meini ka ghotilo. Mana kuru meini mae Jisas mala fablahi ghami ghotilo kate figri tagruni ghotilo nabrou glehe na.”

Letas Teke Riso Tei Mae Pol Ka Khiloau Rom 16:19

Naikno te gnafare nomhinihi eigna te kegra heta ghotilo ka nomi fatutuani na. Iara gleale'a fara ka ghotilo eigna igne. Nu iara magnahaghe ghami ghotilo te mala thofno lase fakelidi mala edi glepo te kelire, nei iara magnahaghe ghami ghotilo te mala thosei ghathodi mala edi kolho glepo te diꞌare.

Matiu 6:13

Thosei snakreni kaisei glepo mala mei fariuriu ghami, nu fakarhi ghami kau nogna nolaghi Satan.’

Ululahu Kronikols 16:8

Tahati mala tegio Lord! Uve, tahati mala cheke fabiꞌoni nanghagna mana na! Eghuteuna tahati mala cheke ka naiknodi keha kantri are unha te edi God re.

Thakle 3:19

Naikno te namhadi fara iara gre, iara tangomana te cheke faheta ranghidi mala lilisei nodi puhi te diꞌare, nei jaola tangomana te farirhiudi mala leghuni nabrou te doglo na. Eghume, ghotilo mala hati nhetami na mala koko puhi te diꞌare.

Efesus 4:30

Eghuteuna thosei fadiꞌa nagnafani mae Tharunga te Blahi, naugna mana nogna nhaꞌa cheke God eigna God ginauna thofno fasnagla ghami ka narane leghu lahu na.

Jone 21:17

Fatilo fata na mae Jisas neke cheke eghu la ka mae Pita, “Simon, thugna Jone, iagho namha ghau iara ngau sia?” Mae Pita ne diꞌanagnafa gna fara naugna mae Jisas ne thilo fata cheke eghu ka mana, “Iagho namha ghau iara ngau sia?” teuna. Eghume, mae Pita ne cheke eghu ka mana, “Lord, iagho lasedihi gobigna lepore. Iagho lase ghau iara te thofno namha nigho na.” Mae Jisas ne cheke eghu ka mae Pita, “Reireghidi gnafa nogu naikno iara jateula sipu teu igre.”

Luku 19:42

Mae Jisas ne cheke eghu, “Thofno keli fara jame te filo glanini ghotilo gognarona puhi te mala batuni naikno te tei kau pharikeli na. Nu ghotilo theome tangomana te filo glani na eghu, naugna poru ka ghotilo.

Matiu 26:75

Aonu mae Pita neke ghathoni unha teke cheke eghu mae Jisas ia, “Ame taitanhi nga khokorako na teuna, iagho ginauna thilo fata chekeni ne theome lase ghau iara teuna.” Aonu mae Pita jifla kosi ne tanhi ne srudu balu diꞌanagnafa.

Ululahu Kronikols 4:9

Kaisei mae nanghagna na mae Jabes, gaoghathogna Jabes teu igne, kabru eghu. Eghuteuna nangha igne neke fangangha idogna na ka teke kabru kate karhagna mana na. Naiknore ghatho tahuni mana ke uludi thabusigna manare.

Ululahu Kronikols 4:11

Mae Kelub thabusigna mae Suha igne, mana au kaisei thugna nalhaꞌu. Nanghagna na, mae Mehia. Mae Mehia gne kmagna mae Eston.

Jenesis 28:20

Eghuteuna mae Jekop ne nhaꞌa cheke eghu ka God, “Jame te au iagho balugu iara, nei reireghi ghau iara teu ka nabrou te brahu te magnahaghei tei iara igne, iagho tusu ranghi ghau iara gano nei pohe,

Jenesis 28:21

nei ke hata fafigri ghau iara ka pharikeli ka sugagna mae kmagu na teuna, iara ginauna na pogho soru nigho iagho fabrahu.

Jenesis 32:27

Mae igne ne ghusna eghu, “Ihei iagho nanghamu na?” Mae Jekop ne cheke eghu, “Iara nanghagu na mae Jekop.”

Ululahu Samuel 1:20

Eghuteuna Hana ne bukla, eghuteuna naꞌa ne au kaisei thugna nalhaꞌu ne kiloni Samuel, gaoghathogna na “Lord ne nomhini ghau iara.” Naugna naꞌa neke tore ka Lord mala tusu ranghini sua.

Ululahu Samuel 1:26

Hana ne cheke eghu ka mana, “Mae biꞌo, iagho filo glani ghau ngau iara ba theo? Iara ngala gaꞌase teke filoni iagho teke kegra teke tarai ka Lord Saelo ia.

Ululahu Samuel 1:27

Iara neke toreni ka Lord sua igne, eghuteuna mana neke tusu mei unha teke toreni iara na.

Nodi Khoje Hatimare Mae Jiu 121:7

Lord ginauna reireghi ghita ka thua hoholo fateote'o. Uve, mana na reireghidi nakarhadare.

Nodi Khoje Hatimare Mae Jiu 145:19

Leuleghu fata na mana tusu lao glepo ka iheire te ghatho tahuni mana re. Mana jaola nomhidi nodi tharai re nei fakarhidi.