Ululahu Kronikols 4:1 - Buka Blahi Ka Cheke Holo

¹ Igre nanghadi keha vikegna mae Juda re: Mae Peres, mae Hesron, mae Kami, mae Hua, nei mae Sobal.

Ululahu Kronikols 4:1 ပူးပေါင်းရင်းမြစ်များ

Jenesis 46:12

Keha na mae Juda baludi thugnare, nanghadire mae Er nei mae Onan nei mae Sela nei mae Peres nei mae Sera. Nu mae Er ghe mae Onan gre phia mare neke lehe kani au teku mare Kenan na. Eghuteuna thugna nalhaꞌu mae Peres re neke mae Hesron ghe mae Hamul.

Jenesis 38:29

Nu reꞌe neke huta falamna khamegna mana na. Aonu keha mae sua nalhaꞌu na neke kulu jifla mei. Thau te toghoni Tama na ne cheke eghu, “Naugna unha ne roꞌeni nga iagho vike na ne kulu jifla mei?” Aonu mare ne kiloni mana Peres, mae sitei teke kulu jifla mei igne. Nangha igne gaoghathogna na “Mae ihei te kulu jifla mei.”

Luku 3:33

Mae Nason gne neke thugna mae Aminadab. Mae Aminadab gne neke thugna mae Admin. Mae Admin gne neke thugna mae Arni. Mae Arni gne neke thugna mae Hesron. Mae Hesron gne neke thugna mae Peres. Mae Peres gne neke thugna mae Juda.

Matiu 1:3

mae Juda na neke kmadi mae Peres ghe mae Sera (idodi na neke Tama); mae Peres na neke kmagna mae Hesron; mae Hesron na neke kmagna mae Ram;

Ululahu Kronikols 2:18

Mae Kaleb gne neke thugna nalhaꞌu mae Hesron, mana ne tolaghi ka Asuba. Aonu repa ne au kaisei thudi gaꞌase, nanghagna na Jeriot. Eghuteuna Jeriot ne au thilo thugna nalhaꞌu, mae Jesa, mae Sobab nei mae Adon.

Ululahu Kronikols 2:9

Mae Hesron ne au thilo thugna nalhaꞌu: Mae Jeramel, mae Ram nei mae Kaleb.

Ululahu Kronikols 2:5

Mae Peres gne ne au phei thugna nalhaꞌu: Mae Hesron ghe mae Hamul.

Ululahu Kronikols 2:3

Mae Juda neke au glima thugna nalhaꞌu. Mana neke tolaghi ka Batsua gaꞌase gna Kenan ne au thilo thugna nalhaꞌu igre: mae Era, mae Onan, nei mae Sela. Mae Era thugna ululahu mae Juda igne ne edi kmana glepo te thono diꞌa fara ka tathagna Lord na, aonu Lord diꞌatagna ne faleheni mana.

Thoutonu Eigna Rut 4:18

Igne teke thoutonu eigna vikegna mae Peres te posa ka teke vikegna mae King Devet na. Peres gne neke kmagna mae Hesron, mae Hesron gne neke kmagna mae Ram, mae Ram gne neke kmagna mae Aminadab, mae Aminadab gne neke kmagna mae Nason, mae Nason gne neke kmagna mae Salmon, mae Salmon gne neke kmagna mae Boas, mae Boas gne neke kmagna mae Obed, mae Obed gne neke kmagna mae Jesi, eghuteuna mae Jesi gne neke kmagna mae Devet.

Ululahu Kronikols 3:24

Eghuteuna mae Elioenae gne neke au fitu thugna nalhaꞌu. Nanghadi fitu mae igre neke mae Hodavaea, mae Eliasib, mae Pelaea, mae Akub, mae Johanan, mae Delaea, nei mae Anani.

Ululahu Kronikols 4:2

Mae Sobal gne neke kmagna mae Rehaea, eghuteuna mae Rehaea gne neke kmagna mae Jahat, eghuteuna mae Jahat gne neke kmadi mae Ahumaea ghe mae Lahad. Vike igre au ka namono Sora.

Naba 26:19

Ka vikegna mae Juda na, ne au mei tharakna gna mae Sela, tharakna gna mae Peres, tharakna gna mae Sera. Nu ka tharakna gna mae Peres na, ne au mei phei tharakna ikodi la ngau, tharakna gna mae Hesron nei tharakna gna mae Hamul eghu. Eghuteuna khaputudi mae nalhaꞌu ka tharakna igre ne thokeni fitusalei namno thogha glima gobi. Tifa na, mae Juda neke au phei thugna, mae Era ghe mae Onan nu phiamare neke lehe jare Kenan. Nu phiamare neke theo thudi kolho.

Ululahu Kronikols 2:4

Ke leghugna igne, mae Juda ne thuru balugna Tama, thugna ivagna thegna teke lehehi khetogna na. Aonu Tama ne karha phei thugna nalhaꞌu, mae Peres ghe mae Sera.

Ululahu Kronikols 2:7

Akan thugna mae Kami, vikegna mae Sera igne ne edi keha puhi te diꞌa ka naiknodi Israel, naugna mana ne hata glepo mala gnubra fahui teku Lord re.

Ululahu Kronikols 2:50

Igre thugna mae Kaleb: Mae Hua gne thugna ululahu mae Kaleb neke karha ka Efrat ka fapea khetogna na. Mae Hua gne kmadi mae Sobal ghe mae Salma. Mae Sobal gne mae ihei teke eꞌei gna namono biꞌo Kiriat-Jaerim. Eghuteuna mae Salma gne mae ihei teke fufunu gna namono Betlehem. Eghuteuna mae Haref fatilo thugna mae Hua igne, mana teke fufunu gna namono Bet-Gadea.