Ululahu Kronikols 28:2 - Buka Blahi Ka Cheke Holo

² Aonu King Devet kegra haghe ne cheke eghu ka mare, “Ghotilo thabusiguro nei nogu mavitu teura! Ghotilo fanomho mei! Iara thofno magnahagheni fara te horo kaisei Sugablahi mala lilisei nogna Bokis Nhaꞌa Cheke Lord igne ke lamnagna. Igne vido nate tangomana God nate au tagna na. Eghuteuna iara la tarabanahi gaoghatho te mala horo Sugablahi igne.

Ululahu Kronikols 28:2 ပူးပေါင်းရင်းမြစ်များ

Profet Isaia 66:1

Lord ne cheke eghu, “Kligna na nogu sape nafnakno iara, eghuteuna nauthoglu igne nogu vido mala tapla iara phei ghahegu gre. Eghume, ghotilo ginauna horo nogu suga iara na aheva? Aheva nate au nogu vido mala gnafa iara na?

Nodi Khoje Hatimare Mae Jiu 99:5

Lord mae ihei te blahi na noda God tahati. Mana gnokro ka nogna sape nafnakno na mala funei fruni. Eghume, tahati mala pogho soru ka mana mala tarai nei cheke fakelini eghu mana.

Lamentations 2:1

Lord ne toku tafru namono Jerusalem kate diꞌatagna na. Diꞌatagna mana igne jateula saeklon biꞌo te toku tafru namono na ka gromno biꞌo ra neu. Tifa na Jerusalem gne neke kaisei famane namono agne Israel, aheva te au nogna Sugablahi funei na. Nu ka narane te diꞌatagna Lord igne, mana goigoni namono igne, eghuteuna mana theome ghatho tahuni Sugablahi igne.

Mae Khuru 7:49

“ ‘Nogu sape nafnakno te mala gnokrogna mae King na au kligna, eghuteuna u nauthoglu gne mala tapladi iara phei ghahegu gre. Eghume unha nafnata suga te tangomana te hohoro ghotilo malagu iara na? Aheva nate eni ghotilo u vido te mala gnafagu iara na?

Nodi Khoje Hatimare Mae Jiu 132:14

Mana neke cheke eghu, “Igne vido nate au fabrahu iara tagna na. Vido igne ginauna mala namonogu iara, naugna iara ne khaeni fara.

Nodi Khoje Hatimare Mae Jiu 22:22

Gognaro na iara ginauna toutonu ka mae kheragure eidi glepo teke edi iagho ra. Iara ginauna na cheke fakeli nigho ke uludi mare.

Ululahu Kronikols 22:14

“Iara neke loku heta fara neke tarabanahi thilo mola fati gobi thogha kilo ka gol, nei tolufulu fati mola kilo silva eghu te au teu te mala horogna nogna Sugablahi Lord na. Eghuteuna iara jaola salo fodu kmana bras nei aean eghu te theo ihei nga te tangomana te skeledi re. Eghuteuna iara jaola la tarabana hi thaba nei thina teure, nu iagho magnahaghei te hata keha glepoi langau eghu.

Ululahu Kronikols 6:31

Kate hata te mei mae King Devet Bokis Blahi na Jerusalem igne, mana ne vavahi thilo mae mala hulu khoje ka vido blahi na.

Ululahu Kings 1:47

Eghuteuna noda mae biꞌo te gnafa tahati ra kafe tei filoni King Devet, ne cheke eghu ka mana, ‘Ghehati thofno gleale'a fara! God ginauna tusu ranghini nafnakno biꞌo thumu Solomon. Eghuteuna nogna nolaghi mana na rheta fara salaꞌuni nou nolaghi iagho na.’ Aonu King Devet thuru neu ka sape na ne cheke fakelini God.

Diutronomi 17:20

Ka puhi igne mana ginauna theome fahaehaghe nei theome ghathoni ne keli fara thegna ne salaꞌudi kheragna Israel igre teuna. Eghuteuna mana ginauna theome ghatho ihoni nogna vetula Lord na. Jame te ghatho tahuni Lord mana na, mana ginauna king fabrahu kmana finogha, eghuteuna vikegna mana re ginauna jaola king fabrahu Israel.”

Diutronomi 17:15

Jame te eghu na, ghotilo filo fakelini mae ihei Lord nomi God kolho te vahini na. Ghotilo mala vahini kaisei maegna Israel ka themi, mana theome maegna ka namono delei te mala au nogna nolaghi te mala funei fruni ghami ghotilo na.

Jenesis 48:2

Kate posa mei mae Josep na, keha naikno re ne cheke eghu ka mae Jekop, “Mae thumu iagho Josep na la mei mala filo nigho iagho.” Aonu mae Jekop nheta neu katha ikoi ne gnokro haghe ka sape na.

Ululahu Kings 5:3

“Iagho laseni, tifa na kmagu iara King Devet, mana neke theome babana Sugablahi te mala kilo fnaknoni nanghagna Lord nogna God na. Naugna nodi naoka mare kantri te au faligohoni mana re mei magra koba ka mana. Leuleghu fata na mana magra koba ka nogna naokare, eghuteuna Lord ne ghilei toghoni mana neke uludi mare.

Ululahu Kronikols 17:4

“Iagho tei cheke eghu ka mae Devet, nogu mae gloku iara ia, ‘Lord neke cheke eghu: Theome iagho te mala eni kaisei suga te mala au iara na.

Fapea Kronikols 6:7

Aonu mae Solomon ne cheke eghu, “Kmagu iara King Devet ia neke magnahagheni fara te horo kaisei Sugablahi mala tangomana tahati te mala cheke fakelini nanghagna Lord.

Profet Isaia 60:13

Mare ginauna tei ka namhata biꞌo Lebanon mala hata mei famane gaju paen, junipa nei saepras mala ke horo fapulo Jerusalem, nei mala ke famane hohoro fakeli nogu Sugablahi iara igne.

Ululahu Kronikols 22:6

King Devet ne kilo meini Solomon, ne cheke ranghini mana mala horo kaisei nogna Sugablahi Lord, nodi God mae Israel.

Ululahu Kronikols 22:7

Mana ne cheke eghu, “Thuguo, iara neke magnahagheni fara te horo kaisei Sugablahi mala cheke fakelini nanghagna Lord noda God.

Nodi Khoje Hatimare Mae Jiu 110:1

Lord ne cheke eghu ka nogu King iara na: “Iagho gnokro fei nhetagu iara ghilei lisei soru iara nou naoka iagho re ke parigna nou nolaghi na.”

Nodi Khoje Hatimare Mae Jiu 132:2

Lord God, iagho nogna God mae Jekop, nolaghi te gnafa gre nou iagho. Ghathodi sagho u nhaꞌa cheke teke edi mae Devet ka iagho ra.

Profet Esikiel 43:7

Lord ne cheke eghu, “Maegna ka nauthoglu. Igne nogu sape nafnakno biꞌo iara te mala gnokro jateula king teuna. Iara ginauna au balumi ghotilo naiknomi Israel mala funei fruni fabrahu tifa tifa. Naiknodi balu nodi king, mare neke leghudi god te diꞌa, eghuteuna tarai ka mumuju te theo karha tadi, teke lisei haghe hatimare mae king ka vido blahi ra. Nu mare ginauna theome tangomana na teke lausasaba nanghagu iara te blahi na.

Matiu 25:16

Aonu mae gloku teke hata glima duku sileni igne ghosei ne tei loku ne tangomana teke horo haghe keha glimai.