Ululahu Kronikols 27:1 - Buka Blahi Ka Cheke Holo

¹ King Devet ne fofota nogna armi na ka nabotho phei tothoghei, eghuteuna varadaki fati thogha soldia te au ke lamnagna kaisei tothoghei na. Tothoghei igre au nodi komanda, mae biꞌo nei lida mala loku ranghini king. Leuleghu nhigra na kaisei tothoghei armi kolho te loku na.

Ululahu Kronikols 27:1 ပူးပေါင်းရင်းမြစ်များ

Profet Maeka 5:2

Lord ne cheke eghu, “Ghotilo naiknomi ka namono ikoi Betlehem, ka nohi Efrata. Nomi namono ghotilo igne kaisei namono ikoi kolho ka namono te gnafa te au falithui ghami ghotilo. Nu neuba, iara ginauna vahini kaisei mae ka vikemi ghotilo agne Juda, mala funei fruni ni Israel. Tharakna gna mae igne kaisei tharakna thofno ulu fara neke mei funu tifa.”

Ululahu Kronikols 28:1

Mae Devet ne fatei cheke ka hatimare mae biꞌodi Israel mala kafe mei Jerusalem. Mana ne kilo meidi goro mae funeidi vike te gnafa, nei komandadi nogna tothoghei armi king, nei keha komanda ka armi, nei goro mae biꞌo te fiofilodi nogna gobigna lepo mana re, nei goro mae biꞌo te fiofiloni nogna suga biꞌo, nei nogna hose, nei goro thugna, nei nogna soldia teu king te thofno nheta tulao.

Ululahu Kronikols 13:1

Aonu King Devet ne cheke baludi mae komanda ka armi.

Ululahu Kings 5:14

Mana ne vahini mae Adoram te mala jateula nodi phaꞌu mae teuna, eghuteuna mana tufa mae igre ka thilo tothoghei, eghuteuna ke lamnagna kaisei tothoghei na, au nabotho thogha mae. Tothoghei te gnafa ka thilo tothoghei igre tei loku kaisei nhigra Lebanon, eghuteuna ke pulo mei au phei nhigra ka namono.

Ululahu Kings 4:27

Hatimare nabotho phei nogna mae gavana mana igre hata mei gano ka king kaisei nhigra ke lamnagna kaisei finogha. Mae gavana igre hata mei gano ka mana nei ka iheire te au ka sugagna king mala theome kmoꞌe ka unha te magnahagheni mare na.

Ululahu Kings 4:7

King Solomon ne vavahi nabotho phei mae gavana mala reireghidi nabotho phei nohidi Israel. Nodi gloku mae igre mala hata gano ka nabotho phei nohi igre tei Jerusalem ka king nei tharaknagna. Mare eni igne kaisei nhigra ke lamnagna kaisei finogha.

Ululahu Samuel 8:12

Mana ginauna vavahi keha mae mala komanda ka kaisei thogha soldia, eghuteuna kehare mala komanda ka glimafulu soldia. Thumi ghotilore ginauna mala loku ka nagare manare, eghuteuna kehare ginauna mala tei hata gano ka nagare igre. Mare ginauna loku ka glepo mala magra baludi glepodi nogna chariot mana re.

Diutronomi 1:15

Eghume iara vavahi mae mala baubatu ka vike te lalase nei au nangha te keli. Eghuteuna iara fablahidi mae igre mala batu ghami ghotilo. Keha ka mare mala komanda ka kaisei thogha mae, eghuteuna keha kaisei gobi mae, eghuteuna keha glimafului mae, eghuteuna keha nabotho mae.

Eksodas 18:25

ne vavahi keha famane mae funei te lalase ka vike te gnafa hatimare mae Israel gre ne lilisei mae te mala batudi tothoghei nabothoi, glima fului, kaisei gobi nei kaisei thogha.

Ululahu Kronikols 26:32

Aonu King Devet ne vahidi phei thogha fitu gobi kheragna mae Jeria mala batuni nogna gloku God, nei nogna gloku king langau eghu, ka nodi kantri mae Israel ke maghati Khoꞌu biꞌo Jordan ka nogna nohi mae Ruben, nei ka nogna nohi mae Gad, nei ka nogna nohi mae Manase.

Ululahu Kronikols 27:2

Ka nhigra ulu lahu na, mae Jasobeam thugna Sabdiel te batuni tothoghei ulu lahu na.

Ululahu Kronikols 29:6

Aonu hatimare mae mala baubatu ka tharakna, hatimare mae funei ka vike, keha mae komanda ka armi, nei hatimare mae biꞌo te mala fiofilodi nogna gobigna lepo king teu igre mare ne kelitadi kolho ne tusu lao kmana glepo.

Josua 23:1

Kmana finogha ke leghu, Lord ne tusu ranghidi naiknodi Israel pharikeli baludi nodi naoka fateote'o te au faligohodi teu. Ka narane tuare, Josua la thofno kuekuꞌe farahi.

Fapea Samuel 23:8

Igre nanghadi nhuludi nogna soldia mae Devet re: Ulu lahu na, mae Jes-Baal ka vikegna mae Hakmon. Mae igne mae funei ka thilo mae nhuludi soldia igre. Mana neke hata nogna goru na neke fada falehe nhana gobi soldia.

Ululahu Kronikols 11:10

Lida te gnafa ka vike te gnafa Israel igre ne toghoni mae Devet mala king leghuni unha teke nhaꞌa chekeni Lord. King Devet ne au nogna soldia te keli, mae iheire te thofno toghoni mana te kaisei mae king rheta.

Fapea Kronikols 1:2

King Solomon ne fatei cheke ka komanda di armi te gnafa, nei ka goro mae biꞌo di Israel te gnafa, nei ka iheire te baubatu ka tharakna te gnafa, nei ka keha naiknodi Israel te gnafa.