Ululahu Kronikols 26:8 - Buka Blahi Ka Cheke Holo

⁸ Mae igre te gnafa na kafe ka vikegna mae Obed-Idom. Khaputudi mae igre namnosalei phei mae. Mare balu thudi nei thabusidi teu igre kafe mae keli fara, eghuteuna mare nabadi fara te mala reireghini Sugablahi na.

Ululahu Kronikols 26:8 ပူးပေါင်းရင်းမြစ်များ

Ululahu Pita 4:11

Ihei ka ghotilo te toutonuni chekegna God na, mana mala toutonuni cheke teke tusu mei God ka mana kolho. Eghuteuna ihei ka ghotilo te toghodi naiknore, mana eni igne ka nanheta teke tusu ranghini God na. Ka nafnata gloku te keli igre, naiknore ginauna kilo fnaknoni God ka nanghagna mae Jisas Kraes. Nafnakno nei nolaghi biꞌo te au balugna God tifa tifa. Amen.

Fapea Korin 3:6

Tutuani, God neke eni kaisei nhaꞌa cheke majaghani baludi nogna naiknore. Mana ngala te fatangomana ghami ghehati te mala loku ranghini mana mala toutonu ka naiknore eigna nhaꞌa cheke majaghani na. Igne u nabrou teke eni mana mala fakarhidi mare. U nhaꞌa cheke majaghani igne theome glepo neke rioriso soru ka nogna vetula mae Moses nu nogna Tharunga te Blahi. Naugna vetula tuana mala faleheni naikno na, nu Tharunga te Blahi na mala tusu meini u karha na.

Matiu 25:15

Aonu mana tusu lao sileni kmana ka thilomare leghuni nodi glalase na. Mana ne tusu lao ka kaisei mae gloku glima duku sileni. Ka keha mae gloku na, phei duku sileni. Eghuteuna, ka fatilo mae gloku na, kaisei duku sileni. Mana jifla ka namono na ne tei.

Fapea Samuel 6:10

Aonu mae Devet ne tirogna te hata te mei Bokis Blahi igne ka nogna namono biꞌo Jerusalem. Aonu mare hata ne tei Bokis Blahi igne ne lilisei ka suga gna mae Obed-Idom maegna ka namono Gat.

Ululahu Kronikols 26:7

Thugna mae Semaea re igre: Mae Otni, mae Rafael, mae Obed nei mae Elsabad. Eghuteuna phei thabusidi mare, mae Elihu ghe mae Semakaea igre jaola mae keli fara.

Ululahu Kronikols 26:9

Eghuteuna mae Meselemaea au nabotho nhana thabusigna nei thugna eghu, mae igre thofno mae soldia keli fara.