Ululahu Kronikols 26:17 - Buka Blahi Ka Cheke Holo

¹⁷ Leuleghu narane na, namno mae reireghi grengatha ke maghati, fati mae reireghi grengatha ke raru, fati mae reireghi grengatha ke mata, eghuteuna phei mae reireghi chogho mala lilisei gobigna lepo teke tusu laohi naiknore ka Lord.

Ululahu Kronikols 26:17 ပူးပေါင်းရင်းမြစ်များ

Fapea Kronikols 8:14

Mana vavahi keha mae pris mala loku leuleghu narane, leghuni unha teke chekeni mae kmagna na. Eghuteuna mana vahidi mae Livaet mala toghodi hatimare mae pris, mala koje nei mala kilo fnaknoni God. Mana jaola vahidi mae iheire te mala reireghi grengathagna Sugablahi na, leghuni unha teke chekeni mae Devet nogna mae gloku God tifa.

Ululahu Kronikols 9:24

Mae te mala reireghi igre mare au ka fati philegna Sugablahi na. Kaisei ke maghati, kaisei ke mosu, kaisei ke raru nei kaisei ke mata.

Ululahu Kronikols 26:16

Lalahu khale igne ne soru ka tharaknadi mae Supim ghe mae Hosa mala reireghi grengatha ke mosu na, nei mala reireghi mare grengatha te kiloi mare, “Grengatha Saleket” ka nabrou te haghe holo na. Leuleghu fata na mare reireghi grengatha ghilei gnafa nodi vido narane mala loku na, eghuteuna keha mae greireghi re ke mei tughudi mare.

Ululahu Kronikols 26:18

Fati mae reireghi ke mosu lithui ke kosigna Sugablahi na, eghuteuna phei mae reireghini varandagna na.

Fapea Kronikols 31:14

Eghuteuna kaisei mae Livaet nanghagna na Kore, thugna Imna, mana te reireghini grengatha gna Sugablahi fei ke maghati na. Mare jaola vahini mae Kore mala hata thufa teke tusu ranghini God naiknore, leghuni nodi magnahaghei thedi na. Eghuteuna mana jaola tufa gano igre ka hatimare mae pris nei hatimare mae Livaet.

Nehemaea 12:25

Mae Matanaea, nei mae Bakbukaea, nei mae Obadaea, nei mae Mesulam, nei mae Talmon, nei mae Akub, mae igre mala reireghi gna chogho te au gobi lepogna Sugablahi te au namo rhedi grengathare.