Ululahu Kronikols 26:16 - Buka Blahi Ka Cheke Holo

¹⁶ Lalahu khale igne ne soru ka tharaknadi mae Supim ghe mae Hosa mala reireghi grengatha ke mosu na, nei mala reireghi mare grengatha te kiloi mare, “Grengatha Saleket” ka nabrou te haghe holo na. Leuleghu fata na mare reireghi grengatha ghilei gnafa nodi vido narane mala loku na, eghuteuna keha mae greireghi re ke mei tughudi mare.

Ululahu Kronikols 26:16 ပူးပေါင်းရင်းမြစ်များ

Nehemaea 12:24

Eghuteuna jaola ka narane tuare, nanghadi phaꞌu maedi vikegna mae Livaet na igre: mae Hasabaea, mae Serebaea nei mae Jesua thugna mae Kadmiel. Mae igre kegra ka kaisei phile ka Sugablahi na mala koje kilo fnaknoni God, eghuteuna kheradi mae igre, mare kegra ka keha phile na mala cheke tughugna khoje igne balu tegioni mana, leghuni nogna cheke King Devet nogna mae gloku God ranghidi hatimare mae Livaet tifa ra.

Fapea Kronikols 9:4

Eghuteuna naꞌa filodi gano te au ka tevo na, nei gnokrodi nogna mae biꞌore, nei pohe te pipichi nogna mae glokure. Naꞌa jaola filodi mae gloku te hata te mei gano nei waen teu ka gaghamu na. Eghuteuna naꞌa filodi fafara te edi ka nogna Sugablahi Lord na. Kuin ne jaglo nogna fara ka gobigna lepo igre.

Ululahu Kronikols 25:8

Mare ne lalahu khale mala laseni aheva ka varadaki fati tothoghei igre nate tei loku baludi mae lida igre. Neuba mare ne mae majaghani ba kuekuꞌe, neuba mare ne mae velepuhi ba mae sikolu, mare kafe lalahu khale hui.

Ululahu Kronikols 26:15

Aonu ke leghugna igne mare lalahu khale ne soru ka tharaknagna mae Obed-Idom te mala reireghigna grengatha ke mata na, eghuteuna lalahu khale igne ne vahidi thugna manare mala reireghi mare chogho te mala lilisei glepo na.

Ululahu Kronikols 26:17

Leuleghu narane na, namno mae reireghi grengatha ke maghati, fati mae reireghi grengatha ke raru, fati mae reireghi grengatha ke mata, eghuteuna phei mae reireghi chogho mala lilisei gobigna lepo teke tusu laohi naiknore ka Lord.

Ululahu Kronikols 26:18

Fati mae reireghi ke mosu lithui ke kosigna Sugablahi na, eghuteuna phei mae reireghini varandagna na.