Ululahu Kronikols 21:1 - Buka Blahi Ka Cheke Holo

¹ Mae Satan magnahaghei te ei puhi biꞌo mala thokedi naiknodi Israel, aonu mae Satan ne tusu lao gaoghatho ka mae Devet mala kaha naiknodi Israel.

Ululahu Kronikols 21:1 ပူးပေါင်းရင်းမြစ်များ

Profet Sekaraea 3:1

Iara neke filoni keha mifi te fakakhana Lord ka iara na. Ka mifi igne, iara filoni pris biꞌo Josua kegra ke ulugna nogna engel Lord. Eghuteuna Satan jaola kegra jare, fei nhetagna pris biꞌo, eghuteuna Satan tarabana keha nogna gaoghatho mala cheke faparini Josua.

Thoutonu Eigna Mae Job 2:1

Kaisei narane, maedi kligna re mei ne kegra ke ulugna Lord, Satan jaola ne mei baludi mare.

Thakle 12:10

Aonu iara ne nomhi kaisei cheke funu kligna, ne eha eghu fabiꞌo, “Gognaro na noda God la fakarha ghitahi! Mana ne falalasehi ka tahati nogna nolaghi te mala funei frunidi gobigna lepore, nei jaola falalasehi nogna Kraes te au nolaghi te mala funei frunidi. God la koko sorunihi mae Satan ka nauthoglu igne, mae ihei teke fathoro chaichaghidi naikno khiloaure ke ulugna God bongi narane.

Hibru 10:24

Tahati mala ghaoghathodi koba unha te mala faheta ghita theda kau namha nei gloku te keli.

Mae Khuru 5:3

Ke leghugna igne, mae Pita ne filoni mae Ananias ne cheke eghu ka mana, “Ghema Ananias, naugna unha sagho te snakreni mae Satan te batu fadiꞌani nagnafamu na te chaghini mae Tharunga te Blahi gnea? Naugna unha sagho te tathaji teu malamu themu keha vidogna sileni gnea?

Jone 13:2

Kate ima rafi teu mae Jisas baludi nogna mae fanomhore, mae Satan neke kulu liliseihi ka nagnafagna mae Judas na te mala majorani mae Jisas. Mae Judas gne kaisei mae ka hatimare nabotho phei mae fanomho gre, thugna mae Simon Iskariot.

Luku 22:31

Mae Jisas ne cheke eghu, “Ghema Simon, God ginauna na snakreni mae Satan mala fariuriu ghami ghotilo gnafa mala laseni mae ihei te maku nogna fatutuani na ka ghotilo.

Luku 11:53

Kate jifla mae Jisas na, hatimare mae velepuhigna vetula nogna mae Moses nei hatimare mae Farasi eghu ne funu cheke faparini fara mana, nei ghusna kmana nafnata gusna ka mana.

Matiu 4:3

Satan mei ne cheke eghu ka mana, “Ghema, te Thugna God iagho na, iagho chekedi thina igre mala tughu ke vuhai bret.”

Jemes 1:13

Eghuteuna kate thoke mei fariuriu igre ka ghotilo na, thosei ghathoni God neke edi fariuriu igre teuna. Naugna God theome tangomana te fariuriuni kaisei naikno te mala eni puhi te diꞌa na, nei theo kaisei glepo te diꞌa tangomana te fariuriu God te mala eni God puhi te diꞌa na.

Ululahu Kronikols 20:8

Goigholi igre vikegna mae Rafa, maegna Gat, eghuteuna mae Devet balu nogna soldia tei ne kafe aknu falehe ne hui goigholi igre.

Ululahu Kronikols 27:24

Mae Joab thugna Seruia, mana ne funu kahadi mae nalhaꞌu re, nu mana neke theome fagnafani u gloku igne, naugna Lord neke paradi mare eigna te kaha igne. Eghume mare neke theome rioriso fakhaputu di mare ka nogna buka King Devet igne.

Eksodas 30:12

“Kate kaha iagho naiknodi Israel, uve, naikno te gnafa re mala foli fajifla nakarhadi thedi re ka iara Lord, mala theo kaisei puhi biꞌo nate thokedi naiknore.

Ululahu Kronikols 7:40

Mae igre vikegna mae Asa nei mae mala baubatu ka vike igre. Mae soldia igre thofno mae keli fara, nei frane fara ka magra na. Ka nodi susurei na, mae igre ne kaha ne thokeni varadaki namno thogha soldia ka vike mare na.