Ululahu Kronikols 20:4 - Buka Blahi Ka Cheke Holo

⁴ Ke leghu, armigna Israel neke tei magrai ka armigna Filistia ka namono Gesa. Ka narane tuana, mae Sibekae maegna Husa, mana ne aknu faleheni mae Saf, kaisei mae soldia nheta ka vikegna mae Rafa maegna Filistia, mae igre mae biꞌo nei nheta fara eghu. Eghuteuna mare ne thofno uluni armigna Filistia.

Ululahu Kronikols 20:4 ပူးပေါင်းရင်းမြစ်များ

Ululahu Kronikols 11:29

Mae Sibekae, maegna ka namono Husa. Mae Ilae, maegna ka namono Ahohi.

Fapea Samuel 21:15

Kaisei narane maedi Filistia mei ne magra ka maedi Israel. Kate tei mae Devet baludi nogna soldia gre te magra ka maedi Filistia igre na, mae Devet magra ka mare ne ghilei babaꞌo fara ne glaꞌe soru.

Josua 16:3

Aonu, figri tei ke mosu aheva te tei te posani fofotagna nodi nohi vikegna mae Jaflet tifa ia, eghuteuna ke tei me posani namono te kiloi Bet-Horon Pari, eghuteuna ke tei me posani namono Gesa, eghuteuna tei me gnafa ka Thongna Mediterenian.

Josua 12:12

Eklon ghe Gesa,

Fapea Samuel 21:16

Kaisei mae biꞌo fara jateula goigholi teuna au ka armigna Filistia, nanghagna na Isbi-beno, mana magnahaghei te faleheni mae Devet. Mana hata kaisei goru te horo ka bras kheꞌigna na, eghuteuna tahu gna na, thilo kilo gram vidogna, eghuteuna mana jaola au kaisei naflahi majaghani mala magra.

Ululahu Kronikols 14:16

Aonu mae Devet ne eni jateula te chekeni Lord na neu ne tei kegra faligohoni armigna Filistia. Eghuteuna mare ne aknu falehedi ne gnafa soldia di Filistia igre funu Gibeon tei posa Gesa.

Ululahu Kronikols 27:11

Ka fahana nhigra na, mae Sibekae maegna ka namono Husa ka vikegna mae Sera, mana te batuni fahana tothoghei na. Mare varadaki fati thogha soldia ka tothoghei igne.