Ululahu Kronikols 2:7 - Buka Blahi Ka Cheke Holo

⁷ Akan thugna mae Kami, vikegna mae Sera igne ne edi keha puhi te diꞌa ka naiknodi Israel, naugna mana ne hata glepo mala gnubra fahui teku Lord re.

Ululahu Kronikols 2:7 ပူးပေါင်းရင်းမြစ်များ

Josua 6:18

Nu fiofilo ghami eghu! Thosei hata kaisei glepo malami themi, naugna glepo igre mala gnubra fahui jateula kaisei fafara eghu ka Lord. Jame te eni ghotilo kaisei glepo te diꞌa na, Lord ginauna falehe ghami ghotilo.

Josua 22:20

Ghotilo mala ke ghathoni puhigna Akan te diꞌa mae ihei teke karha ka vikegna mae Sera. Lord neke cheke ka tahati mala gnhubra fahui gobigna lepo re ke lamna namono Jeriko, mala fafara ka mana, nu mae igne neke theome leghuni Lord. Naugna igne Lord neke para ghita tahati hui eigna puhi igne. Eghuteuna theome thegna mana kolho teke lehe eigna nakhibo igne, nu kmana naikno jaola neke lehe.”

Josua 7:25

Mae Josua ne cheke eghu ka mana, “Naugna unha sagho te eni ka ghehati puhi biꞌo ignea? Nu Lord ginauna na jaola tusu ari puhi biꞌo ka iagho.” Aonu naiknore ne kafe hata thina ne fada falehedi mae Ekan nei tharaknagna. Eghuteuna mare ne gnubra ka khaꞌaghi thinidire balu nodi gobigna lepo fateote'o.

Diutronomi 13:17

Gobi lepogna namono tuana blahi eghuteuna ghotilo thosei hata kaisei glepo tagna. Jame te leghuni cheke igne na, Lord ginauna na theome ke diꞌatagna ka ghotilo, eghuteuna ginauna mana nake kokhoni ghami ghotilo. Kate leghudi ghotilo nogna vetula mana teke tusu ari iara ka ghotilo gognaro igre, nei edi unha te doglo ka tathagna mana na teuna, mana ginauna keli ranghi ghami ghotilo, eghuteuna mana ginauna fablahi ghami ghotilo mala kmana e kmana jateula teke nhaꞌa chekehi mana ka kuꞌemi ghotilo tifa ra eghu.”

Diutronomi 7:26

Ghotilo thosei hata mei kaisei glepo te diꞌa igre ka sugami re. Jame te eni ghotilo igne na, Lord ginauna goigoni ghami ghotilo jateula mana te goigonidi glepo igre eghu.”

Ululahu Kronikols 4:1

Igre nanghadi keha vikegna mae Juda re: Mae Peres, mae Hesron, mae Kami, mae Hua, nei mae Sobal.

Ululahu Kronikols 2:6

Aonu mae Sera ne au glima thugna nalhaꞌu: Mae Simri, mae Etan, mae Heman, mae Kalkol nei mae Dada.

Ululahu Kronikols 2:8

Mae Etan ne au kaisei thugna nalhaꞌu kolho: Nanghagna na, mae Asaraea.