Ululahu Kronikols 2:3 - Buka Blahi Ka Cheke Holo

³ Mae Juda neke au glima thugna nalhaꞌu. Mana neke tolaghi ka Batsua gaꞌase gna Kenan ne au thilo thugna nalhaꞌu igre: mae Era, mae Onan, nei mae Sela. Mae Era thugna ululahu mae Juda igne ne edi kmana glepo te thono diꞌa fara ka tathagna Lord na, aonu Lord diꞌatagna ne faleheni mana.

Ululahu Kronikols 2:3 ပူးပေါင်းရင်းမြစ်များ

Naba 26:19

Ka vikegna mae Juda na, ne au mei tharakna gna mae Sela, tharakna gna mae Peres, tharakna gna mae Sera. Nu ka tharakna gna mae Peres na, ne au mei phei tharakna ikodi la ngau, tharakna gna mae Hesron nei tharakna gna mae Hamul eghu. Eghuteuna khaputudi mae nalhaꞌu ka tharakna igre ne thokeni fitusalei namno thogha glima gobi. Tifa na, mae Juda neke au phei thugna, mae Era ghe mae Onan nu phiamare neke lehe jare Kenan. Nu phiamare neke theo thudi kolho.

Jenesis 46:12

Keha na mae Juda baludi thugnare, nanghadire mae Er nei mae Onan nei mae Sela nei mae Peres nei mae Sera. Nu mae Er ghe mae Onan gre phia mare neke lehe kani au teku mare Kenan na. Eghuteuna thugna nalhaꞌu mae Peres re neke mae Hesron ghe mae Hamul.

Ululahu Kronikols 2:2

mae Dan, mae Josep, mae Benjamin, mae Naftali, mae Gad nei mae Asa.

Ululahu Kronikols 4:1

Igre nanghadi keha vikegna mae Juda re: Mae Peres, mae Hesron, mae Kami, mae Hua, nei mae Sobal.

Ululahu Kronikols 4:21

Mae Sela thugna mae Juda igne, vikegna mana re igre: Mae Era mae ihei teke fufunu gna namono Leka. Eghuteuna mae Lada mae ihei teke fufunu gna namono Maresa. Eghuteuna iheire te au ka namono Bet-Asbea te lase edi famane pohe vegha.