Ululahu Kronikols 2:22 - Buka Blahi Ka Cheke Holo

²² Mae Segub ne au kaisei thugna nalhaꞌu, nanghagna na, mae Jaea. Mae Jaea ne funei frunidi varadaki thilo namono biꞌo ka nohi Gilead.

Ululahu Kronikols 2:22 ပူးပေါင်းရင်းမြစ်များ

Josua 13:30

Nohi igne funu Mahanaem nei glose te gnafa Besan teu igre au ke lamnagna nohi igne, baludi namnosalei namono ikodi teke uludi mae Jaea kaisei fata ka magra tifa. Uve, tifa na King Og gna Besan teke funei frunidi vido te gnafa ka nohi tuana. Eghuteuna mae Manase neke jaola neke atha namono Salei, nogna namono mae Jai te au ka nohi Besan.

Diutronomi 3:14

Eghuteuna mae Jaea kaisei mae ka vikegna mae Manase, mana neke hata glose ka nohi thongana Agob ka rijon Basan te tei posa ka fofotagna namonodi naiknodi Gesua nei naiknodi ke mosu Maka. Eghuteuna mae Jaea ne fangangha rijon igne ka thegna ne kiloni Havot-Jaea. Nangha igne au ngala posa gognarogne.

Naba 32:41

Kaisei mae, nanghagna na Jaea mae ka vikegna Manase, mana tei ne magra ka keha namono re, mana ne uludi mare, aonu mana ne kilodi namono tuare “Havot-Jaea.”

Ululahu Kronikols 2:21

Kate thokeni namno salei finoghagnahi na, mae Hesron neke tolaghi ka thugna gaꞌase mae Makia, kaisei mae biꞌo ka vikegna mae Gilead. Repa ne au kaisei thudi nalhaꞌu, nanghagna na, mae Segub.

Ululahu Kronikols 2:23

Nu naiknodi phei namono biꞌo Gesua ghe Aram igre mei ne magra ne hata namno salei namono biꞌo igre. Naikno te au ka vido igre, vikegna mae Makia kmagna mae Gilead.

Naba 32:40

Aonu mae Moses ne tusu lao rijon Gilead gne ka vikegna mae Makia mala fabrahu mare tagna.

Diutronomi 3:15

Eghuteuna mae Moses neke cheke eghu, “Iara tusu lao vidogna rijon ke raru Gilead igne ka vikegna Makia.