Ululahu Kronikols 19:7 - Buka Blahi Ka Cheke Holo

⁷ Mare ne hata tolufulu phei thogha soldia mala saghe ka chariot, nei nogna armi king gna Maka la ngau eghu. Mare kafe mei ne au Medeba mala magra. Eghuteuna soldiadi Amon gre ne jifla mei ka namonodi re tarabana mala magra.

Ululahu Kronikols 19:7 ပူးပေါင်းရင်းမြစ်များ

Josua 13:9

Nodi glose mare igne, funu ka namono Aroa rhegna sare khoꞌu Anon nei ka namono te au farihotei glogu nei sare Medeba tei posa ka namono Dibon.

Naba 21:30

“Nu, tahati neke falehedi maedi Amoa re funu Hesbon ke raru tei posa Dibon ke mata. Eghuteuna tahati jateula khaꞌaghi biꞌo te nhako fahui namono te gnafa funu Nofa tei posa Medeba.”

Josua 13:16

Nodi glose mare igne funu ke mata namono Aroa ke demei glogu Anon tei posani namono farihotei glogu tei posadi sare biꞌo te gnafa lithuini namono Medeba.

Profet Isaia 15:2

Naikno ka namono Dibon igre tei ka vido mala tarai na mala diꞌanagnafa nei tanhi eghu. Naiknodi Moab igre tanhi fabiꞌo ke kligna thogele Nebo nei ka namono Medeba. Mare ghoighori phaꞌudi nei gremohodi teure, naugna mare ne thono diꞌanagnafadi fara.

Fapea Kronikols 14:9

Aonu kaisei mae biꞌogna Kus nanghagna na Sera, mana mei ne posa ka namono Maresa jare Juda. Mana mei balugna kaisei mola soldia, nei thilo gobi chariot mala magra.

Ululahu Kronikols 18:4

Nogna armi mae Devet igne ne hata ka King Hadadesa kaisei thogha chariot mala magra, fitu thogha soldia te saghe ka chariot, nei varadaki thogha soldia. Eghuteuna mana ne hata kaisei gobi hose mala korho chariot ka magra. Nu keha hose re mare ne kusu naula ka ghahedire mala theome tangomana reꞌe te chari na.

Fapea Samuel 10:6

Kate laseni hatimare mae Amon igre te thofno diꞌatagna fara mae Devet eigna unha te eni mare igne, mare hata varadaki thogha soldia Aram funu Bet-Rehob nei Soba. Eghuteuna nabotho phei thogha Tob, eghuteuna hata kaisei thogha soldia Maka. Mare kafe mei ne loku fodu tarabana mala magra.

Ululahu Samuel 13:5

Aonu mae soldia di Filistia igre ne kafe mei mala magra ka naiknodi Israel. Mare au thilo thogha chariot mala magra, eghuteuna namno thogha soldia mala chari ka hose, eghuteuna keha mae soldia langau eghu, mare kmana fara jateula nusu ka gratha ra eghu. Mare tei ne au ka namono Mikmas ke maghati Bet-Aven.

Jajis 4:3

Sisera au nheva gobi chariot mala magra te au aean wil. Eghuteuna naiknodi Israel igre au ke parigna nogna nolaghi mana nabagna varadaki finogha. Ka narane tuare mana ne faparadi fara naiknodi Israel. Aonu mare ne tanhi lao ka God mala toghodi.

Eksodas 14:9

Nu hatimare mae soldia di Ijep gre mare ne saghe ka chariot, ka hose nei nonolo pari neu ne tei ngolhidi mae Israel gre. Maedi Israel ne horo suga rhegna vido te au ka gerigna Thongna Ukru na, rhedi namono Pihahirot nei namono Baal-Sefon.

Ululahu Kronikols 19:8

Kate nomhini King Devet puhi igne, mana ne kuruni mae Joab balu nogna armi mala tei magra ka mare.