Ululahu Kronikols 18:3 - Buka Blahi Ka Cheke Holo

³ Eghuteuna keha fata na, mae Devet baludi nogna soldia re tei ne magra ka naiknodi Hamat rhegna Khoꞌu biꞌo Iufretis mala au mare ke parigna nogna nolaghi mana. Mana ne uluni King Hadadesa mae ihei te king Soba kaisei namono biꞌo ka kantri Siria.

Ululahu Kronikols 18:3 ပူးပေါင်းရင်းမြစ်များ

Nodi Khoje Hatimare Mae Jiu 60:1

God, iagho ne tirou au balumi ghehati ne nigra ghehati ka magra. Tifa na iagho neke diꞌatamu ka ghehati, nu ke figri mei sagho gognaro mala ke togho ghami ghehati.

Fapea Samuel 8:3

Mae Devet jaola ne magra ka mae Hadadesa thugna mae Rehob king gna Soba. Mana neke hata fapulo nohi ka Khoꞌu biꞌo Iufretis.

Fapea Samuel 10:6

Kate laseni hatimare mae Amon igre te thofno diꞌatagna fara mae Devet eigna unha te eni mare igne, mare hata varadaki thogha soldia Aram funu Bet-Rehob nei Soba. Eghuteuna nabotho phei thogha Tob, eghuteuna hata kaisei thogha soldia Maka. Mare kafe mei ne loku fodu tarabana mala magra.

Ululahu Samuel 14:47

Keha narane ke leghugna te kegra king gna Israel mae Sol igre, leuleghu fata na mae Sol tei magra koba ka nogna naoka te au ka vido te gnafa faligohoni Israel. Ka maedi Moab, maedi Amon, maedi Idom, ka mae king di Soba, nei ka maedi Filistia. Eghuteuna leuleghu fata na mana tei magra ka mare neke thofno goigonidi fara mare.

Eksodas 23:31

“Iara ginau na tusu ari ka ghotilo vido te funu ka grathagna ke mata ka Thonga Ukru igne tei posa ka Thonga biꞌo ke mosu Mediterenian. Eghuteuna funu ka Khoꞌu biꞌo Iufretis ke raru na tei posa ka namono nagou ke maghati. Eghuteuna iara ginau na tusu ari nolaghi ka ghotilo mala funei frunidi ghotilo naikno te au ka vido glose igne, eghuteuna kate tei ghotilo te ruma ka kantri igne na, ghotilo ginau na brue fajifladi naikno teke kulu au teku jare ra.

Jenesis 15:18

Ka narane igne Lord ne nhaꞌa cheke ka mae Ebram. Lord ne cheke eghu ka mana, “Iara ginauna na tusu ari ka vikemu iagho re namono igne. Funu ka khoꞌu biꞌo Ijep tei posa ka Khoꞌu biꞌo Iufretis.

Ululahu Kronikols 18:2

Keha fata na, mae Devet tei ne magra ka naiknodi Moab, eghuteuna mana ne uludi mare, aonu maedi Moab gre ne au ke parigna nogna nolaghi mana, eghuteuna mare ne foli takis ka mana.

Ululahu Kronikols 18:4

Nogna armi mae Devet igne ne hata ka King Hadadesa kaisei thogha chariot mala magra, fitu thogha soldia te saghe ka chariot, nei varadaki thogha soldia. Eghuteuna mana ne hata kaisei gobi hose mala korho chariot ka magra. Nu keha hose re mare ne kusu naula ka ghahedire mala theome tangomana reꞌe te chari na.

Esra 4:20

Tifa na keha mae king te au nodi nolaghi biꞌo igre, mare neke funei fruni ni provins thongana tei posa ke mosu Khoꞌu biꞌo Iufretis. Eghuteuna leuleghu fata na mare hata thua nafnata takis ka naiknogna provins tuana.

Fapea Kronikols 8:3

King Solomon tei ne magra ka mare ke raru Hamat-Soba. Mana uludi mare ne hata namono igne.

Nodi Khoje Hatimare Mae Jiu 60:2

Iagho neke fakheudi glose au teu ghehati gre, gognaro na la bagra la khora biꞌo. Glose gne la diꞌa, ke fakekheli fapulo sagho.