Ululahu Kronikols 18:12 - Buka Blahi Ka Cheke Holo

¹² Kaisei fata ke leghu, mae Abisae thugna Seruia igne, mana batuni nogna armi mae Devet na ne tei aknu falehe nabotho nhana thogha maedi Idom ka glogu te kiloi, “Glogu mala hata tahi.”

Ululahu Kronikols 18:12 ပူးပေါင်းရင်းမြစ်များ

Nodi Khoje Hatimare Mae Jiu 60:1

God, iagho ne tirou au balumi ghehati ne nigra ghehati ka magra. Tifa na iagho neke diꞌatamu ka ghehati, nu ke figri mei sagho gognaro mala ke togho ghami ghehati.

Fapea Kronikols 25:11

Nu mae Amasaea ne rheta gaoghathogna na ne batudi nogna soldia re ne tei ka glogu te kiloi mare “Glogu mala Hata Solt.” Ka vido igne, mare ne magra ka soldia di Idom ne aknu falehe nabotho thogha soldiadi Idom.

Ululahu Kronikols 19:11

Eghuteuna keha soldia re, mana ne lisa lao ka khamegna mae Abisae, mae thabusigna na, eghuteuna mae Abisae ne fakegradi mare ka vido aheva te mei soldia di Amon.

Ululahu Kronikols 11:20

Abisae thabusigna mae Joab, mana lida ka tolufulu soldia te nheta. Kaisei fata mae Abisae neke magra ka thilo gobi soldia neke fada falehedi neke gnafa ka nogna goru na. Naugna igne te hata mana u nangha biꞌo jateula thilo mae soldia te nheta igre teuna.

Ululahu Kronikols 2:16

Mae Jesi jaola neke au phei thugna gaꞌase, Seruia ghe Abigel. Seruia gne neke au thilo thugna nalhaꞌu, mae Abisai, mae Joab nei mae Asahel.

Fapea Samuel 10:10

Eghuteuna keha tothoghei soldia na ne vahini mae Abisae thabusigna mae Joab te mala nodi komanda na. Mae Abisae ne lilisei soldia ka vido te namo ka hatimare mae Amon.

Ululahu Samuel 26:6

Mae Devet ne ghusnadi mae Ahimelek maegna Het, ghe mae Abisae thugna mae Seruia thabusigna mae Joab, “Mae ihei ka ghopa nate mei balugu iara te mala ruma lamna ka vido te au teu mae Sol na?” Mae Abisae ne cheke eghu, “Iara na ari balumu iagho.”

Fapea Kings 14:7

Nogna soldia mae Amasaea gre ne aknu falehe nabotho thogha soldia di Idom ka glogu te kiloi mare, “Glogu mala hata tahi.” Mana ne hata namono biꞌo Sela igne ka magra, eghuteuna mare kiloni namono igne Joktel, nangha igne au ngala mei thoke ka narane gognarogne.

Fapea Samuel 23:18

Joab thabusigna mae Joab, thugna Seruia igne nodi lida hatimare tolufulu soldia. Eghuteuna ke lamnagna ka kaisei magra mana fada falehe thilo gobi soldia ka nogna goru na. Naugna igne te hata nafnakno biꞌo mana ka tathadi tolufulu soldia igre.

Fapea Samuel 21:17

Nu mae Abisae thugna Seruia igne mei ne toghoni King Devet ne faleheni mae te biꞌo fara jateula goigholi teu te nheta fara ka magra igne. Ke leghugna igne, nogna soldia mae Devet igre ne nhaꞌa cheke eghu, “Iagho thosei mei balumi ghehati ka magra. Eigna iagho jateula nodi juta eghu mae Israel, eghume ghehati theome snakreni kaisei naikno te mala falehe nigho iagho na.”

Fapea Samuel 20:6

Aonu mae Devet ne cheke eghu ka mae Abisae, “Mae Seba thugna mae Bikri igne ginauna ei puhi biꞌo fara ka tahati salaꞌuni unha teke eni mae Absalom ia. Iagho hata nogu mae soldia iara ra mala tei hironi mana. Glahu rikha tei mana ka kaisei namono te bara te maku ka thina.”

Fapea Samuel 10:14

Eghuteuna kate filoni mae soldia di Amon igre te kafe rikha mare na, mare jaola ne rikhani mae Abisae ne tei ruma ka nodi namono biꞌo na. Aonu mae Joab ne theome magra ka armi gna Amon na neke pulo Jerusalem.

Fapea Samuel 7:13

Mae igne ginauna horo kaisei nogu suga iara mala mei naiknore namo ka iara, eghuteuna vikegna mana re ginauna funei fruni fabrahu tifa tifa.

Fapea Samuel 3:30

Mae Joab ghe mae Abisae faleheni mae Abna mala ke tughu fapulo dadara gna mae Asahel, thabusidi na. Naugna tifa na mae Abna neke falehe mana Gibeon.

Ululahu Samuel 26:8

Mae Abisae ne cheke eghu faꞌikoi ka mae Devet, “Ka bongi gognarogne God snakreni nou naoka iagho igne ka nou nolaghi iagho. Snakre ghau iara sagho mala fada balu gloseni iara ka nogu goru gne. Iara tangomana te kaisei fata fada nu la lehe la mana teuna.”

Ululahu Kings 11:15

Tifa, kani teke magra King Devet ka naiknodi Idom ra, mae Joab mae ihei teke komanda ka armi gna Israel na, mana neke tei Idom neke giugilui thinidi hatimare mae soldia di Israel teke lehe ka magra. Ka narane tuare, mae Joab balugna armi na neke aknu falehe mae te gnafa di Idom.

Ululahu Kronikols 18:11

Aonu King Devet ne fablahidi glepo igre mala nogna Lord. Tuana unha te eni mana ka silva nei gol eghu teke hata mana ka teke uludi mana naiknodi Idom, naiknodi Moab, naiknodi Amon, naiknodi Filistia nei naiknodi Amalek.

Ululahu Kronikols 18:13

Eghuteuna mae Abisae ne lilisei kmana soldia ka nogna tothoghei armi na mala reireghidi kmana namono Idom, eghuteuna kmana naiknodi Idom ne au ke parigna nogna nolaghi mae Devet. Ka vido aheva te tei magra mae Devet igre, Lord toghoni koba mana mala uludi magra tuare.

Nodi Khoje Hatimare Mae Jiu 60:2

Iagho neke fakheudi glose au teu ghehati gre, gognaro na la bagra la khora biꞌo. Glose gne la diꞌa, ke fakekheli fapulo sagho.