Ululahu Kronikols 17:8 - Buka Blahi Ka Cheke Holo

⁸ Funu tifa te mei na iara neke au balumu iagho ka vido aheva te tei iagho na. Iara neke togho nigho iagho neke tapla faparidi nei uludi neku iagho nou naoka ra. Eghume, iara ginauna tusu ranghi nigho iagho nafnakno biꞌo, salaꞌudi lida te gnafa teke fnakno fara tifa ra ghilei mei posa ka narane gognarogne.

Ululahu Kronikols 17:8 ပူးပေါင်းရင်းမြစ်များ

Ululahu Kronikols 17:2

Aonu Profet Natan ne cheke eghu ka king, “Jame mala eni kaisei glepo teu iagho ka gaoghathomu na, iagho na eni naugna Lord na au balumu iagho.”

Ululahu Samuel 18:14

Leuleghu fata na mae Devet uludi koba magra igre, naugna Lord na au balugna mana.

Nodi Khoje Hatimare Mae Jiu 75:7

Nu kaisei God thegna ngala te tangomana te mala fatedi naikno te gnafare. Mana ngala nate chekeni ihei nate au papara na nei ihei nate theome au papara na teuna.

Nodi Khoje Hatimare Mae Jiu 71:21

Iara lase nigho iagho ginauna tusu mei nafnakno biꞌo ka iara uluni tifa ia. Iagho ginauna nake cheke mei ka iara mala ke keli fapulo iara gaoghathogu na.

Nodi Khoje Hatimare Mae Jiu 46:7

Lord, mae ihei te blahi fara na au baluda tahati. Noda God tahati naiknoda Israel, mana taji fakeli ghita tahati.

Ululahu Samuel 18:28

Mae Sol ne filo glani Lord te au balugna mae Devet na, eghuteuna thugna mana Mikal igne ne thofno namhani fara mae Devet.

Jenesis 28:15

Fanomho sagho. Iara ginauna na au fabrahu balumu iagho, nei reireghi fakeli nigho iagho eghu ka vido aheva na te tei iagho na. Eghuteuna iara ginauna nake hata fapulo nigho iagho agne ka glose igne. Iara ginauna na theome lisa koko nigho eigna iara ginauna eni unha teke nhaꞌa chekeni iara ka iagho tifa ia.”

Luku 1:52

Mana ne nhaꞌa sorudi mae funeire ka nodi sape nafnaknore, eghuteuna ke nhaꞌa haghedi mae iheire teke nhaꞌa faparidi thedire.

Nodi Khoje Hatimare Mae Jiu 18:1

God, iara namha nigho fara. Iagho ngala nogu nolaghi iara na.

Esra 4:20

Tifa na keha mae king te au nodi nolaghi biꞌo igre, mare neke funei fruni ni provins thongana tei posa ke mosu Khoꞌu biꞌo Iufretis. Eghuteuna leuleghu fata na mare hata thua nafnata takis ka naiknogna provins tuana.

Ululahu Kronikols 17:17

God, eidi gobigna lepo te chekedi iagho unha nate thoke mei nathuꞌu nauriha ka vikegu iara gne thofno keli fara salaꞌudi unha glepo teke edi iagho ka iara tifa ra. Iara khogla naikno kolho, nu iagho Lord God, iagho eni kaisei glepo te thofno keli fara ka iara.

Fapea Samuel 22:1

Mae Devet ne koje kaisei khoje mala cheke fakelini Lord ke leghugna Lord te fakarhini mana ka nogna naoka re, tulao ka mae king Sol. Igre chekedi nogna khoje mae Devet re:

Fapea Samuel 8:8

Mana jaola ne hata kmana bras ka phei nogna namono King Hadadesa, Beta ghe Berotae.

Fapea Samuel 8:6

Aonu mae Devet ne lilisei kmana soldia Damaskas. Eghuteuna naiknodi Aram igre ne au ke parigna mana, aonu mare ne foli takis ka mana. Ka vido aheva te tei magra mae Devet na, Lord na toghoni mana te mala uluni mana magra na.

Fapea Samuel 7:9

Funu tifa, ka vido aheva te tei iagho na, iara au balumu iagho fabrahu. Neuba iagho ne tei ka magra, iara uludi koba nou naoka iagho ra. Eghume iara ginauna togho nigho mala hata nafnakno biꞌo jateula nodi nafnakno mae biꞌo ka nauthoglu igne eghu.

Ululahu Samuel 26:10

Te chekeni iara ka iagho na, Lord mae ihei te karha te tifa na ngala nate laseni narane nate lehe mana na, ka vido te kuekuꞌe ba ka vido te tei mana ka magra.

Nodi Khoje Hatimare Mae Jiu 46:11

Lord mae ihei te funei frunini tharagna kligna na auhi baluda tahati agne. Mana noda God tahati maeda Israel. Mana noda namono keli mala poru tahati.

Ululahu Kronikols 17:7

Lord ne cheke eghu ka mae Natan, “Iagho tei cheke eghu ka nogu mae gloku iara Devet, ‘Lord mae ihei te au nolaghi fateote'o igne ne cheke eghu: Iara neke hata fajifla nigho iagho kani reireghi sipu teku iagho ia, eghuteuna vahi nigho iagho mala nodi lida nogu naikno iara Israel.

Ululahu Kronikols 17:9

Iara neke vahinihi kaisei vido glose malami ghotilo nogu naikno iara Israel ra, eghuteuna iara magnahaghei ghami ghotilo te au fakeli ka vido glose igne. Eghuteuna ginauna theo kaisei naikno te diꞌa nate mei te goigoni ghami ghotilo jateula teke edi mare tifa ra teuna. Funu ka narane teke hata kuꞌedara vido glose igne nei ka naranedi hatimare mae funei teke vavahi iara ra teuna, hatimare mae naoka neke mei goigoni ghami ghotilo. Nu gognarona iara na togho ghami ghotilo mala au kmu naugna iara la uludihi nomi naoka ghotilo re. “ ‘Eghuteuna te chekeni iara ka ghotilo na, iara ginauna vahini koba kaisei mae ka vikemi ghotilo gne te mala nomi king ghotilo na.

Ululahu Kronikols 14:17

Eghuteuna naikno te gnafa te au heva heva ka namono te gnafa ka nauthoglu igne ne nomhini thoutonu eigna unha te eni mae Devet igne ne fafnaknoni mana, Lord neke eni igne ka mae naokare mala mhaghuni mana.