Ululahu Kronikols 17:16 - Buka Blahi Ka Cheke Holo

¹⁶ Aonu King Devet tei ka Suga Tapuale te Blahi na ne gnokro ke ulugna nogna Bokis Blahi Lord na. Mana ne tarai eghu, “Lord God, iara nei tharaknagu iara teugre theo nafumi kolho. Neuba, iagho thofno keli fara ranghi ghau iara.

Ululahu Kronikols 17:16 ပူးပေါင်းရင်းမြစ်များ

Fapea Samuel 7:18

Mae King Devet nomhidi nogna cheke God igre ne tei ruma ka nogna Suga Tapuale Lord na ne gnokro soru ke ulugna Lord ne tarai: “Lord God, iara nei tharaknagu teu igre tharuma'ei kolho. Neuba, iagho keli fara ranghi ghau iara.

Jenesis 32:10

God, iara nou mae gloku iagho. Iara theome mae keli ka tathamu iagho na, nu iagho neke namha ghau iara nei keli ranghi ghau iara. Kani teke tei kasa iara ka khoꞌu Jordan ia teke tei au balugna mae Laban ia, iara neke theome hata kaisei glepo balugu. Theo. Iara neke louloku kaisei khodo kolho. Eghume iara gognaro na kela pulo mei baludi phei tothoghei igre.

Nodi Khoje Hatimare Mae Jiu 144:3

Lord God, naikno gre jateula te theo nafudi eghu kolho ka iagho. Thosei filo lao ka mare nei theome naba langau eghu iagho te ghathodi mare na.

Ululahu Samuel 9:21

Aonu mae Sol ne cheke eghu ka mae Samuel. “Iara vikegna mae Benjamin, eghuteuna vike ikoi kolho ke lamnagna vikeda tahati maeda Israel. Eghuteuna vikegna mae kmagu iara na theo nanghagna ka vikegna mae Benjamin. Eghume naugna unha sagho te eni ka iara u nafnata cheke ignea?”

Ululahu Samuel 7:12

Eghuteuna ke leghu, mae Samuel ne lisei haghe kaisei thina biꞌo ka kaisei vido farihoteidi phei namono Mispa ghe namono Sanai. Eghuteuna mana kiloni thina igne Ebenesa, naugna mana neke cheke eghu, “Lord na togho ghita fabrahu la ghilei mei posa gognarogne.”

Fapea Korin 1:10

God neke fakarha ghami ghehati kate namo lehe na, eghuteuna mana jaola ginauna nake fakarha ghami ghehati ke leghu na. Ghehati fatutuani ni fara igne eigna mana na fakarha ghami ghehati fabrahu,

Mae Khuru 26:22

Nu God togho ghau iara fabrahu ngala ghilei thoke ka narane gognaro gne. Eghume iara kegra agne mala toutonuni u thofno tutuani eigna mae Jisas Kraes ranghidi naikno te gnafa te biꞌo nei ba te ikoi. Nu iara theome toutonu kaisei glepo te nhogri ka chekedi hatimare mae profet nei mae Moses eigna unha nate thoke mei.

Fapea Kings 19:14

Mare ne tusu lao letas igne ka King Hesekaea, aonu mana ne iuꞌiju letas igne. Kate gnafa iuꞌiju na, mana hata ne tei letas igne ka Sugablahi na ne feferha ke ulugna Lord.

Jajis 6:15

Nu Gidion ne cheke eghu, “Faꞌunha eghu tangomana iara te fakarhini Israel na? Ghehati ka tharaknagna Abiesa gne glaꞌe fara ka vikegna Manase. Eghuteuna iara gne fiti naikno kolho ka tharaknagu iara na.”

Ululahu Kronikols 17:15

Aonu mae Natan tei ne cheke ka King Devet unha teke nomhidi mana ka mifi igne eidi unha teke chekedi God ka mana re.

Ululahu Kronikols 17:17

God, eidi gobigna lepo te chekedi iagho unha nate thoke mei nathuꞌu nauriha ka vikegu iara gne thofno keli fara salaꞌudi unha glepo teke edi iagho ka iara tifa ra. Iara khogla naikno kolho, nu iagho Lord God, iagho eni kaisei glepo te thofno keli fara ka iara.

Ululahu Kronikols 29:14

“Nu iara nei nou naikno iagho gre eghu, ghehati theo nafumi kolho naugna ghehati gne theo kaisei nomi glepo themi te mala tusu ari ka iagho na. Gobigna lepo te tusu ari ghehati ka iagho igre neke mei funudi ka iagho ngala.

Fapea Kronikols 1:8

Mae Solomon ne cheke eghu, “Lord God, iagho neke magnahagheni fara mae kmagu iara Devet. Eghuteuna gognarona iagho vahi ghau iara mala ke tughuni mana mala kegra king. Lord God, fathokeni sagho nou Nhaꞌa Cheke teke eni iagho tifa balugna mae kmagu iara ia. Iagho la vahi ghauhi iara, eghuteuna iara gognarona funei frunidi naikno te kmana te theome tangomana kaisei naikno te kaha tokedi re.