Ululahu Kronikols 17:1 - Buka Blahi Ka Cheke Holo

¹ Kate au teu ka nogna suga biꞌo na, King Devet ne cheke eghu ka Profet Natan, “Iara gognarona au ka famane suga biꞌo teke horo ka thaba gaju sida, nu nogna Bokis Blahi Lord na au kolho ka suga tapuale.”

Ululahu Kronikols 17:1 ပူးပေါင်းရင်းမြစ်များ

Ululahu Kronikols 17:5

Funu ka narane te hata fajifladi iara Ijep kuꞌemi ghotilo tifa ra, te ghilei mei posa gognarogne, iara neke theome au ka suga. Leuleghu fata na iara neke tei tafri baludi mare, eghuteuna iara neke au kolho ka suga tapuale.

Ululahu Kronikols 15:1

King Devet ne edi nogna sugare Jerusalem. Eghuteuna mana jaola ne tarabana kaisei vido te mala eni kaisei suga tapuale te mala lilisei gna nogna Bokis Blahi God na.

Profet Hagae 1:9

Leghu fata na ghotilo mala ofo mala vuragha ghemi gano ka nagarere, nu keha ghu kolho te kotu haghere. Kate atha te mei ghotilo gano re ka sugami re, iara na snakre mei nuri mala faflalo koko gano tuare! Unha ne eghu nga? Iara Lord cheke fadoglo ka ghotilo. Iara eni igne, naugna ghotilo loku heta mala fakegra kolho nomi suga themi are. Nu nogu Sugablahi iara na theome au fakeli kolho eghu.

Profet Hagae 1:4

“Ghotilo nogu naikno iara ra! Unha ne thuru ka suga te keli fara ghotilo, kate diꞌa teu nogu Sugablahi iara na?

Profet Daniel 4:4

King Nebukadnesa ne cheke eghu, “Iara au fakeli ka nogu suga na, eghuteuna iara au nogu kmana glepo te magnahaghedi iara re.

Profet Jeremaea 22:15

“King, jame te lalaoni iagho nou suga na ka famane gaju sida na, gaoghathomu iagho na fnakno ke klignadi keha mae king igre eghu jau? Kmamu iagho king Josaea tifa ia, mana mae mala ghamu, mae mala koꞌu nei mae mala gleale'a eghu ka nakarhagna na. Leuleghu fata na mana leghuni fabrahu puhi te doglo na, eghuteuna mana jaola fate ka puhi te doglo, eghuteuna mana au ka nakarha te thofno keli fara.

Fapea Kronikols 1:4

Nu nogna Bokis Nhaꞌa Cheke God na auhi Jerusalem ka kaisei suga tapuale teke nhaꞌa haghe King Devet. Tifa na mae Devet neke tei hata Bokis Nhaꞌa Cheke igne ka namono Kiriat-Jaerim neke tei lilisei ka suga tapuale igne Jerusalem.

Ululahu Kronikols 29:29

Thoutonu eidi unha teke edi King Devet funu kate king mana te ghilei lehe na, mare rioriso soru ka buka te kiloi Nogna Thoutonu Profet Samuel, Nogna Thoutonu Profet Natan nei Nogna Thoutonu Profet Gad.

Ululahu Kronikols 16:1

Aonu mare ne lilisei Bokis Nhaꞌa Cheke igne ka suga tapuale teke enihi mae Devet igne. Mare ne falehe buluka nei sipu eghu mala fafara ka Lord. Kehare gahu knoro fara ka khaꞌaghi, eghuteuna kehare fafara mala au fakeli balugna God.

Ululahu Kronikols 14:1

King Hiram maegna ka namono Taea, ne kurudi keha mae biꞌo mala tei filoni King Devet. Eghuteuna mana jaola fatei gaju sida, keha mae te lase kato thina, nei keha mae mala horo nogna suga King Devet. Eghuteuna mae igre mei ne horo kaisei nogna suga King Devet.

Ululahu Kings 1:44

King Devet ne kuruni pris Sadok, profet Natan, Benaea thugna mae Jehoeada, nei hatimare mae soldia, Keret ghe mae Pelet mala reireghini mana. Eghuteuna mare la fagnokroni mana ka nogna dongki mae king na.

Ululahu Kings 1:23

Keha naikno ne cheke ka mae Devet te mei profet Natan igne, eghuteuna mana ne tei ruma ka nogna chogho king na ne mei pogho soru ke ulugna king

Ululahu Kings 1:8

Nu pris Sadok, Benaea thugna mae Jehoeada, profet Natan, Simei, Rei nei kaisei mae biꞌo te mala reireghini King Devet igre ne theome phile ka mana.

Fapea Samuel 12:25

Aonu Lord ne kuruni mae Natan ne tei ka mae Devet mala kiloni mae sitei igne, Jedidaea, naugna gaoghathogna Jedidaea teu igne, Lord namhani fara mana.

Fapea Samuel 12:1

Lord kuruni profet Natan ne tei ka mae Devet. Mae Natan tei ka mana ne cheke eghu, “Fanomho ka thoutonu igne! Phiamae au ka kaisei namono. Kaisei mae dedei, eghuteuna keha mae na kuma.

Fapea Samuel 6:17

Aonu mare pala ne tei lilisei Bokis Blahi igne ka suga tapuale teke tarabana mae Devet na. Aonu mana ne falelehe sipu mala fafara ka Lord. Kehare gahu ka khaꞌaghi, eghuteuna kehare fafara mala au ka pharikeli balugna Lord.

Mae Khuru 7:46

God ne keli tagna fara ka mae King Devet. Eghuteuna mae Devet ne toreni God mala hohoro kaisei suga mala augna nogna God mae Jekop. Nu God ne theome snakreni mana te mala eni suga tuana.

Ululahu Kings 8:17

“Aonu king tudu ne cheke eghu, kmagu iara King Devet ia, mana neke magnahagheni fara te horo kaisei Sugablahi malagna Lord, mala tangomana tahati te tarai ka Nanghagna mana na.

Ululahu Kronikols 17:2

Aonu Profet Natan ne cheke eghu ka king, “Jame mala eni kaisei glepo teu iagho ka gaoghathomu na, iagho na eni naugna Lord na au balumu iagho.”

Ululahu Kronikols 22:7

Mana ne cheke eghu, “Thuguo, iara neke magnahagheni fara te horo kaisei Sugablahi mala cheke fakelini nanghagna Lord noda God.

Ululahu Kronikols 28:2

Aonu King Devet kegra haghe ne cheke eghu ka mare, “Ghotilo thabusiguro nei nogu mavitu teura! Ghotilo fanomho mei! Iara thofno magnahagheni fara te horo kaisei Sugablahi mala lilisei nogna Bokis Nhaꞌa Cheke Lord igne ke lamnagna. Igne vido nate tangomana God nate au tagna na. Eghuteuna iara la tarabanahi gaoghatho te mala horo Sugablahi igne.

Eksodas 26:1

Lord ne cheke eghu ke mae Moses, “Iagho ginauna eni kaisei nogu Suga Tapuale te Blahi iara ka nabotho vido famane pohe brahu te vegha. Iagho valakasi ka ghajo blu, nei ghajo ngonge, nei ghajo ukru. Eghuteuna mae ihei te lase eni gloku igne, mana mala susuki kaisei thotoghale engel ka vido pohe igre.

Ululahu Kronikols 22:6

King Devet ne kilo meini Solomon, ne cheke ranghini mana mala horo kaisei nogna Sugablahi Lord, nodi God mae Israel.