Ululahu Kronikols 16:9 - Buka Blahi Ka Cheke Holo

⁹ Tahati koje mala kilo fnaknoni mana. Uve, tahati mala chekedi glepo biꞌo teke edi mana re.

Ululahu Kronikols 16:9 ပူးပေါင်းရင်းမြစ်များ

Kolose 3:16

Snakreni chekegna mae Kraes na mala bruara fabrahu ke lamnami ghotilo u glalase te mala farirhiu nei farerheta eghu fari themi. Eghuteuna te keli na, ghotilo kilo fnaknoni God ka nagnafamire kate koje tharai ka Sam, himu, nei keha khoje te tusu ranghi ghami mae Tharunga te Blahi na.

Jemes 5:13

Jame kaisei ka ghotilo au puhi biꞌo, mana tarai ka God. Eghuteuna jame kaisei ka ghotilo au gleale'a, mana koje kilo fnaknoni God.

Matiu 26:30

Ke leghugna igne, mae Jisas baludi nogna mae fanomhore koje kaisei himu mala kilo fnaknoni God. Mare jifla ne tei ka Thogele Gaju Olivi.

Efesus 5:19

Eghuteuna kate khapru te koje na, ghotilo mala koje ka Sam nei ka himu nei keha khoje te tusu mei mae Tharunga te Blahi na. Ghotilo koje nei kilo fnaknoni Lord ka nagnafamire.

Nodi Khoje Hatimare Mae Jiu 71:17

God, funu ka narane teke mae majaghanigu iara na, iagho neke farirhiu ghau iara, eghuteuna iara na chekedi fabrahu glepo biꞌo teke edi iagho ra.

Nodi Khoje Hatimare Mae Jiu 40:10

Iagho neke togho ghau nei fakarhi ghau neku iara, eghume iara na theome poruni igne. Iara la chekenihi eigna iagho te leghuni nou nhaꞌa cheke na te fakarhi ghami ghehati na. Iagho namhadi nei tajidi eghu koba nou naiknore, eghume iara na theome poru ni igne ka naikno te khapru mei te mala tarai re.

Profet Malakai 3:16

“Ke leghu na, naikno te ghatho tahuni Lord igre ginau cheke fari thedi, eghuteuna Lord ginauna fanomho ka unha te chekedi nogna naikno te ghatho tahuni Lord igre, nei mhaghu teu igre ginauna rioriso soru ka buka mala ghathodiu.

Nodi Khoje Hatimare Mae Jiu 145:12

Ka igne naikno te gnafare ginauna laseni nou gloku te biꞌo, nei glepo te keli eghu teke edi iagho ka nou nolaghi ra.

Ululahu Kronikols 16:8

Tahati mala tegio Lord! Uve, tahati mala cheke fabiꞌoni nanghagna mana na! Eghuteuna tahati mala cheke ka naiknodi keha kantri are unha te edi God re.

Ululahu Kronikols 16:10

Tahati gnafa mala pala hagheni nanghagna Lord te blahi, eghuteuna tahati tangomana te glealeꞌa naugna tahati pogho soruni mana.

Thoutonu Eigna Mae Job 36:24

Leuleghu fata na, iagho mala cheke fakelini nogna gloku mana na, jateula te edi naiknore ka khoje are eghu.

Ululahu Kronikols 16:24

Ghotilo ginauna toutonu ranghidi naiknodi keha kantri are eigna nogna nolaghi mana na. Uve, ghotilo toutonu nei cheke thakleni nogna gloku te biꞌo ka naikno fateote'o.