Ululahu Kronikols 16:41 - Buka Blahi Ka Cheke Holo

⁴¹ Eghuteuna mae Devet ne vahidi mae Heman ghe mae Jedutun, nei keha mae teke vavahi hatimare mae pris, mae igre mala toghodi hatimare mae pris mala cheke fakelini Lord nei mala cheke eghu, “Tahati tegioni Lord, naugna mana ghatho tahu ghita fabrahu!”

Ululahu Kronikols 16:41 ပူးပေါင်းရင်းမြစ်များ

Fapea Kronikols 5:13

Eghuteuna kate koje teu mae te mala koje gre, hatimare mae pris gre ifu ka trampet, eghuteuna keha maere mare lalahu ka simbol nei ghita. Nodi khoje mare igre famane fara fanomhodi re. Mare koje mala kilo fnaknoni Lord, ne cheke eghu: “Lord thofno keli fara, eigna Mana ghatho ghita fabrahu.” Aonu kaisei khoveo mei ne fodu ka Sugablahi na,

Esra 3:11

Eghuteuna mare koje ne kilo fnaknoni Lord nei mala tegioni mana. Mare koje ne cheke eghu, “Lord na thofno keli fara! Eghuteuna nogna namha ranghini Israel theo ka huigna!” Naiknore ne kafe koje fabiꞌo mala kilo fnaknoni Lord, naugna gloku te lilisei thina biꞌo ka khotogna Sugablahi igne la fufunu gognarona.

Fapea Kronikols 20:21

Eghuteuna kate ghusnadi te gnafa gaoghathodi naiknore, mana ne vavahi keha mae mala koje kilofnaknoni Lord tei ke ulugna armi na ne koje eghu, “Tahati cheke tegioni Lord, naugna mana namha ghita fabrahu.”

Fapea Kronikols 7:3

Kate filoni naiknore te soru mei khaꞌaghi igne funugna kligna na, eghuteuna naphaegna nolaghi igne ne theome gnafa te phae ke kligna Sugablahi na, naiknore pogho soru ne ghilei thoke pari ka glose na. Naiknore tufru soru ka Lord ne tegioni mana. Eghuteuna naiknore ne tarai eghu, “Thofno keli fara, eghuteuna Mana ghatho tahu ghita fabrahu.”

Ululahu Kronikols 16:34

Tahati kilo fnaknoni Lord, naugna mana thofno keli fara. Uve, mana namha ghita fabrahu.

Ululahu Kronikols 6:33

Igre mae te mala hulu khoje re: Mae Heman, mae ihei teke karha ka vikegna mae Kohat. Eghuteuna susureigna mana na neke funu mei ka kmagna mae Joel, thugna mae Samuel. Mae Samuel gne neke thugna mae Elkana. Mae Elkana gne neke thugna mae Jeroham. Mae Jeroham gne neke thugna mae Eliel. Mae Eliel gne neke thugna mae Toha. Mae Toha gne neke thugna mae Suf. Mae Suf gne neke thugna mae Elkana. Mae Elkana gne neke thugna mae Mahat. Mae Mahat gne neke thugna mae Amasaea. Mae Amasaea gne neke thugna mae Elkana. Mae Elkana gne neke thugna mae Joel. Mae Joel gne neke thugna mae Asaraea. Mae Asaraea gne neke thugna mae Sefanaea. Mae Sefanaea gne neke thugna mae Tahat. Mae Tahat gne neke thugna mae Asiri. Mae Asiri gne neke thugna mae Ebiasaf. Mae Ebiasaf gne neke thugna mae Kora. Mae Kora gne neke thugna mae Isaha. Mae Isaha gne neke thugna mae Kohat. Mae Kohat gne neke thugna mae Livae. Eghuteuna mae Livae gne neke thugna mae Israel.

Naba 1:17

Ka narane ululahu ka fapea nhigra na, mae Moses ghe mae Eron ne hata nabotho phei mae lida igre. Eghuteuna mare ne kilodi mare gnafa mala kafe mei. Mare ne kahadi mae nalhaꞌu leghuni vikedi nei tharaknadi teu mare re. Eghuteuna mare ne rioriso soru nanghadi mae iheire te funu ka varadaki finogha te haghe, nei mae iheire te naba te mala tei ka magra. Aonu mae lida igre ne kafe kahadi mare ne gnafa leghuni unha teke chekeni Lord ka mae Moses. Mae Moses neke eni kaha naikno igne kani teke au teku mare ka namono nagou Sanai. Mare ne fufunu ka vikegna mae Ruben, mae ihei teke kulu karha ka mae Israel, eghuteuna khaputudi mare te gnafa na igre: Mae nalhaꞌu ka vikegna Ruben, phiatutu namno thogha glima gobi. Eghuteuna mae nalhaꞌu ka vikegna mae Simion, glimafulu nhevai thogha thilo gobi. Eghuteuna mae nalhaꞌu ka vikegna Gad, phiatutu glima thogha namno gobi glimafului. Eghuteuna mae nalhaꞌu ka vikegna Juda, fitu salei fati thogha namno gobi. Eghuteuna mae nalhaꞌu ka vikegna Isaka, glimafulu fati thogha fati gobi. Eghuteuna mae nalhaꞌu ka vikegna Sebulun, glimafulu fitu thogha fati gobi. Eghuteuna khaputudi mae nalhaꞌu ka vikegna Efrem, phiatutu thogha glima gobi. Eghuteuna khaputudi mae nalhaꞌu ka vikegna Manase, tolufulu phei thogha phei gobi. Eghuteuna khaputudi mae nalhaꞌu ka vikegna Benjamin, tolufulu glima thogha fati gobi. Eghuteuna khaputudi mae nalhaꞌu ka vikegna Dan, namnosalei phei thogha fitu gobi. Eghuteuna khaputudi mae nalhaꞌu ka vikegna Asa, phiatutu kaisei thogha glima gobi. Eghuteuna khaputudi mae nalhaꞌu ka vikegna Naftali, glimafulu thilo thogha fati gobi. Eghuteuna khaputudi mare te gnafa na, thokei namno gobi thilo thogha glima gobi glimafului.

Luku 1:50

Mana kokhoni nognadi nei namhadi eghu naikno te gnafa te ghatho tahuni mana re, funu ka naikno tifa te ghilei posa ka naikno te theome karha nga teure.

Profet Jeremaea 33:11

naiknore na eha fabiꞌo, naugna mare ne thono gleale'a fara. Mare jaola na nomhidi khojedi mae sua nalhaꞌu nei goro sua gaꞌase ka gaghamu tholaghi. Eghuteuna mare tangomana te nomhidi naikno te atha gano te tei ka Sugablahi na mala kilo fnakno ka iara. Naikno igre ginauna eha eghu: “ ‘Tahati cheke fakelini Lord mae ihei te au nolaghi fateote'o, naugna mana thofno keli fara. Uve, mana namha ghita fabrahu.’ Glepo igre thoke mei naugna iara ginauna eni nomi glose ghotilo igne mala ke keli fapulo jateula tifa ia eghu.” Igne cheke gna Lord.

Nodi Khoje Hatimare Mae Jiu 103:17

Nu God namha ghita tahati iheire te ghatho tahudi nei leghudi teu fabrahu nogna chekere. Eghuteuna mana ginauna na jateula tuana eghudi fabrahu thuda nei grada teu tahati te karha mei thogheiro re.

Esra 8:20

Mare jaola kuru meidi keha phei gobi varadaki mae mala mei balumi ghehati. Mae igre au ka tothoghei vavahi King Devet baludi nogna mae biꞌore tifa ra mala toghodi hatimare mae Livaet mala loku ka Sugablahi na. Eghuteuna phia gobi varadaki mae igre nanghadi re au ka kaisei thura.

Ululahu Kronikols 16:37

King Devet ne vahini mae Asaf baludi vikegna mana re mala baubatu fei tharai ka vido aheva te au nogna Bokis Nhaꞌa Cheke Lord na. Mae igre eni nodi gloku na ka vido igne leghu rane.

Ululahu Kronikols 12:31

Kaisei vido gaga ka vikegna mae Manase ke mosu Khoꞌu biꞌo Jordan, mare au nabotho nhana thogha soldia. Mare vavahi mae igre mala tei Hebron mala king mae Devet.

Nodi Khoje Hatimare Mae Jiu 39:1

Te chekeni iara na, iara ginauna na reireghi fakelidi unha te edi iara re. Na eghu nu cheke fadiꞌa iara ka nogu chekere eghu. Kate au teu mae te diꞌare rhegui na, iara ginauna na theome gagri kaisei cheke.

Nodi Khoje Hatimare Mae Jiu 77:1

Iara tanhi fabiꞌo ka God. Iara magnahagheni mana te nomhidi nogu tharai re.

Nodi Khoje Hatimare Mae Jiu 106:1

Tahati kilo fnaknoni Lord! Tahati tegioni mana, naugna mana thofno keli fara. Uve, mana namha ghita fabrahu.

Nodi Khoje Hatimare Mae Jiu 136:1

Tahati cheke fakelini Lord God naugna puhigna Lord God na thofno keli fara. Mana ne namha ghita tahati tifa tifa.

Profet Esikiel 40:44

Mae igne hata ghau iara ne tei ka sugagna grengatha na mala tei lamna ka glalaba ikoi te au rhegna Sugablahi na, eghuteuna iara ne filodi phei chogho aheva grengathadi re figri tei fei glalaba ikoi igne. Kaisei chogho au rhegna sugagna grengatha ke raru na, eghuteuna figri tei ke mata, eghuteuna keha te au rhegna sugagna grengatha ke maghati na, eghuteuna figri tei ke raru.

Ululahu Kronikols 15:17

Nanghadi mare re igre: Mae Heman, thugna mae Joel, eghuteuna mae Asaf, thugna mae Berekaea, eghuteuna mae Etan, thugna mae Kusaea ka vikegna mae Merari, thilo mae igre mala lalahu ka babuban. Mare vahidi mae Sekaraea, mae Jasiel, mae Semiramot, mae Jehiel, mae Uni, mae Eliab, mae Masea, mae Benaea mala lalahu ka khodili leghuni naoglagna glepo te kiloni mare Alamot. Te mala lalahu ka gita biꞌo igre te mala leghuni naoglagna glepo te kiloni mare Seminit igne, mare ne vahidi mae Matitaea, mae Elifelehu, mae Miknea nei mae Asasaea, eghuteuna mae Obed-Idom ghe mae Jel phia mae mala reireghigna Sugablahi na.