Ululahu Kronikols 16:4 - Buka Blahi Ka Cheke Holo

⁴ Eghuteuna mana ne vahidi keha mae Livaet mala tarai ka Lord ke ulugna Bokis Blahi igne. Nodi gloku mae igre na mala tarai ka God, nei mala tegioni mana, nei mala kilo fnaknoni Lord nodi God mae Israel.

Ululahu Kronikols 16:4 ပူးပေါင်းရင်းမြစ်များ

Nodi Khoje Hatimare Mae Jiu 106:48

Tahati cheke fakelini Lord, mae ihei te noda God tahati naiknoda Israel! Uve, tahati cheke fakelini mana gognaro gne nei tifa tifa! Ghotilo te hui na cheke eghu, “Amen!” Cheke fakelini Lord!

Nodi Khoje Hatimare Mae Jiu 105:5

Tahati gne, karha mei ka vikegna mae Ebraham, nogna mae gloku Lord. Eghuteuna tahati jaola karha mei ka vikegna Jekop, mae ihei teke vavahi God. Tahati mala ghathodi koba u kofubobhoi teke edi mana ra, nei puhi te fatedi mana hatimare mae naokara.

Nodi Khoje Hatimare Mae Jiu 103:2

Iara mala cheke fakelini nanghagna God na, eghuteuna iara ginauna na theome tangomana te ghatho ihodi glepo te keli teke edi mana re.

Nodi Khoje Hatimare Mae Jiu 72:18

Cheke fakelini Lord, noda God tahati naiknoda Israel. Kaisei mana ngala te edi glepo te keli re.

Nodi Khoje Hatimare Mae Jiu 70:1

God, fakarhi ghau. Lord God, ghosei mei togho ghau.

Nodi Khoje Hatimare Mae Jiu 37:1

Thosei nanga nou ka puhi te edi mae te diꞌare. Thosei mamagnani ka nagnafamu na te leghuni puhidi mare re.

Ululahu Kronikols 24:3

Ka narane te king mae Devet igre, mana magnahaghedi nodi gloku mae pris gre te famane doglo fara, aonu mana ne fofota mae pris igre ka nodi soasopai tothoghei. Eghuteuna Pris Sadok ka tharaknagna mae Eleasa ghe Pris Ahimelek ka tharaknagna mae Itama, phia mae igre ne toghoni mae Devet kate fofotadi mare na.

Ululahu Kronikols 16:8

Tahati mala tegio Lord! Uve, tahati mala cheke fabiꞌoni nanghagna mana na! Eghuteuna tahati mala cheke ka naiknodi keha kantri are unha te edi God re.

Ululahu Kronikols 15:16

Eghuteuna mae Devet ne cheke ka mae funeidi mae Livaet igre mala vavahi keha mae mala koje ka gita, ka babuban, ka khodili nei ka sesele, fagaglanagna nodi glealeꞌa na kate pala te mei mare Bokis Blahi igne.

Ululahu Kings 8:15

Aonu mana ne cheke eghu, “Tahati cheke fakelini Lord, noda God tahati naiknoda Israel. Mana thofno leghuni unha teke nhaꞌa chekeni thegna ka mae kmagu iara King Devet.

Jenesis 33:20

Mae Jekop ne fakekegra kaisei olta ka vido igne ne kiloni olta igne “El Elohe Israel,” gaoghathogna na “God gna Israel.”

Jenesis 32:28

Aonu mana ne cheke eghu ka mana, “Tifa na mare neke kiloni nanghamu iagho na Jekop. Nu gognaro na nanghamu iagho na Israel, naugna iagho ne magra balugna God nei jaola magra balugna naikno neu, la heta gheuhi la ulunihi iagho magra igne.” Nangha igne gaoghathogna na “Magra balugna God” eghu.

Jenesis 17:7

Iara ginauna na farerheta nogu nhaꞌa cheke na ka iagho nei ka thumu iagho nate mei ke leghumu iagho re eghu fabrahu tifa e tifa. Iara ginauna mala nou God iagho nei jaola mala nodi God thumu iagho re eghu.

Ululahu Kronikols 6:31

Kate hata te mei mae King Devet Bokis Blahi na Jerusalem igne, mana ne vavahi thilo mae mala hulu khoje ka vido blahi na.

Ululahu Kronikols 16:3

Eghuteuna mae Devet ne tufa gano ka naiknodi Israel teke khapru teku jare re. Mana tufa kaisei bret nei keha sisi det tela mojahi, nei keha sisi grep tela mojahi eghu.

Ululahu Kronikols 16:5

Mana ne vahini mae Asaf mala nodi mae funei mare mala lida ka tharai nei ka khoje. Mae Sekaraea te fapea ka mana na. Nanghadi mae iheire te mala lalahu gita re igre: Mae Jeiel, mae Semiramot, mae Jehiel, mae Matitaea, mae Eliab, mae Benaea, mae Obed-Idom, nei keha Jeiel. Mae Asaf jaola mae mala koje ka babuban.

Ululahu Kronikols 25:1

King Devet baludi nodi lida hatimare mae Livaet, mare ne vahini tharaknagna mae Asaf, nei tharaknagna mae Heman nei tharaknagna mae Jedutun mala baubatu ka khoje. Mare neke cheke fakelini God ka gragi nei koje, nei ka belo nei ka thua nafnata gita. Nanghadire igre:

Fapea Kronikols 5:13

Eghuteuna kate koje teu mae te mala koje gre, hatimare mae pris gre ifu ka trampet, eghuteuna keha maere mare lalahu ka simbol nei ghita. Nodi khoje mare igre famane fara fanomhodi re. Mare koje mala kilo fnaknoni Lord, ne cheke eghu: “Lord thofno keli fara, eigna Mana ghatho ghita fabrahu.” Aonu kaisei khoveo mei ne fodu ka Sugablahi na,

Esra 3:10

Kate fufunu lilisei mare thina biꞌo ka khotogna nogna Sugablahi Lord igne, hatimare mae pris ne fahaghe nodi phoko blahi re, aonu mare hata trampet ne tei khegra ka nodi vido re. Aonu mare ne tarabana mala kilo fnaknoni Lord, leghuni unha teke chekeni mae Devet king gna Israel ka naiknore tifa.

Nehemaea 12:24

Eghuteuna jaola ka narane tuare, nanghadi phaꞌu maedi vikegna mae Livaet na igre: mae Hasabaea, mae Serebaea nei mae Jesua thugna mae Kadmiel. Mae igre kegra ka kaisei phile ka Sugablahi na mala koje kilo fnaknoni God, eghuteuna kheradi mae igre, mare kegra ka keha phile na mala cheke tughugna khoje igne balu tegioni mana, leghuni nogna cheke King Devet nogna mae gloku God ranghidi hatimare mae Livaet tifa ra.