Ululahu Kronikols 16:1 - Buka Blahi Ka Cheke Holo

¹ Aonu mare ne lilisei Bokis Nhaꞌa Cheke igne ka suga tapuale teke enihi mae Devet igne. Mare ne falehe buluka nei sipu eghu mala fafara ka Lord. Kehare gahu knoro fara ka khaꞌaghi, eghuteuna kehare fafara mala au fakeli balugna God.

Ululahu Kronikols 16:1 ပူးပေါင်းရင်းမြစ်များ

Ululahu Kronikols 15:1

King Devet ne edi nogna sugare Jerusalem. Eghuteuna mana jaola ne tarabana kaisei vido te mala eni kaisei suga tapuale te mala lilisei gna nogna Bokis Blahi God na.

Fapea Kronikols 1:4

Nu nogna Bokis Nhaꞌa Cheke God na auhi Jerusalem ka kaisei suga tapuale teke nhaꞌa haghe King Devet. Tifa na mae Devet neke tei hata Bokis Nhaꞌa Cheke igne ka namono Kiriat-Jaerim neke tei lilisei ka suga tapuale igne Jerusalem.

Ululahu Kronikols 15:12

Mana ne cheke eghu ka mare, “Ghotilo mae funeidi hatimare mae Livaet ra. Ghotilo baludi mae kherami are mala fagae ghami themi ka tathagna Lord. Naugna ghotilo tangomana pala te mei nogna Bokis Blahi Lord nodi God mae Israel igne ka vido tela tarabanahi iara ia.

Nodi Khoje Hatimare Mae Jiu 132:8

Lord God, Sugablahi igne te mala aumu iagho na. Mei sagho au fabrahu agne balugna Bokis Blahi te falalase ni nou nolaghi biꞌo iagho na.

Levitikas 3:9

Fafara igne te mala lase ni au fakeli balugu iara, mae igne mala atha mei garofagna sipu igne, garofa ka gleghugna te vahe fadelei ka thagrugna sipu igne, nei garofa lamna ka thiꞌagna na, phei chauchau balu garofadi, nei vido keli ka khebugna na. Aonu mae pris igne gahu glepo igre ke kligna olta mala blahi gano igre.

Ululahu Kronikols 16:2

Eghuteuna ke leghugna te fafara te gnafa na, mae Devet ne fablahidi naiknore ka nanghagna Lord.

Ululahu Kings 3:15

Kate dofra haghe na, mae Solomon laseni Lord te cheke ka mana ka mifi igne. Aonu mana neke pulo Jerusalem. Eghuteuna mana tei ne kegra ke ulugna nogna Bokis Nhaꞌa Cheke Lord na ka vido aheva te mala gahu fafara na, keha gahu faknoro, keha fafara re mala fagaglana gna te au ka pharikeli balugna God. Ke leghugna igne, mana ne eni kaisei gaghamu biꞌo maladi nogna mae nafnaknore.

Ululahu Kings 8:62

Aonu king Solomon baludi naikno te gnafa Israel igre ne fafara ka Lord.

Ululahu Kronikols 6:16

Nanghadi thilo thugna mae Livae igre neke mae Geson, mae Kohat nei mae Merari.

Ululahu Kronikols 15:3

Eghuteuna mae Devet ne kilo fodudi hatimare maedi Israel Jerusalem mala ke tei pala fapulo nogna Bokis Blahi Lord igne mala lilisei ka vido aheva teke tarabanahi mare na.