Ululahu Kronikols 15:3 - Buka Blahi Ka Cheke Holo

³ Eghuteuna mae Devet ne kilo fodudi hatimare maedi Israel Jerusalem mala ke tei pala fapulo nogna Bokis Blahi Lord igne mala lilisei ka vido aheva teke tarabanahi mare na.

Ululahu Kronikols 15:3 ပူးပေါင်းရင်းမြစ်များ

Ululahu Kronikols 13:5

Aonu mae Devet ne fatei cheke ka naiknodi Israel te au ke mata khoꞌu biꞌo Sihoa jare Ijep, tei posa ke raru Lebo-Hamat. Mana ne kafe kilodi mare gnafa mala ke hata fapulo Bokis Blahi igne Jerusalem.

Ululahu Kings 8:1

King Solomon ne kilo meidi hatimare mae biꞌo mala baubatu ka vikegna Israel, nei hatimare mae funeidi vike te gnafa, nei keha mae mala baubatu ka mare eghu ne kafe mei Jerusalem. Mana magnahaghedi mare mala mei Saion ka thofno namonogna King Devet na mala hata mei nogna Bokis Nhaꞌa Cheke Lord na mala pala mei ka Sugablahi na.

Ululahu Kronikols 15:1

King Devet ne edi nogna sugare Jerusalem. Eghuteuna mana jaola ne tarabana kaisei vido te mala eni kaisei suga tapuale te mala lilisei gna nogna Bokis Blahi God na.

Fapea Samuel 6:12

Aonu mae Devet nomhini Lord te thofno fablahini tharaknagna mae Obed-Idom, nei nodi gobigna lepo fateote'o, naugna Bokis Blahi igne ne au ka suga gna mana. Aonu mae Devet tei ka suga gna mae Obed-Idom igne ne hata Bokis Blahi na ne tei Jerusalem. Eghuteuna mana baludi naiknore ne kafe gleale'a fara.

Ululahu Kronikols 15:12

Mana ne cheke eghu ka mare, “Ghotilo mae funeidi hatimare mae Livaet ra. Ghotilo baludi mae kherami are mala fagae ghami themi ka tathagna Lord. Naugna ghotilo tangomana pala te mei nogna Bokis Blahi Lord nodi God mae Israel igne ka vido tela tarabanahi iara ia.

Fapea Samuel 6:17

Aonu mare pala ne tei lilisei Bokis Blahi igne ka suga tapuale teke tarabana mae Devet na. Aonu mana ne falelehe sipu mala fafara ka Lord. Kehare gahu ka khaꞌaghi, eghuteuna kehare fafara mala au ka pharikeli balugna Lord.

Eksodas 40:20

Moses atha phei thina tataba, teke rioriso Lord ke klignadi Nabotho Vetula igre, eghuteuna mana nhaꞌa lao lamna ka Bokis Blahi na nogna Nhaꞌa Cheke Lord. Eghuteuna mana atha phei gaju mala palagna Bokis Blahi igne ne toghu lao ka ring gna na, eghuteuna mana nhaꞌa lao thotoku gna Bokis igne.

Levitikas 9:5

Eghume naikno ra atha mei glepo igre ke ulu Suga Tapuale te Blahi jateula teke chekeni mae Moses igne eghu. Eghuteuna naikno te gnafa Israel igre mala kafe mei ke ulugna Lord.

Ululahu Kronikols 13:2

Eghuteuna mana ne chekeni nogna gaoghatho na ka naikno te gnafadi Israel teke mei Hebron. Mana ne cheke eghu, “Te ghathoni iara na, jame te keli na tahati hata ke fapulo mei agne nogna Bokis Blahi noda God. Naugna tahati la theome ghathonihi funu ka narane teke King Sol ia. Jame te doglo ka gaoghathogna Lord noda God na, ghotilo na jaola glealeꞌa, eghuteuna tahati ginauna kurudi keha mae mala tei ka kherada Israel ra, mae pris ra, mae Livaet te au ka namono agne Israel ra, mala jifla tei heva heva mala kilo meidi mala loku fodu baluda tahati agne.”

Ululahu Kronikols 16:1

Aonu mare ne lilisei Bokis Nhaꞌa Cheke igne ka suga tapuale teke enihi mae Devet igne. Mare ne falehe buluka nei sipu eghu mala fafara ka Lord. Kehare gahu knoro fara ka khaꞌaghi, eghuteuna kehare fafara mala au fakeli balugna God.

Fapea Kronikols 1:2

King Solomon ne fatei cheke ka komanda di armi te gnafa, nei ka goro mae biꞌo di Israel te gnafa, nei ka iheire te baubatu ka tharakna te gnafa, nei ka keha naiknodi Israel te gnafa.

Fapea Kronikols 1:4

Nu nogna Bokis Nhaꞌa Cheke God na auhi Jerusalem ka kaisei suga tapuale teke nhaꞌa haghe King Devet. Tifa na mae Devet neke tei hata Bokis Nhaꞌa Cheke igne ka namono Kiriat-Jaerim neke tei lilisei ka suga tapuale igne Jerusalem.

Fapea Kronikols 5:2

King Solomon ne kilo meidi mae mala baubatu ka vike te gnafa Israel, nei mae funei ka tharakna te gnafa, nei keha mae mala baubatu langau eghu mala kafe tei Jerusalem. Mare ne kafe tei Saion ne hata nogna Bokis Nhaꞌa Cheke Lord na pala ne haghe ka Sugablahi na. Ka narane igre keha nanghagna Jerusalem na Saion, ba “Nogna Namono Biꞌo King Devet.”