Ululahu Kronikols 15:2 - Buka Blahi Ka Cheke Holo

² Aonu mana ne cheke eghu, “Hatimare mae Livaet kolho te au nodi nolaghi te mala palagna nogna Bokis Blahi God na, naugna Lord neke vahidi mare te mala pala na, nei mala loku ranghini mana.”

Ululahu Kronikols 15:2 ပူးပေါင်းရင်းမြစ်များ

Diutronomi 10:8

Eghuteuna ka narane tuana, Lord neke vahini vikegna mae Livae mala palagna nogna Bokis Blahi Nhaꞌa cheke Lord na. Eghuteuna mae igre loku ka Suga Tapuale te Blahi na nei mala fablahidi naiknore ka nanghagna Lord. Igre nodi gloku mare te mei posa gognarogne.

Diutronomi 31:9

Aonu mae Moses ne rioriso nogna Buka vetula Lord na ne tusu lao ka hatimare mae pris nei mae iheire te baubatu ka naiknodi Israel. Mae pris igre ka vikegna mae Livae, eghuteuna mare tangomana te pala nogna Bokis Blahi Nhaꞌa cheke Lord.

Josua 6:6

Aonu mae Josua thugna mae Nun igne ne kilodi hatimare mae pris igre ne cheke eghu ka mare, “Ghotilo fitu mae pris te hata khufli teke horo ka hona sipu ra, ginauna tei ke uludi mae pris te pala nogna Bokis Blahi Nhaꞌa Cheke Lord igre.”

Josua 3:3

“Kate filodi ghotilo hatimare mae pris, vikegna mae Livae, te tei pala nogna Bokis Nhaꞌa Cheke Lord noda God igre, ghotilo leghudi mare.

Profet Isaia 66:21

Eghuteuna iara ginauna vavahi keha ka mare mala pris nei keha mala Livaet.

Fapea Kronikols 35:3

Keha mae Livaet mare farirhiu nogna Vetula Lord na ka naiknodi Israel. Aonu mae Josia ne kilo meidi hatimare mae Livaet teke fablahidi thedi malagna Lord. Aonu mana ne cheke eghu ka mare, “Lilisei Bokis Blahi na ke lamnagna Sugablahi teke horo King Solomon thugna King Devet king gna Israel. Ke leghu na, ghotilo thosei ke pala ka faframi ghotilo are. Ghotilo edi kolho nogna gloku Lord nomi God, eghuteuna ghotilo mala loku ranghidi naiknodi Israel.

Naba 7:9

Nu mae Moses ne theome tufa lao kaisei kat, ba buluka eghu ka vikegna mae Kohat, naugna nodi gloku mare na mala reireghidi glepo blahi te tangomana pala mare ka fafradi thedire.

Fapea Samuel 6:13

Kate pala te funu nolo mae te palare, mae Devet ne chekedi mare mala ofou katha vido. Aonu mana ne aknu falehe kaisei buluka nalhaꞌugna, nei kaisei sua buluka te blokha ne fafara ka Lord.

Eksodas 25:14

Aonu ghotilo toghu tei phei gaju igre ke lamnadi ring igre ka phei philegna bokis igne mala pala.

Naba 3:6

“Cheke meidi mae ka vikegna Livae ra mala mei toghoni mae pris Eron.

Naba 3:9

Eghume iagho ginauna snakre lao mae Livaet gre ka mae Eron nei thugna ra mala toghodi ka gloku blahi na.