Ululahu Kronikols 15:16 - Buka Blahi Ka Cheke Holo

¹⁶ Eghuteuna mae Devet ne cheke ka mae funeidi mae Livaet igre mala vavahi keha mae mala koje ka gita, ka babuban, ka khodili nei ka sesele, fagaglanagna nodi glealeꞌa na kate pala te mei mare Bokis Blahi igne.

Ululahu Kronikols 15:16 ပူးပေါင်းရင်းမြစ်များ

Ululahu Kronikols 13:8

Eghuteuna mae Devet baludi kmana naikno di Israel, mare nolo ne tei balu ragi fara nei koje fabiꞌo eghu mala cheke fakelini nanghagna God. Eghuteuna mare ne lalahu ka thua nafnata gita, nei nifu, nei belo nei sesele.

Nehemaea 12:36

Kheragna mana re nanghadire, mae Semaea, mae Asarel, mae Milalae, mae Gilalae, mae Mai, mae Netanel, mae Juda, nei mae Hanani, mare tei ke leghugna mana. Mae igre pala glepo mala koje, jateula King Devet nogna mae gloku God tifa ia eghu, mana neke farirhiudi hatimare mae Livaet mala lalahu ka glepo igre. Pris Esra, mae velepuhi gna nogna Vetula God igne, mana tei ke ulugna tothoghei igne.

Fapea Kronikols 5:13

Eghuteuna kate koje teu mae te mala koje gre, hatimare mae pris gre ifu ka trampet, eghuteuna keha maere mare lalahu ka simbol nei ghita. Nodi khoje mare igre famane fara fanomhodi re. Mare koje mala kilo fnaknoni Lord, ne cheke eghu: “Lord thofno keli fara, eigna Mana ghatho ghita fabrahu.” Aonu kaisei khoveo mei ne fodu ka Sugablahi na,

Ululahu Kronikols 23:5

Eghuteuna fati thogha mae mala reireghigna Sugablahi. Eghuteuna fati thogha mae mala cheke fakelini Lord ka thua nafnata khoje mala cheke fakelini nanghagna Lord. Iara neke edi thua nafnata khoje igre neke tusu lao ka mare.”

Ululahu Kronikols 16:42

Mae Heman ghe mae Jedutun phia mae igre mala fiofilodi mae iheire te kufli nei lalahu babuban, nei keha nafnata khoje te mala cheke fakelini God. Eghuteuna mae ka vikegna mae Jedutun igre mare reireghini grengathagna vido blahi igne.

Taetus 1:5

Iara neke lilisei fapulo nigho ka moumolu Krit naugna iara magnahaghe nigho te mala ke edi fagnafa keha glepo teke theome edi fagnafa nga teku ra. Nu iara magnahaghei nigho te mala vavahi keha mae mala baubatu ka khiloau gne leuleghu namono. Leghudi unha teke chekedi iara ka iagho ra.

Fapea Timoti 2:2

Iagho ke toutonu ranghidi mae iheire te rouronudi iagho ra eigna u farirhiu te nomhidi iagho igre teke edi iara ka naikno te kmanare. Eghuteuna mae igre ginauna jaola tangomana te mala farirhiudi keha naiknore.

Mae Khuru 14:23

Mae Pol ghe mae Banabas ne vavahi keha mae te fatutuani ni Lord te mala mae baubatu ka soasopaigna khiloau. Eghuteuna snakre laodi ka Lord ka dangna nei tharai.

Profet Jeremaea 33:11

naiknore na eha fabiꞌo, naugna mare ne thono gleale'a fara. Mare jaola na nomhidi khojedi mae sua nalhaꞌu nei goro sua gaꞌase ka gaghamu tholaghi. Eghuteuna mare tangomana te nomhidi naikno te atha gano te tei ka Sugablahi na mala kilo fnakno ka iara. Naikno igre ginauna eha eghu: “ ‘Tahati cheke fakelini Lord mae ihei te au nolaghi fateote'o, naugna mana thofno keli fara. Uve, mana namha ghita fabrahu.’ Glepo igre thoke mei naugna iara ginauna eni nomi glose ghotilo igne mala ke keli fapulo jateula tifa ia eghu.” Igne cheke gna Lord.

Profet Isaia 49:23

Hatimare mae king nei kuin teu igre ginauna jateula kmami nei idomi eghu ghotilo. Mare ginauna pogho soru pari ke ulumi ghotilo, eigna mare ghatho tahu ghami ghotilo. Ka narane igne ghotilo ginauna laseni te iara ngala Lord na. Iheire naikno te fatutuani ghau nei ofo ghau teu iara te mala toghodire ginauna keli tadi fara.”

Nodi Khoje Hatimare Mae Jiu 149:3

Tahati ragi balu kilo fnaknoni nanghagna mana na, tahati belo balu gita mala kilo fnaknoni mana.

Nodi Khoje Hatimare Mae Jiu 100:1

Ghotilo naikno te gnafa ka nauthoglu igne, koje fabiꞌo ranghini Lord!

Nodi Khoje Hatimare Mae Jiu 95:1

Mei ghotilo, mala kilo fnaknoni tahati Lord! Uve, mei ghotilo mala koje tahati balu gleꞌa, naugna mana ngala noda vido keli tahati na.

Nodi Khoje Hatimare Mae Jiu 87:7

Naikno te au ka namono Jerusalem, mare ginauna koje nei glealeꞌa eghu. Mare ginauna cheke eghu, “God na thofno fablahi ghami ghehati Saion ka noda famane namono tahati gne!”

Nodi Khoje Hatimare Mae Jiu 81:1

Tahati glealeꞌa nei eha fabiꞌo lao eghu ka God nogna Jekop. Uve, tahati koje fabiꞌo mala kilo fnaknoni God, naugna mana neke batu ghita.

Nehemaea 12:46

Ka naranedi King Devet ghe mae Asaf tifa igre, mare neke au mae lida te mala koje te kilo fafnaknoni God nei mala cheke fakelini mana.

Nehemaea 12:43

Ka narane igne, ghehati neke edi kmana fafara, eghuteuna ghehati te gnafa na thofno glealeꞌa fara, naugna God neke faglealeꞌa ghami ghehati. Goro gaꞌase nei goro sua teure jaola ne glealeꞌa, eghuteuna ghehati te gnafa na glealeꞌa ne uareghe tongana, iheire te au teu deleire tangomana te nomhi ghami ghehati na.

Fapea Kronikols 30:12

Eghuteuna God ne toghodi naiknodi Juda ne kaisei gaoghatho kolho ne leghuni nogna cheke Lord teke chekeni king baludi nogna mae biꞌo mana re.

Ululahu Kronikols 15:12

Mana ne cheke eghu ka mare, “Ghotilo mae funeidi hatimare mae Livaet ra. Ghotilo baludi mae kherami are mala fagae ghami themi ka tathagna Lord. Naugna ghotilo tangomana pala te mei nogna Bokis Blahi Lord nodi God mae Israel igne ka vido tela tarabanahi iara ia.

Eksodas 15:20

Profet Miriam, gregagna mae Eron gne ne atha nogna tamborin na ne baubatudi keha gaꞌasere ne koje balu ragi.

Fapea Kronikols 5:12

Eghuteuna mae Livaet te gnafa igre pipichi famane pohe vegha, eghuteuna mare kegra rhegna olta na fei ke maghati. Mae te koje igre, Asaf, mae Heman nei mae Jedutun, nei thudire baludi kheradi re. Mare lalahu ka belo nei thua nafnata gita, eghuteuna kaisei gobi varadaki pris jaola ifu ka khufli.

Fapea Kronikols 7:6

Ka narane tuana hatimare mae pris ne kegra haghe ka nodi vido na ne kufli ka glepo te kiloi trampet. Ka keha phile na hatimare mae Livaet, mare kegra haghe ka nodi vido na ne koje ka gita nei ifu ka glepo teke edi mae King Devet re. Mare ne koje eghu, “Lord na ghatho tahu ghita fabrahu!” Naiknore ne kafe kegra haghe.

Nehemaea 12:27

Kate tarabana ghehati te mala fablahi gringni gna namono biꞌo Jerusalem gne teuna, mare tei ne hirodi hatimare mae Livaet ka namonodi re, mala mei Jerusalem ka narane biꞌo igne. Mare mei mala koje kilo fnakno nei mala koje ka simbol nei ka thua nafnata gita.

Nodi Khoje Hatimare Mae Jiu 150:5

Tahati kilo fnaknoni mana ka sesele te taitanhi fabiꞌo fara.

Profet Emos 6:5

Ghotilo magnahaghei khoje majaghani jateula teke eni mae Devet tifa ia eghu, eghuteuna leuleghu fata na ghotilo koje koba khoje igre ka gita.

Ululahu Kronikols 6:16

Nanghadi thilo thugna mae Livae igre neke mae Geson, mae Kohat nei mae Merari.

Ululahu Kronikols 16:5

Mana ne vahini mae Asaf mala nodi mae funei mare mala lida ka tharai nei ka khoje. Mae Sekaraea te fapea ka mana na. Nanghadi mae iheire te mala lalahu gita re igre: Mae Jeiel, mae Semiramot, mae Jehiel, mae Matitaea, mae Eliab, mae Benaea, mae Obed-Idom, nei keha Jeiel. Mae Asaf jaola mae mala koje ka babuban.

Fapea Kronikols 20:19

Eghuteuna keha mae Livaet ka vikedi mae Kohat ghe mae Kora kegra haghe ne eha fabiꞌo mala kilofnaknoni Lord, nodi God mae Israel.

Nodi Khoje Hatimare Mae Jiu 81:3

Kau gaghamu khafa nei kau gaghamu glaba rane teu igre tahati kufli mala fufunu tharai na.