Ululahu Kronikols 14:3 - Buka Blahi Ka Cheke Holo

³ Mae Devet ne hata kmana khetogna ne au Jerusalem, eghuteuna mana jaola ne keha nogna gaꞌase gloku. Gaꞌase igre ne karha thudi nalhaꞌu nei thudi gaꞌase eghu ka mana.

Ululahu Kronikols 14:3 ပူးပေါင်းရင်းမြစ်များ

Matiu 19:8

Mae Jisas ne cheke eghu ka mare, “Mae Moses neke snakreni ka ghotilo te mala koko khetomire, naugna ghotilo ne tiromi fanomho fakeli ka nogna farirhiu God na. Nu neke theome eghu ka narane God teke vuavuhadi gaꞌase ghe nalhaꞌu gre.

Profet Malakai 2:14

Ba? Naugna unha site eghu ghotilo gnea? Mana theome magnahaghedi unha te tufa ghotilo ka mana re, naugna mana lasedi te theome tajini ghotilo nomi nhaꞌa cheke teke eni ghotilo ka tholaghi ia kate tolaghi. Kani teke majaghani na ghotilo neke nhaꞌa cheke ka khetomire. Eghuteuna neubane eghu ngau, ghotilo theome leghuni kolho nomi nhaꞌa cheke na.

Eklesiasti 9:9

Neuba nakarha igne ne theo nafugna ka gaoghathomu iagho na, God neke tusu ari ka iagho. Eghume leuleghu narane na, iagho mala gleꞌani nakarha igne balugna khetomu te namhani fara iagho na. Fablahi igne te mala eni iagho ka nakarha te theo nafugna ka gaoghathomu iagho na, nei ka gloku biꞌo te edi iagho ka nauthoglu igne.

Ululahu Kings 11:3

Mana ne tolaghi ka fitu gobi gaꞌase, gaꞌase igre thudi hatimare mae king, eghuteuna mana jaola au thilo gobi khetogna te loku ranghini mana. Eghuteuna gaꞌase igre hata fadelei gaoghathogna mana na mala figri tagruni Lord.

Fapea Samuel 5:13

Kate jifla mae Devet Hebron te mei au Jerusalem igne, mana ne hata keha gaꞌase mala khetogna, eghuteuna kehare mala nogna gaꞌase gloku. Mana ne au kmana thugna nalhaꞌu nei gaꞌase ka khetogna igre.

Diutronomi 17:17

Eghuteuna king igne theome mala hata kmana khetogna, naugna jame te hata kmana khetogna mana na, goro gaꞌase igre ginauna figri gaoghathogna mana na, eghuteuna mana ginauna na theome ghatho tahuni Lord. Eghuteuna mana theome mala dedei ka silva nei gol.

Ululahu Kronikols 14:2

Eghuteuna kate filodi mae Devet glepo igre, mana laseni Lord teke vahini mana te mala king gna Israel. Eghuteuna mana jaola laseni Lord te fakelini nogna kantri na, naugna Lord ne namhadi fara nogna naiknore.

Ululahu Kronikols 14:4

Nanghadi thugna nalhaꞌu mana teke karha Jerusalem re igre: Mae Samua, mae Sobab, mae Natan, mae Solomon,

Ululahu Kronikols 28:5

Lord neke tusu ranghi ghau iara kmana sua, eghuteuna mana neke vahini mae thugu iara Solomon mala funei frudi naikno te gnafa Israel.