Ululahu Kronikols 14:12 - Buka Blahi Ka Cheke Holo

¹² Kate rikha soldia di Filistia igre, mare ne tei kokodi nodi mumuju re ka vido igne. Eghuteuna King Devet ne chekedi nogna soldia re mala gnubra mumuju igre.

Ululahu Kronikols 14:12 ပူးပေါင်းရင်းမြစ်များ

Eksodas 32:20

Mana atha mumuju buluka gol teke horo mare igne ne gahu ka khaꞌaghi. Mana atha ne rurhuja ne ghilei vuhai nakrofu, aonu mana atha nakrofu igne ne ngigno balu khoꞌu, eghuteuna mana tusu lao khoꞌu igne mala koꞌu naiknore.

Fapea Kings 19:18

Eghuteuna mare gnubra fahui nodi god naiknore ka khaꞌaghi, nu god igre theome tutuani, naugna neke horo kolho naikno ka gaju nei thina eghu.

Diutronomi 7:25

Ghotilo gnubra nodi mumuju re ka khaꞌaghi. Eghuteuna ghotilo thosei mamagnadi silva nei gol eghu te au ka mumuju igre ba hata malami themi, nu ghotilo mala gnubra fahui. Glepo igre diꞌa fara ka Lord nomi God. Ghotilo thosei tathaji naugna jateula kaisei phighoro eghu ka ghotilo.

Diutronomi 7:5

Eghume ghotilo mala roꞌe soru nodi olta nei mumuju thina, nei roꞌe soru mumuju gna gaꞌase god Astarot, eghuteuna ghotilo mala gnhubra nodi mumuju mare re.

Eksodas 12:12

“Ka bongi igne iara ginau na tei ka vido te gnafa Ijep igre mala falelehe goro mae sua nalhaꞌu teke kulu karha ka mae Ijep gre, nei nodi sua dongki, hose, kamel, buluka, sipu nei nanigot teu mare teke kulu karha are eghu. Iara ngala Lord na, iara ginau na paradi fara nodi mumuju god te pogho sorudi maedi Ijep are.

Fapea Samuel 5:21

Maedi Filistia igre rikha ne lisei faleghu nodi mumujure Baal Perasim. Aonu mae Devet baludi nogna soldia re hata mumuju igre ne tei baludi.

Ululahu Kronikols 14:11

Mae Devet jifla ne tei Baal-Perasim ne magra ka soldia di Filistia ne uludi mare. Aonu mae Devet ne cheke eghu, “Lord ne paradi nogu naoka iara re, jateula khoꞌu te britha te goigonidi namono ra neu.” Naugna igne mare kiloni namono igne, Baal-Perasim, gaoghathogna Baal-Perasim teu igne, “Mae funei na paradi mare.”

Ululahu Kronikols 14:13

Nu ke leghu, soldia di Filistia igre neke pulo mei ka glogu Refaem mala ke magra.

Fapea Kings 10:26

Aonu mare pala ne jifla mumuju thina blahi teke au jare na ne gnubra ka khaꞌaghi.