Ululahu Kronikols 13:7 - Buka Blahi Ka Cheke Holo

⁷ Mare tei ka namono Bala ne tei ruma ka sugagna mae Abinadab mae ihei te tathaji ka sugagna na Bokis Blahi igne. Mare hata Bokis Blahi igne ne nhaꞌa lao ka kaisei chariot majaghani ne tei baludi. Kate tei teu mare na, mae Usa ghe mae Ahio te saghe leghuni te tei chariot igne.

Ululahu Kronikols 13:7 ပူးပေါင်းရင်းမြစ်များ

Naba 4:15

“Kate tarabana ghotilo mala tei ka keha vido re, mae ka vikegna mae Kohat kolho mala pala gobi lepo tuare. Nu ulu lahu na, mae Eron baludi phei thugna re eghu kolho te mala kaikalitidi gobi lepo tuare, naugna vikegna mae Kohat gre theome tangomana te habo ka glepo blahi tuare. Ne habo nga mare nu, mare ginauna lehe.

Ululahu Kronikols 15:13

Tifeiro na ghotilo mae Livaet gre neke theome pala neke mei Bokis Blahi igne, naugna igne Lord neke para ghita tahati. Tahati neke theome ghusnani eigna thofno puhigna te mala palagna Bokis Blahi igne.”

Ululahu Kronikols 15:2

Aonu mana ne cheke eghu, “Hatimare mae Livaet kolho te au nodi nolaghi te mala palagna nogna Bokis Blahi God na, naugna Lord neke vahidi mare te mala pala na, nei mala loku ranghini mana.”

Fapea Samuel 6:3

Mare tei ne hata fajifla Bokis Blahi igne ka suga gna mae Abinadab ka thogele holo. Mare ne lilisei Bokis Blahi igne ka kaisei chariot majaghani. Mae Usa ghe mae Ahio phei thugna mae Abinadab igre te reireghini te tei chariot igne.

Ululahu Samuel 6:7

“Eghume, ghotilo tarabana kaisei chariot majaghani baludi phei buluka te au thudi majaghani, nu phei buluka igre theome korho chariot ngau tifa na. Ghotilo mala nhaꞌa lao nhugha ka repa mala korho repa chariot na, nu ghotilo hata fadelei phei thudi repare mala ke pulo ka nodi suga buluka re.

Fapea Samuel 6:4

Mae Ahio te tei ke ulugna chariot igne.