Ululahu Kronikols 13:1 - Buka Blahi Ka Cheke Holo

¹ Aonu King Devet ne cheke baludi mae komanda ka armi.

Ululahu Kronikols 13:1 ပူးပေါင်းရင်းမြစ်များ

Fapea Kronikols 29:20

Hamerane boibongi ka keha narane na, King Hesekaea ne kilodi nogna goro mae biꞌo te gnafa ka namono Jerusalem. Mare ne kafe tei ka nogna Sugablahi Lord.

Ululahu Kronikols 12:20

Vikegna mae Manase te loku fodu ka mae Devet re igre: Mae Adna, mae Josabad, mae Jediael, mae Maekol, nei keha Josabad, mae Elihu, nei mae Siletae. Mae igre lida ka kaisei thogha soldia eghu ka vikegna mae Manase.

Fapea Kings 23:1

King Josia ne kafe kilo meidi mae biꞌodi Jerusalem nei Juda, hatimare mae pris, mae profet, baludi keha mae langau, neubane mae biꞌo ba fiti mae kolho. Mare ne tei balugna mana ka nogna Sugablahi Lord na. Aonu mana hata buka teke filo deni mae pris biꞌo ke lamna Sugablahi igne ne iuꞌiju cheke te au ka Buka Nhaꞌa Cheke na igre mala kafe nomhidi mare.

Ululahu Kronikols 12:32

Ka vikegna mae Isaka, mare au phei gobi ofisa balu nodi soldia. Mae ofisa igre au tadi gaoghatho te keli, nei lasedi unha glepo te thoke mei ba unha glepo te edi naiknodi Israel.

Ululahu Kronikols 12:14

Mae igre komanda ka armi. Eghuteuna keha mae te theome nheta ka mae igre na nabadi te magra te uludi kaisei gobi soldia, eghuteuna mae te nheta fara re nabadi magra te uludi kaisei thogha soldia!

Fapea Samuel 6:1

Mae Devet ne kafe salo fodudi tolufulu thogha maedi Israel teke vavahi manare.

Ululahu Kronikols 12:40

Eghuteuna naiknodi Israel te au ke rarudi thilo provins Isaka, Sebulun nei Naftali teu igre hata gano ne mei Hebron ka mare. Mare luja ne mei ka dongki nei kamel eghu kmana flaoa, sisi gaju fig, sisi grep te moja, waen nei oliv oel, eghuteuna mare jaola hata mei buluka nei sipu eghu te mala ghamu mare na. Mare ne edi gobigna lepo igre, naugna naikno te gnafa Israel igre ne thofno kelitadi ne glealeꞌa fara.

Ululahu Kronikols 13:2

Eghuteuna mana ne chekeni nogna gaoghatho na ka naikno te gnafadi Israel teke mei Hebron. Mana ne cheke eghu, “Te ghathoni iara na, jame te keli na tahati hata ke fapulo mei agne nogna Bokis Blahi noda God. Naugna tahati la theome ghathonihi funu ka narane teke King Sol ia. Jame te doglo ka gaoghathogna Lord noda God na, ghotilo na jaola glealeꞌa, eghuteuna tahati ginauna kurudi keha mae mala tei ka kherada Israel ra, mae pris ra, mae Livaet te au ka namono agne Israel ra, mala jifla tei heva heva mala kilo meidi mala loku fodu baluda tahati agne.”

Fapea Kronikols 1:2

King Solomon ne fatei cheke ka komanda di armi te gnafa, nei ka goro mae biꞌo di Israel te gnafa, nei ka iheire te baubatu ka tharakna te gnafa, nei ka keha naiknodi Israel te gnafa.

Proveb 15:22

Jame te magnahaghei edi iagho keha gloku na, iagho kulu atha gaoghatho ka keha mae are, eghuteuna nou gloku iagho na ginauna thofno keli fara. Nu jame te theome eghu iagho na, iagho ginauna fiti kmusa kolho.

Matiu 25:16

Aonu mae gloku teke hata glima duku sileni igne ghosei ne tei loku ne tangomana teke horo haghe keha glimai.