Ululahu Kronikols 12:8 - Buka Blahi Ka Cheke Holo

⁸ Eghuteuna keha mae ka vikegna mae Gad mei ne loku fodu ka nogna soldia mae Devet kate poru teu mare ka namono nagou na. Mae igre thofno mae soldia nheta fara, eghuteuna mare laseni fara lokugna greoreo nei goru teu ka magra na. Naiknore mhaghu nodi fara kate filodi mare na jateula te mhaghu fara kate filoni lion ia eghu. Eghuteuna mare lase chari fara.

Ululahu Kronikols 12:8 ပူးပေါင်းရင်းမြစ်များ

Fapea Samuel 2:18

Thilo thugna Seruia igre jaola ne au ka magra igne. Mae Joab, mae Abisae, nei mae Asahel. Mae Asahel gne kaisei mae lase chari fara jateula deer eghu.

Fapea Samuel 23:20

Benaea thugna mae Jehoeada kaisei mae frane gna Kabsel, mana jaola kaisei mae soldia nheta te hata nafnakno biꞌo. Eghuteuna mana edi kmana glepo te biꞌo, eghuteuna kaisei glepo na, mana neke aknu falehe phei mae soldia nheta di Moab. Eghuteuna ka narane te khoveo maku te kiloi aes igne, mana soru ka khora na neke aknu falehe kaisei lion.

Fapea Samuel 17:10

Neubane nheta fara jateula lion neu nou mae soldia iagho igre, mare ginauna mhaghu nodi fara ka nafnata cheke igre. Naugna naikno te gnafa Israel igre lasenihi mae kmamu iagho na kaisei mae soldia keli, eghuteuna nogna soldia manare theome mhaghu.

Profet Jeremaea 46:9

Ghotilo mae te saghe ka hosera ghotilo mala chari tei. Eghuteuna ghotilo mae te saghe ka chariot ra, ghotilo mala magra heta. Ghotilo mae soldia ka phei kantri Kus ghe Libia te pala greoreora, ghotilo mae soldia teke mei funu Lidia te lase fada ka phalohora, ghotilo faghose tei.

Famane Khoje 8:14

Kheraguo, Faghose mei ka iara! Iagho faghose mei jateula kaisei glepo tautagu te chari faghose fara ka thogele te au gaju te khakladi re famane sisiri fara!

Proveb 28:1

Naikno te diꞌa re tangomana te rikha na neubane theo kaisei mae te ngolhidire. Nu naikno te doglo na kegra heta jateula lion eghu.

Proveb 6:5

Jifla mei ka phighoro igne, jateula nanghaji, ba glepo te tautagu te rikhani mae ihei te magnahaghei faleheni ra eghu.

Fapea Kronikols 25:5

King Amasaea ne kilo meidi maedi Juda mae iheire te thokeni varadaki finogha haghe. Aonu mana fofotadi ka nogna tothoghei armi na. Mana fofota maedi Juda nei Benjamin leghu tharakna. Mana vavahi keha mae komanda ka kaisei thogha soldia, eghuteuna keha mae komanda ka kaisei gobi soldia. Khaputudi re thokeni thilo gobi thogha soldia, mae iheire te lase loku goru nei greoreo te mala tafra jata, eghuteuna mare tarabana fabrahu mala tei ka magra.

Ululahu Kronikols 12:16

Eghuteuna keha ka vikegna mae Benjamin, nei keha ka vikegna mae Juda eghu mare mei ne filoni mae Devet ka vido aheva te poru teu mana na.

Ululahu Kronikols 11:22

Mae Benaea, thugna mae Jehoeada ka namono Kabsel, mana kaisei mae soldia nheta te jaola te hata nangha biꞌo eidi glepo biꞌo teke edi mana re. Kaisei glepo na, mana neke aknu falehe phei soldia nhetadi Moab. Eghuteuna keha fata ka narane te reka fara na khoveo te kiloni snou na ne soru toku tafru namono na, mana soru ka kaisei khora ne aknu falehe kaisei lion jare.

Ululahu Kronikols 11:16

King Devet au neu ka kaisei vido keli holo ka thogele na, eghuteuna kaisei tothoghei armigna Filistia ne hata namono Betlehem.

Fapea Samuel 1:23

Naiknore neke keli tadi fara ka mae Sol ghe mae Jonatan. Phiamare neke kaisei loku fodu fabrahu neke ghilei thokeni narane glehedina. Phei mae igre theidire flalo jateula gaghata, ba rheta jateula lion.

Ululahu Samuel 24:22

Aonu mae Devet ne leghuni unha te chekeni mae Sol igne ne nhaꞌa cheke ka mana. Mae Sol figri neke pulo ka namono, nu mae Devet neke figri balu nogna soldia ka nodi vido mala poru na.

Ululahu Samuel 23:29

Mae Devet jifla ka namono nagou igne ne tei poru ka glogu glokha khoꞌu En-Gedi.

Ululahu Samuel 23:14

Mae Devet tei ne au Sif ka namono nagou na, mana tei ne poru ka thogele holo ka kaisei vido te keli. Leuleghu narane na mae king Sol ne hironi fabrahu mana, neuba God na theome snakreni mae king te athini mana na.

Ululahu Kronikols 12:7

Mae Joela, mae Sebadaea, phei thugna mae Jeroham, maegna Gedoa.

Ululahu Kronikols 12:9

Igre nanghadi nogna soldia mae Gad re: Mae Esa nodi lida ululahu mare na. Fapea na, mae Obadaea. Fatilo na, mae Eliab.