Ululahu Kronikols 12:18 - Buka Blahi Ka Cheke Holo

¹⁸ Eghuteuna tharunga gna God na ne mei ka mae Amasae mae ihei te lida ka tolufulu soldia te nheta igre ne eha eghu fabiꞌo, “Devet, thugna mae Jesi! Ghehati nou iagho gognaro na! Iagho ginauna tangomana nate uludi magra re. Iara toreni God mala tusu ranghi nigho iagho nei iheire te au balumu nogna nolaghi nei pharikeli.” Aonu mae Devet ne kelitagna fara ka mare, eghuteuna mana ne vahidi mare mala batudi tothoghei soldia teke tei blau glepo ka nodi namono mae naoka re.

Ululahu Kronikols 12:18 ပူးပေါင်းရင်းမြစ်များ

Jajis 6:34

Ka narane tuana, Tharunga gna Lord ne mei ka Gidion. Eghuteuna Gidion kegra haghe ne kufli mala kilodi vikegna Abiesa re mala mei leghuni mana mala tei magra.

Jajis 3:10

Aonu Tharunga gna Lord na ne mei ka Otniel ne tusu lao nolaghi ka mana, eghuteuna mana batudi maedi Israel ne tei magra ne uluni King Kusan-Risataem.

Fapea Samuel 17:25

Mae Absalom ne vahini mae Amasa mala komanda gna nogna armi na, tughuni mae Joab. Mae Amasa gne thugna mae Jeta kaisei mae ka vike gna Israel. Idogna mae Amasa na Abigel gregagna Seruia, idogna mae Joab. Kmagna gaꞌase igne, mae Nahas.

Thoutonu Eigna Rut 1:16

Nu Rut ne cheke eghu ka Naomi, “Ido, iara theome magnahaghei te tei koko nigho iagho na, iara gne magnahaghei te tei ngala balumu iagho. Thosei ke kuru fafigri ghau iara. Aheva te tei iagho na, iara na jaola tei jare. Kheramu iagho re mala jaola kheragu iara, eghuteuna nodi God mae Israel te pogho soruni iagho na jaola pogho soruni iara.

Galesia 6:16

Iara toreni God mala tusu lao pharikeli nei lolokeli ka iheire te leghuni gaoghatho igne nei ka iheire te gnafa te thofno nogna naikno God.

Matiu 12:30

“Tutuani, mae ihei te theome leghu ghau iara na, mana tirogna ghau iara. Eghuteuna mae ihei te tirogna togho ghau iara te mala hata meidi naiknore ka God na, mana jateula te brue fadeleidi eghu naiknore ka God.

Profet Isaia 59:17

Puhigna Lord te doglo igne jateula phoko aean mala magra ra eghu, eghuteuna nogna nolaghi mana te mala fakarha naikno igne, jateula khepi eghu. Eghuteuna gaoghathogna mana te rheta te mala fadoglini puhi te theome doglo igne, jateula kaisei pohe te mala pipichi ra eghu.

Ululahu Kronikols 2:17

Eghuteuna Abigel gne neke tolaghi ka mae Jeta, kaisei mae ka vikegna mae Ismael, eghuteuna repa neke au kaisei thudi nalhaꞌu, nanghagna na mae Amasa.

Fapea Kings 10:5

Aonu mae biꞌo te mala reireghi gna nogna suga biꞌo king na, mae gavana gna namono biꞌo na, nei keha mae mala baubatu, nei mae iheire te mala reireghidi vikegna King Ehab igre eghu ne cheke eghu fapulo ka mae Jehu, “Ghehati nou mae gloku iagho, eghuteuna ghehati tarabana te mala eni unha te chekeni iagho na. Nu ghehati ginauna na theome tangomana na teke vahini keha mae king na. Eni sagho unha te doglo ka gaoghathomu iagho na.”

Fapea Kings 9:32

Mae Jehu filo haghe ne eha eghu fabiꞌo, “Ihei te phile ka iara na? Ihei?” Aonu phei ba thiloi mae gloku ka sugagna king na ne filo soru ka wida na.

Ululahu Kings 9:22

Nu mae Solomon neke theome nhaꞌa lao gloku jateula sneka eghu ka naiknodi Israel, mare loku jateula nogna soldia, ofisa, komanda gna armi, mae biꞌo ka gavman, nei mae kapten ka chariot nei mae kapten te saghe ka hose.

Profet Sekaraea 8:23

“Ka narane tuana, nabotho mae phosa te nhogri nodi cheke re ka nauthoglu igne ginauna hata nogna pohe kaisei Jiu, na cheke faheta eghu ka mana, ‘Iagho snakre ghami ghehati mala tei balumi ghotilo Jerusalem, naugna ghehati nomhini God na au balumi ghotilo.’ ”

Fapea Samuel 19:13

Eghuteuna mana jaola ne cheke ka phia mare mala tei cheke eghu ka mae Amasa, “Iagho mae thabusigu iara. Iara ginauna vahi nigho iagho mala tughuni mae Joab mala kaisei mae komanda biꞌo ka nogu armi iara gne. Jame te theome eni iara igne na, God ginauna para ghau iara.”

Fapea Samuel 15:21

Nu mae Itai ne cheke eghu ka mae Devet, “Ka nanghagna Lord mae ihei te karha te tifa, eghuteuna iagho mae ihei te mae king gna Israel, iara thofno nhaꞌa cheke kate tutuani. Namono aheva te tei iagho na, neuba iagho ne tei karha ba lehe, iara ginauna tei balumu.”

Fapea Samuel 5:2

Tifa na, mae Sol ia neke noda king tahati ngala, iagho teke batudi mae Israel gre teke tei ka magra na. Eghuteuna Lord na neke cheke eghu ka iagho, ‘Iagho ginauna mala batudi nei reireghidi eghu nogu naikno iara Israel igre, eghuteuna iagho mala nomi king ghehati gnafa.’ ”

Ululahu Samuel 22:7

Aonu mana ne cheke eghu ka nogna mae biꞌo te gnafare, “Fanomho, ghotilo maemi Juda ra, Jame te toghoni ghotilo thugna mae Jesi igne na, mana ginauna tusu ari glose ka ghotilo te mala tobi nagare grep? Ba, mana ginauna vahi ghami ghotilo mala nogna komanda mana?

Ululahu Samuel 8:12

Mana ginauna vavahi keha mae mala komanda ka kaisei thogha soldia, eghuteuna kehare mala komanda ka glimafulu soldia. Thumi ghotilore ginauna mala loku ka nagare manare, eghuteuna kehare ginauna mala tei hata gano ka nagare igre. Mare ginauna loku ka glepo mala magra baludi glepodi nogna chariot mana re.

Jajis 13:25

Eghuteuna kate au teu Samson Mahane-Dan, kaisei namono farihoteidi phei namono Sora ghe Estaol, Tharunga gna Lord na ne batuni Samson.

Ululahu Samuel 16:4

Aonu mae Samuel ne leghuni unha te chekeni Lord ka mana igne. Kate posa mana ka namono na, hatimare mae biꞌogna namono na filoni mae Samuel ne mhaghu nodi fara. Mare mei ne ghusna eghu ka mana, “Iagho mei ka pharikeli?”

Ululahu Kronikols 11:11

Igre nanghadi nogna soldia keli mana re: Ulu lahu na mae Jes-Baal ka vikegna mae Hakmon. Mae igne mae funeidi thilo mae soldia te rheta tulao. Ka kaisei magra na mana neke fada falehe thilo gobi soldia ka nogna goru na.

Ululahu Kronikols 12:17

Mae Devet jifla ne tei thafodi mare, ne cheke eghu ka mare, “Jame ghotilo te kheragu iara na, ghotilo mei mala togho ghau iara, iara ginauna kelitagu fara te mei ghotilo te loku fodu ka iara na. Nu ghotilo laseni, jame ghotilo mei te mala lisa lao ghau iara ka khamedi nogu naoka re, nodi God mae kuꞌeda ra ginauna laseni glepo igne, eghuteuna mana ginauna para ghami ghotilo.”

Ululahu Samuel 16:5

Mana ne cheke eghu ka mare, “Uve, iara mei ka pharikeli mala fafara ka Lord. Ghotilo fagae ghami themi ke ulugna Lord, eghuteuna ghotilo mei mala fafara balugu iara.” Mae Jesi baludi thugna re mare mala klino ke ulugna Lord. Aonu mana kilodi mare ne mei ka fafara igne.

Ululahu Samuel 24:12

Lord ginauna fate ghita tapa, mala laseni mae ihei ka tapa te jafra na! Nu snakreni Lord mala para nigho iagho eidi glepo te edi iagho ka iara igre, naugna iara ginauna theome eni kaisei glepo te mala goigoni nigho iagho na!

Ululahu Samuel 24:13

Iagho laseni cheke gna tifa igne, ‘Naikno te diꞌa na kolho te eni glepo te diꞌa na.’ Iara theome tangomana te eni kaisei glepo te diꞌa ka iagho.

Ululahu Samuel 24:16

Kate cheke te gnafa mae Devet cheke igre, mae Sol ne cheke eghu, “Thuguo Devet, naoglamu iagho site nomhini iara ignea?” Aonu mana ne tanhi fabiꞌo fara.

Fapea Kings 10:15

Mae Jehu jifla jare ne tei thafoni mae Jehonadab, thugna mae Rekab. Eghuteuna king ne kubae ka mana, ne cheke eghu, “Ba, tapa kaisei gaoghatho kolho?” Mae Jehonadab ne cheke eghu ka mana, “Uve.” Eghuteuna mae Jehu ne cheke eghu ka mana, “Keli fara! Kubae gho!” Aonu mae Jehu loku ka khamegna mana na ne korho haghe ka nogna chariot na.