Ululahu Kronikols 11:6 - Buka Blahi Ka Cheke Holo

⁶ Ka narane te uluni mae Devet namono biꞌo Jerusalem igne, mana ne cheke eghu ka nogna soldia re, “Mae ihei te kulu tei te mala magra ka vikegna mae Jebus, mana ginauna mala komanda ka nogu armi iara na!” Eghuteuna mae Joab thugna Seruia igne ne kulu haghe, aonu mana ne komanda ka nogna armi mae Devet.

Ululahu Kronikols 11:6 ပူးပေါင်းရင်းမြစ်များ

Fapea Samuel 8:16

Ka narane igre mae Joab thugna Seruia, mana mae komanda ka armi. Mae Jehosafat thugna mae Ahilud, mana mae mala reireghi nogna buka king.

Fapea Samuel 20:23

Ka narane tuana, mae Joab komanda ka armi gna Israel. Mae Benaea thugna mae Jehoeada, komanda ka soldia te mala reireghini king. Mae igne maegna Keret nei Pelet.

Fapea Samuel 3:27

Kate posa mei mae Abna ka namono na, mae Joab hatani mana ne tei ka grengathagna namono te bara ka thina biꞌo na. Mana jateula te magnahaghei te mala cheke pouporu balugna thegna ra eghu. Mae Joab hata naflahi na ne thoghi ka thiꞌagna mae Abna na. Aonu mae Abna ne lehe soru ka vido igne. Mana neke eni igne, naugna mae Abna neke faleheni mae Asahel.

Fapea Samuel 2:18

Thilo thugna Seruia igre jaola ne au ka magra igne. Mae Joab, mae Abisae, nei mae Asahel. Mae Asahel gne kaisei mae lase chari fara jateula deer eghu.

Ululahu Samuel 17:25

Mare ne kafe cheke eghu, “Ghotilo filoni mae ana, mana cheke fadiꞌa ghita tahati koba maeda Israel. King neke nhaꞌa chekehi te mala tusu lao kaisei taba biꞌo ka mae ihei te faleheni mae soldia gna Filistia tuana. Eghuteuna mana ginauna na jaola snakre lao thugna gaꞌase na mala tolaghi ka mana. Eghuteuna kmagna, thabusigna teu mana re ginauna theome mala foli takis.”

Fapea Samuel 2:13

Eghuteuna mae Joab, thugna Seruia igne jaola ne hata nogna armi mae Devet na ne tei thafodi mare ka kaisei grano ikoi jare Gibea. Mae Abna gnokro neu baludi mae soldiare ka gerigna grano igne. Eghuteuna mae Joab baludi nogna soldiare mei ne au ka keha phile grano na.

Ululahu Kings 1:7

Mana ne roghe baludi komanda Joab thugna Seruia ghe mae pris Abiata. Aonu phei mae igre ne kaisei gaoghatho balugna mana ne toghoni mana ka gaoghatho igne.

Ululahu Kronikols 11:5

Maedi Jebus te au ka namono igne diꞌatadi ne cheke eghu ka mae Devet, “Ghotilo theome tangomana te ruma mei ke lamnagna nomi namono ghehati igne!” Nu neuba, mae Devet ne uluni namono te rheta fara igne. Nanghagna namono igne Saion. Nu ke leghu na naiknore kiloni namono igne, “Nogna Namono biꞌo mae Devet.”

Ululahu Kronikols 11:7

Namono igne kaisei namono rheta fara. Eghuteuna kate uluni mae Devet namono igne, naiknore ne kiloni namono igne, “Nogna Namono biꞌo mae Devet.”

Ululahu Kronikols 18:15

Ka narane igre, mae Joab thugna Seruia igne, mana kaisei mae komanda biꞌo fara ka armi. Mae Jehosafat thugna Abihu igne, mana mala rioriso soru ka buka nogna cheke king.

Ululahu Kronikols 27:34

Ke leghugna te lehe mae Ahitofel na, mae Abiata ghe mae Jehoeada thugna mae Benaea, phiamare neke tughuni mae Ahitofel mala tusu ranghini king gaoghatho te keli. Mae Joab teke komanda ka nogna armi king na.

Nodi Khoje Hatimare Mae Jiu 60:9

God, ihei gne te nabagna te mala hata mei ghami ghehati ka namono biꞌo te au bara te maku igne? Ihei gne te nabagna te mala hata mei ghami ghehati ka namono Idom?