Ululahu Kronikols 11:10 - Buka Blahi Ka Cheke Holo

¹⁰ Lida te gnafa ka vike te gnafa Israel igre ne toghoni mae Devet mala king leghuni unha teke nhaꞌa chekeni Lord. King Devet ne au nogna soldia te keli, mae iheire te thofno toghoni mana te kaisei mae king rheta.

Ululahu Kronikols 11:10 ပူးပေါင်းရင်းမြစ်များ

Ululahu Kronikols 11:3

Aonu, lida te gnafa Israel igre ne kafe mei Hebron, eghuteuna mae Devet ne eni kaisei nhaꞌa cheke ka mare ke ulugna Lord. Mare tofa oel ka phaꞌugna mana na, fagaglanagna te king gna Israel mana na, jateula teke chekeni Lord ka Profet Samuel tifa ia eghu.

Ululahu Kronikols 12:38

Mae soldia igre kelitadi kolho te loku fodu ka nogna armi mae Devet. Mare ne kafe mei ka namono Hebron, eghuteuna mare ne kaisei gaoghatho ngala ka mae Devet te mala king gna Israel. Tutuani, naiknodi Israel te gnafa igre jaola ne au nafnata gaoghatho igne.

Fapea Samuel 3:21

Ke leghu, mae Abna ne cheke eghu ka mae Devet, “Nogu funei nei nogu king, iara ginauna tei kilodi hatimare mae Israel. Mare te gnafa na ginauna eni kaisei nhaꞌa cheke ka iagho. Eghuteuna iagho mala nodi king mare leghuni unha te magnahagheni iagho na.” Eghuteuna mae Devet ne cheke ranghidi nogna mae soldiare mala thosei eni kaisei glepo te diꞌa ranghini mae Abna. Gnafa teuna mae Devet neke kuru fapuloni mae Abna.

Ululahu Samuel 16:1

Aonu Lord ne cheke eghu ka mae Samuel, “Iagho diꞌanagnafani fabrahu mae Sol, nu iara theome magnahagheni mana te king gna Israel gognarona. Iagho hata oliv oel mala tei hironi mae Jesi ka namono Betlehem. Iara vavahi kaisei mae ka thugna mana ra, eghuteuna iagho tofa oel ka pha'ugna mana na mala king gna Israel.”

Ululahu Kronikols 12:23

Kate au teu mae Devet ka namono Hebron, kmana soldia te nheta ne mei loku fodu ka nogna soldia mana re. Mare ne toghoni mana mala king tughuni King Sol, leghuni unha teke nhaꞌa chekeni Lord. Mae igre te hata mare te mala tei ka magra na:

Ululahu Kronikols 28:1

Mae Devet ne fatei cheke ka hatimare mae biꞌodi Israel mala kafe mei Jerusalem. Mana ne kilo meidi goro mae funeidi vike te gnafa, nei komandadi nogna tothoghei armi king, nei keha komanda ka armi, nei goro mae biꞌo te fiofilodi nogna gobigna lepo mana re, nei goro mae biꞌo te fiofiloni nogna suga biꞌo, nei nogna hose, nei goro thugna, nei nogna soldia teu king te thofno nheta tulao.

Ululahu Kronikols 12:21

Mae soldia te nheta igre mei ne loku fodu ka mae Devet, eghuteuna mana ne vahidi mare mala komanda ka nogna soldia re. Mae igre te magridi nogna naoka mana re.

Ululahu Kronikols 12:24

Ka vikegna mae Juda, mare au namno thogha, nhana gobi soldia balu nodi greoreo nei goru mala magra.

Ululahu Kronikols 12:39

Mae soldia igre ne au thilo narane Hebron balugna mae Devet. Kheradi mae igre ne tarabana kmana gano nei khoꞌu eghu, eghuteuna mare ne ei gaghamu biꞌo nabagna thilo narane.

Ululahu Kronikols 27:1

King Devet ne fofota nogna armi na ka nabotho phei tothoghei, eghuteuna varadaki fati thogha soldia te au ke lamnagna kaisei tothoghei na. Tothoghei igre au nodi komanda, mae biꞌo nei lida mala loku ranghini king. Leuleghu nhigra na kaisei tothoghei armi kolho te loku na.