Ululahu Kronikols 10:4 - Buka Blahi Ka Cheke Holo

⁴ Aonu mae Sol ne cheke ka mae majaghani te pala nogna glepo mala magra mana re, ne cheke eghu ka mana, “Iagho hata nou naflahi mala magra na mala aknu falehe ghau iara. Glahu mei goigoni ghau nei aknu falehe ghau eghu iara mae Filistia te mae bongihehe igre.” Nu mae majaghani igne ne mhaghu nogna fara, ne theome leghuni nogna cheke mae Sol igne. Aonu mae Sol ne hata nogna naflahi mala magra na ne uka soru ke kligna gna ne faleheni thegna.

Ululahu Kronikols 10:4 ပူးပေါင်းရင်းမြစ်များ

Ululahu Samuel 31:4

Aonu mae Sol ne cheke eghu ka mae majaghani te pala nogna glepo mala magra mana re, “Iagho atha nou naflahi mala magra na mala aknu falehe ghaula iara. Theome keli te au teu iara agne te mei mae bongihehedi Filistia igre te mei maꞌe ghau nei falehe ghau teu iara na.” Nu mae majaghani igne ne thono mhaghu nogna fara, ne theome leghuni unha te chekeni mana na. Aonu mae Sol ne korho fajifla nogna naflahi mala magra thegna na ne uka soru ke kligna gna ne lehe.

Mae Khuru 16:27

Kate dofra haghe te filodi grengatha te thora re, mana ghathodi mae sosolore la kafe rikhahi. Aonu mae greireghi suga sosolo na hata naflahi na ne magnahaghei faleheni thegna. Naugna mana laseni, mae biꞌo re ginauna faleheni mana, eigna mana ne snakredi mae sosolore ne rikha.

Mae Khuru 1:18

Mae Judas gne neke foli kaisei vido glose ka sileni teke hata mana ka glepo te diꞌa teke eni mana na. Eghuteuna ka vido glose tuana mae Judas uka neke brisna thi'agna na neke thofa ka glose tuana neke lehe.

Ululahu Kronikols 10:5

Eghuteuna kate filoni tela lehehi mae Sol na, mae majaghani igne jaola ne hata nogna naflahi mala magra na ne uka soru thegna ke kligna gna ne lehe balugna Sol.

Ululahu Kings 16:18

Ka narane igre mae Simri au neu Tiasa, eghuteuna kate laseni mana tela hatahila mare namono igne, mana rikha ne tei ruma ka nogna suga biꞌo king na ne gnubra suga igne ne lehe jare.

Fapea Samuel 17:23

Kate laseni mae Ahitofel te theome leghuni mare nogna cheke na, mana saghe ka nogna dongki na neke pulo ka nogna namono na. Kate fadoglidi te gnafa tharakna gna nei nogna bisnis teure, mana froro ne lehe. Tharakna gna mana re hata thinigna mana na ne giugilui ka nodi beku thedi na.

Fapea Samuel 1:20

“Thosei toutonu ka namono Gat! Thosei eha leghu nabrou ka namono Askelon! Te eghu ghotilo na, goro gaꞌasedi Filistia are ginauna keli tadi fara. Uve, thudi gaꞌase mae bongihehe di Filistia igre ginauna gleale'a.

Ululahu Samuel 17:36

Iara neke falehedihi lion nei bea teu tuare. Eghume, iara ginauna na jateula tuana eghu faleheni mae bongihehe tuana, naugna mana ne cheke faparini nogna armi God mae ihei te karha na.

Ululahu Samuel 17:26

Aonu, mae Devet ne ghusna eghu ka mae soldia te kegra teu rhegna mana igre, “Jame kaisei mae te faleheni mae soldia gna Filistia igne te mala atha fadelei mamaja igne ka mae Israel igre na, unha nate atha mana na? Tahati nogna armi God mae ihei te karha. Mae soldia tuana kaisei mae bongihehe kolho, mana theome laseni God, mana theome nabagna te cheke fadiꞌa ghita tahati na.”

Ululahu Samuel 14:6

Aonu, mae Jonatan ne cheke eghu ka mae soldia majaghani te au balugna na, “Tapa ginauna tei salaꞌu ka keha phile gno mala ari posa ka mae bongihehe te theome vahe are. Glahu togho ghita Lord. Eghuteuna jame te togho ghita mana na, neubane tapa kolho, ba tahati kmana, theo kaisei glepo nate fanograni Lord te mala uluni tapa magra igne.”

Jajis 16:21

Aonu maedi Filistia igre mei ne lokini mana ne bilo koko phei tathagna mana re. Mare ne hata tei mana Gasa. Ka namono igne, mare ne haruni mana ka chen biꞌo teke horo ka bras, nei liseini mana ka suga sosolo. Eghuteuna nogna gloku mana na mala figri thina biꞌo mala ghorhu wit mala ei flaoa.

Jajis 15:18

Samson roi koꞌu, eghuteuna mana ne tanhi eghu ka Lord, “Lord, God! Iagho togho ghau iara neke uludi soldia di Filistia, ba iagho magnahaghei ghau iara te lehe ka khamedi naikno bongihehedi Filistia igre?”

Jajis 9:54

Mana ghosei ne cheke ka nogna soldia te mala pala nogna glepo mala magra mana re, ne cheke eghu ka mana, “Hata nou naflahi mala magra na mala aknu falehe ghau iara! Glahu cheke eghu mare, ‘Kaisei gaꞌase kolho teke faleheni mae funei igne.’ ” Aonu soldia majaghani igne hata naflahi mala magra na ne aknu faleheni mana.

Fapea Samuel 1:6

Mae majaghani igne ne cheke eghu, “Iara au neku ka Thogele Gilboa neke filoni King Sol kabru ghegna fara ghiu lao teu ka nogna goru na. Eghuteuna iara jaola neke filodi mae Filistia te saghe ka chariot, nei ka hose teu igre ne mei rhegna mae Sol.

Ululahu Kronikols 10:3

Magra igne raꞌe ne rheta fara ka vido aheva te au teu mae Sol igne. Keha maedi Filistia ne fada jatani mana ne thofno ghoreho fadiꞌa fara.