Ululahu Kronikols 10:2 - Buka Blahi Ka Cheke Holo

² Nu soldiadi Filistia igre ne ngolhini King Sol baludi thilo mae thugna re ne ghilei tei hata ne aknu falehedi thilo thugna mana igre: mae Jonatan, mae Abinadab nei mae Malkisua.

Ululahu Kronikols 10:2 ပူးပေါင်းရင်းမြစ်များ

Ululahu Kronikols 9:39

Mae Ner na kmagna mae Kis, eghuteuna mae Kis na kmagna mae Sol. Mae Sol neke au fati thugna nalhaꞌu, mae Jonatan, mae Malkisua, mae Abinadab, nei mae Es-Baal.

Ululahu Kronikols 8:33

Mae Ner na kmagna mae Kis, eghuteuna mae Kis na kmagna mae Sol. Mae Sol neke au fati thugna nalhaꞌu, mae Jonatan, mae Malkisua, mae Abinadab, nei mae Es-Baal.

Fapea Kings 25:7

Mare filo neu mae Sedekaea ne aknu falehe thugna mana re. Eghuteuna mare ne bilo koko phei tathagna mae Sedekaea re, aonu mare ne haru phei khamegna manare ka chen hata ne tei Babilonia.

Fapea Kings 23:29

Ka narane te king mae Josia igre, Fero Neko king gna Ijep neke haghe ka Khoꞌu biꞌo Iufretis mala toghoni king gna Asiria. King Josia jifla balugna nogna armi na mala magra ka Neko, nu Neko neke faleheni mana ka namono biꞌo Megido.

Ululahu Samuel 14:49

Thugna mae Sol re igre, mae Jonatan, mae Isvi nei mae Malkisua. Eghuteuna phei thugna gaꞌase mana re neke, Merab, ghe Mikal.

Ululahu Samuel 14:6

Aonu, mae Jonatan ne cheke eghu ka mae soldia majaghani te au balugna na, “Tapa ginauna tei salaꞌu ka keha phile gno mala ari posa ka mae bongihehe te theome vahe are. Glahu togho ghita Lord. Eghuteuna jame te togho ghita mana na, neubane tapa kolho, ba tahati kmana, theo kaisei glepo nate fanograni Lord te mala uluni tapa magra igne.”

Eksodas 20:5

Thosei tuturupuku soru tarai ka mumuju god nei keha tothoghaledi keha god delei. Naugna kaisei Iara ngala nou Lord nei God teu ghotilo te mala loku ranghini na. Iara ginau na theome keli tagu ka naikno te tuturupuku soru te tarai ka mumuju ba tothoghale igre. Jame te theome magnahaghei ghau iara ghotilo na, iara ginau na para ghami ghotilo eigna u nakhibo te eni ghotilo tuana. Theome ka ghotilo kolho eghu, nu iara ginau na jaola na paradi goro thumi, grami nei fapea grami teu ghotilo are.

Ululahu Samuel 31:2

Nu mae soldia di Filistia igre ne ngolhi leghuni mae king Sol baludi thilo mae thugna mana re, mae Jonatan, mae Abinadab nei mae Malkisua, ne tei aknu falehe thilo thugna mana re.

Ululahu Kronikols 10:3

Magra igne raꞌe ne rheta fara ka vido aheva te au teu mae Sol igne. Keha maedi Filistia ne fada jatani mana ne thofno ghoreho fadiꞌa fara.