Ululahu Kronikols 1:4 - Buka Blahi Ka Cheke Holo

⁴ Mae Noa na neke kmadi mae Sem, mae Ham nei mae Jafet.

Ululahu Kronikols 1:4 ပူးပေါင်းရင်းမြစ်များ

Jenesis 5:32

Kate karha te salaꞌuni mae Noa glima gobi finogha na, mana ne au thilo thugna nalhaꞌu, Sem, Ham nei Jafet.

Jenesis 9:18

Igre nanghadi thilo thugna mae Noa re, mae Sem, mae Ham nei mae Jafet. Thilo mae igre neke au balugna mae Noa ka vaka na. Mae Ham gne kmagna mae Kenan.

Fapea Pita 2:5

Tifa na neke jaola, mae Noa neke cheke ka naiknore eigna puhi te doglo na. Eghuteuna kate huhughu fara naikno te diꞌa igre, God neke paradi nei kuru meini kaisei nabritha biꞌo mala falehedi. Nu mae Noa nei fitu naikno balugna eghu ngala teke karha na.

Hibru 11:7

Mae Noa fatutuani ni God neke leghuni God ka teke cheke mana eigna u nabritha. Neubane theome filodi unha nate thoke mei ginauna, mana ne leghuni God ne hohoro kaisei mola biꞌo mala fakarhini thegna nei tharakna. Kate eni igne, mana falalase naiknogna nauthoglu gne diꞌa fara. Eghuteuna jaola God te chekeni na mae Noa gne kaisei mae doglo fara ke ulugna God naugna mana ne fatutuani.

Luku 17:26

“Kate mei iara na, ginauna jateula teke eni ka narane gna mae Noa tifa ia eghu.

Luku 3:36

Mae Sela gne neke thugna mae Kainan. Mae Kainan gne neke thugna mae Afasad. Mae Afasad gne neke thugna mae Sem. Mae Sem gne neke thugna mae Noa. Mae Noa gne neke thugna mae Lamek.

Profet Esikiel 14:14

Neuba thilo mae igre, mae Noa, nei mae Danel, nei mae Job au balumi ghotilo ka narane igre, nu puhidi thilo mae te doglo igre ginauna fakarhidi kolho nakarhadi thedi re. Igne nogu cheke iara Lord.

Jenesis 9:29

Mae Noa karha neu ne thokeni nheva gobi glima fulu finogha neke lehe nga.

Jenesis 7:1

Aonu Lord ne cheke eghu ka mae Noa, “Ghema Noa, te laseni iara na, kaisei iagho gne ngala te doglo fara puhimu na ka gaꞌase nei nalhaꞌu eghu te au iagho baludi ka nauthoglu na igre. Eghume iagho tei saghe ka vaka na balugna tharaknamu na.

Jenesis 9:19

Thilo mae igre neke thugna mae Noa, eghuteuna naikno te gnafa te au ka nauthoglu igne neke jifla mei ka thilo mae igre.

Ululahu Kronikols 1:3

Mae Jaret na kmagna mae Enok, mae Enok na kmagna mae Metusela, mae Metusela na neke kmagna mae Lamek, mae Lamek na neke kmagna mae Noa.

Ululahu Kronikols 1:5

Nanghadi thugna mae Jafet re, neke mae Goma, mae Megog, mae Madae, mae Javan, mae Tubal, mae Mesek nei mae Tiras.

Jenesis 10:1

Igne thoutonudi vike teke karha ka thilo thugna mae Noa re, mae Sem, mae Ham nei mae Jafet. Vike igre neke karha mei ka thilo mae thabusigna igre ke leghugna nabritha biꞌo na.