Ululahu Kronikols 1:17 - Buka Blahi Ka Cheke Holo

¹⁷ Eghuteuna thugna mae Sem re, neke mae Elam, mae Asuru, mae Afaksad, mae Lud, mae Aram, mae Us, mae Hul, mae Geta nei mae Mesek.

Ululahu Kronikols 1:17 ပူးပေါင်းရင်းမြစ်များ

Profet Hosia 14:3

Hatimare maedi Asiria theome tangomana te fakarhi ghami ghehati na. Eghuteuna hose te mala magra igre jaola theome tangomana te togho ghami na. Ghehati ginauna na theome cheke eghu ka mumuju teke hohoro kolho themi igre, ‘Ghotilo nomi god ghehati teuna.’ Lord, kokhoni ghami, naugna ghehati gne jateula sua glehe kokoi eghu theo ihei te mala togho ghami na.”

Profet Esikiel 32:24

“Mae soldia funudi Elam igre jaola teihi pari ka nodi namono mae te lehe ra. Mae iheire te lehe ka magra ra nodi bekure au lithui jare. Kani karhadi tekure mae igre neke famamhaghudi fara naiknore, eghuteuna gognarona mare lehe jateula khuma mata eghu kolho, eghuteuna thuru soru ka beku igre. Mare mamaja jateula mae iheire jaola teke lehe ka magra ra eghu.

Profet Esikiel 32:22

“Maedi Asiria jaola soruhi ka namonodi mae teke lehe ra. Mae iheire teke lehe ka magra ra nodi bekure au lithui jare, eghuteuna mare thofno thuru pari lahu lamna ka nodi namono mae te lehe ra. Kani karhadi tekure mae igre neke thono famamhaghudi fara naiknore, mare lehe ka magra eghuteuna thuru soru ka beku igre.

Profet Esikiel 27:23

“ ‘Maedi ka namono Haran, nei Kane, nei Iden, nei mae bisnis di Seba, nei phei namono Asua ghe Kilmad, mae te gnafa igre ei bisnis balumu iagho.

Profet Esikiel 27:10

“ ‘Maedi ka kantri Pesia, nei Lidia, nei Libia eghu te soldia ka nomi armi ghotilo re. Mae igre fagefe haghe nodi greoreo nei nodi khepi mala magra teure leghu gringni na mala famane fifilodi re.

Profet Jeremaea 25:25

nei king di Simri, Elam nei Media,

Profet Isaia 66:19

“Mare ginauna laseni te fakakhana iara glepo igre mala filoni mare. Nu iara ginauna kurudi iheire te karha nga teu igre mala tei ka kantri te khaba igre: Spen, Libia, nei Lida aheva te au mae iheire te lase magra ka phaloho, nei jare Tubal nei Gris, aheva naiknore theome nomhini ngau nanghagu iara na, nei jaola theome filoni ngau naphaegna nogu nolaghi biꞌo iara na. Eghuteuna mare ginauna toutonuni nogu nolaghi biꞌo iara na.

Profet Isaia 22:6

Hatimare mae soldiadi Elam, mare saghe ka chariot balu nodi phaloho nei jata. Soldiadi ka namono Kira igre, mare hata nodi greoreo re tarabana mala magra.

Profet Isaia 21:2

Lord neke fakakhana mei ka iara kaisei mifi. Ka mifi igne iara neke filodi naikno te majora, naikno te chaichaghi, nei edi puhi te thono diꞌa fara ranghidi keha naiknore. Aonu iara ne nomhini Lord na ne cheke eghu, “Ghotilo armi gna kantri Elam, ghotilo tei magra Babilonia! Ghotilo armi gna Media, ghotilo tei kegra ligohodi nodi namono phei kantri tuare mala theome tangomana mare te jifla na! Iara ginauna fahuini nafnata puhi te eni koba naiknodi Babilonia te fadiꞌa nagnafadi, nei fatanhidi teu keha naiknore.”

Profet Isaia 11:11

Ka narane tuana, Lord ginauna fakakhana nogna nolaghi na mala ke hata fapulo nogna naiknore ka nodi thofno namono re, naikno te au teu Asiria, Ijep, Sudan, Elam, Babilonia, Hamat nei ka moumolu te au ka nhorora Mediterenian.

Nodi Khoje Hatimare Mae Jiu 83:8

Eghuteuna naiknodi Asiria gre jaola neke loku fodu baludi mare, naugna mare kaisei phile ka vikegna mae Amon nei naiknodi Moab iheire teke vikegna mae Lot.

Esra 4:2

Aonu mae naoka igre tei ne filoni mae Serubabel baludi phaꞌu maedi tharaknadi mare re, ne cheke eghu, “Ghehati ginauna loku balumi ghotilo ka gloku igne, naugna ghehati jaola tufru sorunila nomi God ghotilo gne. Ghehati fafara ka mana funu ka narane King Esahadon gna Asiria, mana neke snakredi kuꞌemi ghehati ra neke au agne tifa na.”

Naba 23:7

Aonu mae Balam ne cheke fajiflani u nonomho igne, “Mae funei Balak na neke atha fajifla ghau iara funu Siria mala mei agne neku. Mana cheke ka iara mala tibridi iara tharakna gna mae Jekob na. Mae funei gna Moab na neke atha fajifla ghau iara funu ka thogele ke maghati. Mana cheke ka iara mala cheke fadiꞌadi naiknodi Israel re.

Jenesis 14:1

Mae Bera neke king ka namono Sodom, eghuteuna mae Bosa neke king ka namono Gomora, eghuteuna mae Sina neke king ka namono Atma, eghuteuna mae Simeba neke king ka namono Siboim, eghuteuna mae Kedolaoma neke king ka kantri Elam. Mae Kedolaoma gne neke mae biꞌo lahu ka hatimare keha mae king gre, eghuteuna mae king gna Bela gne mana jaola neke loku ke parigna mana. Keha nanghagna na namono Bela gne Soa. Hatimare mae king igre mare neke loku ke parigna mae king Kedolaoma nabagna nabotho phei finogha, eghuteuna kate ari te khaputu nabotho thilo finogha re keha mae king gre ne tirodi leghuni chekegna mae King Kedolaoma na. Aonu kate ari te khaputu nabotho fati finoghare mae king Kedolaoma ne ehadi thilo mae kheragna fofodu re, mae Amrafel, mana mae king gna ka kantri Babilonia, mae Ariok, mana mae king gna ka kantri Elasa, eghuteuna mae Tidol, mana mae king gna ka vikegna Goim. Fati mae king igre mare ne hata baludi nodi mae armi re ne tei magra ka vikegna mae Rafa te au ka namono Astarot Kanaim, mare ne uluni magra igne. Mare jaola ne magra ka vike Sus te au ka namono Ham nei vike Emim te au rhegna namono Kiriataem, nei vike Ho te au ka thogele Seia ghilei tei posa El Paran rhegna namono nagou na. Ke leghugna igne mare figri neke pulo ka namono Kades. Namono Kades gne nangha ulu lahu gna na En-Mispa eghuni. Eghuteuna mare mei ne magra ka vike mae Amalek te au ka vido tuana nei ka vike mae Amo te au ka namono Hasason Tama. Mare jaola ne uludi magra igre. Aonu ka narane tuare hatimare mae king di Sodom, Gomora, Adma, Seboim nei Bela teu igre ne kaisei salo fodu nodi armi re ne jifla ne tei ka sare Sidim. Jare hatimare glima mae king gre ne tarabana ne jajagha ne haghe baludi nodi tothoghei armi re mala magra ka mae Kedolaoma nei thilo mae kheragna fofodu re. Aonu nodi armi glima mae king gre ne magra baludi nodi armi hatimare fati mae king gre.

Jenesis 11:10

Igne susurei eigna tharaknagna mae Sem na. Phei finogha ke leghugna nabritha biꞌo na, mae Sem ne thokeni kaisei gobi finogha ne au kaisei thugna nalhaꞌu nanghagna na mae Apaksad. Mae Sem neke au keha thugna neke lehe nga kate thokeni namno gobi finogha gnahi na.

Profet Daniel 8:2

Ka mifi igne, iara kegra neu ke lamna bara ka namono biꞌo Susa ka provins Elam, eghuteuna iara kegra neu rhegna khoꞌu Ulai.

Luku 3:36

Mae Sela gne neke thugna mae Kainan. Mae Kainan gne neke thugna mae Afasad. Mae Afasad gne neke thugna mae Sem. Mae Sem gne neke thugna mae Noa. Mae Noa gne neke thugna mae Lamek.

Ululahu Kronikols 1:16

mae Avad, mae Semari, nei mae Hamat.

Ululahu Kronikols 1:18

Mae Afaksad gne neke kmagna mae Sela, eghuteuna mae Sela gne neke kmagna mae Eba.

Jenesis 10:21

Mae Sem gne neke mae ke biꞌogna mae Jafet. Mae Sem neke au thugna, eghuteuna mana jaola neke kuꞌedi thugna mae Eber re.