Ululahu Korin 9:9 - Buka Blahi Ka Cheke Holo

⁹ Uve, te risoni ka nogna vetula mae Moses na cheke eghu, “Thosei haru foflogna buluka na mala lhotini te ghamu kate tapla naꞌa ke kligna wit na.” Ba, kate chekeni igne, God neke ghathoni eigna buluka kolho? Theo.

Ululahu Korin 9:9 ပူးပေါင်းရင်းမြစ်များ

Diutronomi 25:4

“Jame hata te mei ghotilo buluka na te nolo ka phaꞌudi wit te mala koko kunedi sisi wit igre na, ghotilo thosei fofotho foflogna buluka igne, ghotilo lisani mala ghamu ka keha wit igre.”

Ululahu Timoti 5:18

Eigna te chekeni ka grioriso te blahi na cheke eghu, “Thosei haru foflogna buluka na mala lhotini te ghamu kate tapla naꞌa ke kligna wit na.” Eghuteuna grioriso te blahi na jaola cheke eghu, “Mae gloku na naba te hata nogna taba.”

Nodi Khoje Hatimare Mae Jiu 104:27

Kate rofo na, glepo igre filo ari ka iagho te mala fei ghedi na.

Profet Jona 4:11

Gaju te kokhoni nouni iagho igne thono ikoi fara. Nu namono Ninive igne thono biꞌo fara, salaꞌuni kaisei gobi varadaki thogha naikno te au tagna na. Gaoghathodire jateula sua te theome laseni unha te keli ba unha te diꞌa teura eghu, eghuteuna kmana buluka jaola au ke lamnagna namono biꞌo igne. Ba, te ghathoni iagho na theome naba iara te mala kokhonidire?”

Diutronomi 5:14

Nu ka fafitu narane na, narane Sabat, narane mala cheke fakelini Lord, nomi God. Ka narane igne, ghotilo ginauna thosei loku tagna. Ghotilo, nei thumire, nei nomi mae gloku, nei gaꞌase gloku, nei nomi buluka nei dongki, nei nomi sipu, nei naikno phosa te au balumi. Ghotilo te gnafa na thosei loku ka narane igne. Ka puhi igne nomi naikno gloku ghotilo re jaola tangomana te gnafa jateula ghotilo eghu.

Proveb 12:10

Mae te keli na reireghidi nogna buluka, sipu, nanigot, ba hose. Nu mae te diꞌa na paradi nogna glepo igre.

Letas Teke Riso Tei Mae Pol Ka Khiloau Rom 4:23

Cheke te, “God filoni mae Ebraham jateula kaisei mae te doglo teu igne,” theome cheke eigna mae Ebraham kolho.

Profet Isaia 28:28

Kate hata flaoa ka wit te mala eni bret na, mana na theome ghorhu wit igne ghilei theo nafugna. Mana magnahaghei te kotu gano te keli, nu mana theome magnahaghei te goigoni gano na ame ghamu nga teuna.