Ululahu Korin 9:7 - Buka Blahi Ka Cheke Holo

⁷ Ka nogu puhi iara te mala hiro sileni, filo si ghotilo: theo kaisei mae soldia te loku ka armi te mala folini thegna nogna taba na. Eghuteuna jaola theo kaisei mae te loku ka nagare, eghuteuna theome ima keha sisi thegna teuna. Ba, kaisei mae te reireghi sipu te hata keha milk te mala koꞌu thegna na.

Ululahu Korin 9:7 ပူးပေါင်းရင်းမြစ်များ

Proveb 27:18

Te reireghi ni gaju te au sisigna na, iagho ginauna ghamu fuꞌa gna na. Te reireghini nogna funei na, iagho ginauna hata nafnakno biꞌo.

Diutronomi 20:6

Eghuteuna jame ao ngala joꞌu ngau nagare grep na, nu mana theome ukli ngau ghegna sisi saro ulu na, te eghu na mana ke pulo ka namono. Glahu lehe ka magra eghuteuna keha maei na teke glealeꞌa ka sisigna na.

Ululahu Timoti 1:18

Uve thuguo Timoti, cheke te edi iara igre leghudi kolho nodi cheke hatimare mae profet teke cheke eimu iagho tifa ia. Iagho famane leghudi farirhiu igre mala togho nigho nei magridi eghu puhi diꞌa fateo ka nauthoglu igne.

Mae Khuru 20:28

Eghume filo fakeli ghami themiu, baludi naikno te gnafa teke lisa ari mala reireghidi ghotilo teku mae Tharunga te Blahi are. Ghotilo mala jateula mae greireghi sipu eghu mala reireghi fakelini nogna khiloau God teke fofoli ka glehegna mae Thugna ia.

Famane Khoje 8:12

Solomon, iara kelitagu mala tathaji iagho kaisei thogha silva mala nou iagho, eghuteuna iara jaola kelitagu ka mae igre mala tathaji mare phei gobi silva mala nodi mare. Naugna iara au kaisei nogu nagare mala nogu iara thegu!

Proveb 27:27

Eghuteuna ginauna nanigot are tangomana te hata kmana milk nabagna tharaknamu na baludi nou gaꞌase glokure.

Ululahu Pita 5:2

reireghi fakelidi naikno khiloau are jateula mae mala reireghi sipu eghu. Theo kaisei naikno te huhuru ghami te mala eni gloku igne. Nu, ghotilo sasaꞌa mala reireghi fakeli, naugna igne teke magnahagheni God mala eni ghotilo teku na. Theome keli te eni ghotilo gloku igne te mala hata nomi sileni kolho na. Theo. Ghotilo mala loku ka gloku igne naugna ghotilo gleale'a fara te mala toghodi naiknore.

Fapea Timoti 4:7

Ka nogna gloku blahi God na, iara neke hati nhetagu na jateula kaisei mae te mala chari ka fangenghele te biꞌo na ia eghu. Eghuteuna iara gognaro na thokehi ka narane mala gnafagna u fangenghele na te loku famaku teu iara nogu fatutuani gne.

Ululahu Timoti 6:12

Fariuriu fara nakarhamu ka khiloau gne mala au fakeli, jateula mae ihei te fariuriu chari te mala ulu ka fangenghele ia eghu. Ghaoghatho heta eigna iagho la hatahi nou taba u karha fei tifa na. God neke kilo nigho mala hata karha tuana. Eghuteuna iagho neke cheke thakleni nou fatutuani biꞌo eigna mae Kraes ke uludi kmana naikno te nomhini.

Profet Isaia 7:22

Thilo glepo igre kolho nate hata milk mana tadire. Naugna iheire nate au faleghu teu ka namono igne na, mare ginauna theo ghedi gano. Nu mare ginauna au ghedi kmana milk te mala koꞌu na, nei jurukuli eghu, naugna theome kmana naikno te au ka glose igne na.

Diutronomi 18:8

Eghuteuna mana tangomana te au thufagna ka gano teke fafara re jateula keha mae pris gre eghu, neuba mana ne hata thotogho ka kheragna re.”