Ululahu Korin 9:6 - Buka Blahi Ka Cheke Holo

⁶ Jaola, mae khuru gre theome loku sileni. Nu ghepa mae Banabas loku mala togho ghami themi. Ba, ghepa ngala?

Ululahu Korin 9:6 ပူးပေါင်းရင်းမြစ်များ

Ululahu Tesalonika 2:9

Uve, kheraguro, ghotilo lase ghamihi ghehati loku heta fara bongi narane mala foli unha te nabami themi. Naugna ghehati theome magnahagheni te eni kaisei puhi biꞌo ka ghotilo kate toutonuni Nonomho te Keli gne.

Mae Khuru 18:3

mae Pol ne au ka repa ne loku baludi repa. Naugna nodi gloku retilo na mala susuki tapuale.

Mae Khuru 4:36

Jare kaisei mae khiloau ka vikegna mae Livae, nanghagna na mae Josep, mana neke karha ka moumolu te kiloi Saeprus. Mae khurure kiloni mana, mae Banabas, u gaoghathogna na, mae mala blakno eghu. Mana fofoli nogna vido glose na. Kate hata sileni na, mana leghuni puhi te mala tufa na ne tusu ranghidi hatimare mae khuru.

Mae Khuru 14:12

Naiknore ne funu kiloni mae Banabas, “Sus”, nanghagna nodi god biꞌo mae Griki. Eghuteuna kiloni mae Pol, “Hemis”, nanghagna keha nodi god la mae Griki. Naugna mana mae mala cheke.

Mae Khuru 11:22

Nonomho eigna igne ne tei thoke ka naikno khiloau gna Jerusalem. Aonu mare ne kuruni mae Banabas mala tei Antiok te mala toghodi.

Mae Khuru 13:50

Nu goro mae biꞌodi Jiure ne cheke faheta ka goro mae biꞌo nei goro nakrupe eghu gna nohi tuana mala thosei leghudi mae Pol ghe mae Banabas. Mare ne funu eꞌei puhi biꞌo ranghidi mae Pol ghe mae Banabas ne brue fajifladi phiamare ka nodi nohi na.

Ululahu Korin 11:16

Jame ihei te magnahaghei fapoaphola eigna igne, iara na cheke eghu, “Ghehati baludi nogna khiloau God gre, theome au keha nabrou aheva nga te mala leghui na.”

Fapea Korin 11:8

Kate loku iara ke lamnami ghotilo na keha khiloau ka namono ke kosigna Korin are teke foli ghau iara na, eghume iara jateula te blaudi eghu mare te mala togho ghami ghotilo na.

Fapea Kings 6:2

Te keli na iagho snakre ghami ghehati mala tei kato thaba ka geri khoꞌu Jordan mala horo keha suga na.” Eghuteuna mana ne cheke eghu ka mare, “Keliu kolho, tei si ghotilo.”

Nehemaea 10:36

“Eghuteuna ghehati ginauna hata mei ka hatimare mae pris thumi nalhaꞌu teke kulu karha, nei buluka teke kulu karha, nei sipu teke kulu karha, nei nomi nanigot, mala fablahidi, leghuni unha te chekeni ka vetula na.