Ululahu Korin 9:5 - Buka Blahi Ka Cheke Holo

⁵ Eghuteuna jame magnahagheni iara na, iara jaola tangomana te hata kaisei gaꞌase khiloau te mala tei balugu ka nogu gloku na, jateula te edi keha mae khurura eghu, hatimare mae thabusigna Lord, nei mae Pita teu ra neke eni igne.

Ululahu Korin 9:5 ပူးပေါင်းရင်းမြစ်များ

Jone 1:42

Mae Aduru hatani mae Pita ne tei ka mae Jisas. Mae Jisas ne filo ka mae Pita ne cheke eghu ka mana, “Gognarona nanghamu iagho na mae Simon, thugna mae Jone, eghuteuna ginauna mare na kilo nigho iagho mae Sifas.” Nangha igne gaoghathogna na “mae Pita” ba “thina.”

Matiu 8:14

Mae Jisas tei ne ruma ka suga mae Pita na. Mana filoni nanghogna mae Pita na fogra thuru neu ka sape na.

Hibru 13:4

Naikno te gnafa gre mala ghatho tahuni puhi tholaghi na. Mae tholaghi nei gaꞌase tholaghi teure mala reireghidi thedi jateula teke nhaꞌa cheke thedi repa ia eghu, naugna God ginauna na fatedi naikno te theome leghuni vetula gna tholaghi na baludi iheire te eni tafri puhi te diꞌa are.

Galesia 1:19

Nu ka narane igre iara neke theome filodi keha mae khurure kaisei mae Jemes tahigna Lord kolho teke filoni iara na.

Ululahu Korin 7:39

Gaꞌase tholaghi na mala au fabrahu balugna khetogna na. Nu jame te lehe khetogna na, naꞌa tangomana teke tolaghi ka ihei te magnahagheni naꞌa na, eghu jame te kaisei mae khiloau mana na.

Ululahu Korin 7:7

Ka gaoghathogu iara na, iara magnahaghei ghami ghotilo hui te mala au jateula iara eghu mala theome tolaghi kolho. Nu God neke tusu ranghi ghita soasopai khokofakasai. Kaisei mae hata keha nafnata khokofakasai na, eghuteuna keha mae na hata keha nafnata khokofakasai na.

Mae Khuru 1:14

Mare te gnafa na ne kaisei salo fodu ne tarai fabrahu baludi goro gaꞌase, nei Meri idogna mae Jisas, nei hatimare mae thabusigna mae Jisas re.

Taetus 1:6

Igne u nafnata naikno te mala vavahi iagho te mala baubatu kau khiloau na. Nu mae ihei te vavahi iagho na, mana mala kaisei mae te thono keli fara puhigna na, nu naiknore theome tangomana te filo deni kaisei najafra ka mana. Mana jaola mala tolaghi ka kaisei gaꞌase kolho. Eghuteuna thugna mana re mala fatutuani ni mae Jisas Kraes. Theome mala eni kaisei puhi te diꞌa, ba lalama ba huhughudi idodi kmadire.

Ululahu Timoti 5:2

eghuteuna khaekave are jateula idomu eghu. Eghuteuna thau majaghani are jateula greghamu eghu kolho. Iagho eni igne ka thau majaghani are ka thofno puhi te doglo.

Ululahu Timoti 3:2

Eghume mae ihei te mala baubatu ka khiloau na mana mala kaisei mae doglo fara, eghuteuna theo kaisei naikno te filoni kaisei najafra ka mana na. Mana mala tolaghi ka kaisei gaꞌase ngala eghuteuna tangomana te mala reireghi fakelini thegna. Mana theome mala ghosei diꞌatagna, nu mana kaisei mae mala au doglo fabrahu. Eghuteuna mana tangomana te mala reireghi fakelidi naikno te posa mei ka sugagna na, eghuteuna mala laseni puhi farirhiu na.

Ululahu Korin 7:15

Jame kaisei naikno theome fatutuani ni Kraes, eghuteuna magnahaghei koko khetogna te fatutuani ni Kraes na teuna, keli kolho te snakre teini na. Jame te eghu na, thabusida ba greghada ka Kraes tuana na snagla ka puhi tholaghi na. Nu te tangomana na, repa au fodu naugna God neke kilo ghita mala au ka pharikeli.

Ululahu Korin 1:12

Igne gaoghathogna unha te chekeni iara na. Keha mae cheke eghu, “Iara nogna mae Pol.” Kehare cheke eghu, “Iara nogna mae Apolosi.” Kehare cheke eghu, “Iara nogna mae Pita.” Eghuteuna kehare cheke eghu, “Iara nogna mae Kraes.”

Letas Teke Riso Tei Mae Pol Ka Khiloau Rom 16:1

Iara magnahaghei te chekeni ka ghotilo eigna greghada Febi kaisei thau keli fara. Naꞌa loku mala toghodi naikno khiloau ka namono Kenkria.

Jone 2:12

Ke leghugna igne mae Jisas ne tei baludi idogna, thabusigna nei nogna mae fanomhore. Eghuteuna mare ne kafe au jare keha narane.

Luku 6:15

mae Matiu ghe mae Tomas; mae Jemes (thugna mae Alfius) ghe mae Simon, mae te kiloi Silote;

Nonomho Te Keli Teke Risoi Mae Mak 6:3

Tahati laseni mae kapenta igne, mana thugna Meri kolho. Eghuteuna mae tahigna mana re mae Jemes, mae Josep, mae Judas nei mae Simon. Eghuteuna, greghagnare kafe au teu ngala igre. Mana kaisei mae kolho, mana neke theome mei funu ka God.” Aonu naiknore ne filo faparini kolho mana.

Nonomho Te Keli Teke Risoi Mae Mak 1:30

Kate posa mae Jisas ka suga na, mare ne cheke ka mana eigna nanghogna mae Simon te fogra biꞌo balu fagrutu te thuru teu ka sape na.

Matiu 13:55

Tahati laseni mae igne. Mana kaisei mae kolho, mana neke theome mei funu ka God. Mana thugna ngala mae kapenta. Idogna na Meri. Mae thabusigna mana re igre, mae Jemes, mae Josep, mae Simon ghe mae Judas.

Famane Khoje 4:12

Kheraguo, iagho khetogu iara. Iagho jateula kaisei nagare balu gringni te lithu ka thina, aheva iara thegu kolho nate tangomana te tei lamna tagna na. Jare na au kaisei glokha khoꞌu lamna, aheva iara thegu kolho nate koꞌu tagna na.

Ululahu Timoti 4:3

Nafnata naikno igre cheke ka keha naiknore theome keli te tolaghi ba te ima kmana nafnata gano na. Nu God neke vuavuha gano igre mala ima tahati. Naugna tahati te fatutuani ni God nei laseni nogna cheke te tutuani na, tahati tangomana te ima gano igre balu kilo fafnaknoni God.

Ululahu Korin 7:8

Gognaro na iara cheke ka ghotilo iheire te theome tolaghi teura, nei iheire tela lehehi khetodira eghu, te keli na ghotilo jame theome tolaghi jateula iara eghu kolho.

Luku 8:20

Aonu naiknore ne cheke eghu ka mae Jisas, “Idomu nei thabusimu teu iagho re kegrau kosi. Mare magnahaghei te mei filo nigho iagho.”