Ululahu Korin 9:24 - Buka Blahi Ka Cheke Holo

²⁴ Ghotilo laseni, neubane kmana mae te chari kate fangenghele na, nu na kaisei mae ngala te hata taba na. Eghume, ghotilo te gnafa na mala loku heta ranghini God jateula te chari heta te mala hata taba ia eghu.

Ululahu Korin 9:24 ပူးပေါင်းရင်းမြစ်များ

Filipae 3:14

Iara faheaheta fara mala hata u taba igne. Naugna mae Jisas Kraes, God kilo ghau iara mala tei ka mana kligna nei au fabrahu balugna mana jare. Eghume tuana ngala nogu taba iara na.

Hibru 12:1

Eghume kmana naikno te fatutuani ni God re au faligoho ghita. Naugna igne tahati mala lisei fadelei nakhibo te tangomana te fanogra ghita mala chari heta fabrahu ka fangenghele te au ke uluda na.

Thakle 3:11

Iara ginauna theome raugha nake pulo mei ka ghotilo. Eghume, ghotilo mala loku faheta ka puhi te keli tela auhi ka ghotilo are, na eghunu mei keha naiknore me fanogra ghami te mala hatagna taba nate tusu ari iara tami na.

Filipae 2:16

Naugna ghotilo mala toutonu eigna u thofno karha na ranghidi. Eghuteuna te eni ghotilo igne na, iara ginauna gleale'a fara ka narane nate ke pulo mei mae Kraes na. Naugna igne u fagaglana gna te theome fiti loku kolho iara kate theo nafugna na.

Ululahu Korin 9:26

Iara thegu na la chari la tei thokehi ka taba te mala ulu na. Eghuteuna iara jateula mae te mala magra eghu, mala koko soruni keha mae na pari. Iara theome magnahaghei te fiti tutini kolho maloa na.

Galesia 5:7

Tifa na ghotilo neke kotu haghe neke biꞌo ka nomi fatutuani na. Mae ihei si teke farore ghami ghotilo teke theome leghuni u nabrou te doglo gnea?

Profet Jeremaea 12:5

Lord ne cheke eghu ka iara, “Jeremaea, jame te fangenghele iagho baludi mare te babaꞌo na, faꞌunha eghu iagho tangomana te fangenghele ka hose na? Eghuteuna jame te uka iagho ka vido te gae na, faꞌunha eghu iagho tangomana te daka mata rhegna khoꞌu Jordan?

Galesia 2:2

Iara tei jare naugna God neke cheke mala tei iara. Eghuteuna ka kaisei faidu baludi mae biꞌo ka khiloau na, iara neke famane cheke ka mare eigna te toutonuni thegu u Nonomho te Keli na ka iheire te theome Jiu. Naugna iara gaoghathogu na theome magnahagheni God te filoni nogu gloku iara teke eni teke mei funu tifeiro nei te eni teu iara gognaro gne te theo nafugna kolho.

Jemes 1:12

Mae ihei te kegra heta nei theome snakreni thegna teu ka fariuriu te mala eni puhi te diꞌa na, mana keli tagna fara. Mana ginauna na hata nogna taba na, karha fei tifa teke kulu nhaꞌa cheke God ranghidi iheire te namhani mana re.

Eklesiasti 9:11

Keha glepo te filoni iara ka nauthoglu na igne, keha fata mae te lase chari na theome uluni fangenghele na, keha fata mae te nheta na theome uluni magra na, keha fata mae te lalase na theome autagna nakarha te keli na, keha fata mae te ghaoghatho fakeli na theome dedei, keha fata mae te lalase fara na theome fnakno nanghagna na, naugna glepo te diꞌa na kafe thoke ghita hui.

Kolose 2:18

Keha mae te fahaehaghedi fara nodi mifire, eghuteuna farirhiudi naiknore mala au faleghu ka puhi te theo nafugna, eghuteuna mala tufru soru ranghidi hatimare mae engel. Thosei snakreni kaisei mae ka mae igre mala batu fadelei ghami te mala theome fatutuani ni mae Kraes. Mare fiti fahaehaghe kolho, eigna gaoghathogna naikno ka nauthoglu na theome tutuani,

Nodi Khoje Hatimare Mae Jiu 19:5

Naprai na phage haghe hamerane boibongi jateula mae teke tolaghi majaghani la te glealeꞌa te jifla mei ka nogna chogho na ia eghu. Naprai na glealeꞌa te leghuni nogna nabrou na, jateula mae te lase chari te tarabana te mala chari ia eghu.

Profet Hosia 12:10

Tifa na iara neke cheke ka hatimare mae profet, mala fakakhana ka mare kau mifi.”

Letas Teke Riso Tei Mae Pol Ka Khiloau Rom 6:16

Ghotilo kulu lasenihi igne, eigna te snakre ghami themi ghotilo te au ke parigna kaisei mae te mala leghuni nogna cheke na, ghotilo ginauna leghuni kolho nogna cheke naikno tuana. Ghotilo ginauna jateula tuana eghu ka nakhibo na. Naugna jame te eghu na, ghotilo ginauna jateula nogna mae sneka eghu kolho nakhibo, ka puhi tuana nakhibo na ginau falehe ghami kolho. Nu jame au jateula nogna mae sneka God teu ghotilo te mala leghudi chekegna mana re, God ginauna togho ghami mala au doglo ghotilo ke ulugna thegna.

Ululahu Korin 9:13

Ghotilo lasedihi iheire te loku ka Sugablahi ra, mare tangomana te hata gano ka Sugablahi na. Eghuteuna iheire te gahu fafara ka olta ra, mare tangomana te hata vido gano teke fafara mare ka olta na.

Ululahu Korin 9:23

Gobigna lepo te edi iara igre malagna Nonomho te Keli gne, mala jifla tei tongana heva heva, nei jaola mala tangomana te thokeni nogna fablahi God ka iara na.

Filipae 3:12

Iara theome chekeni nakarhagu ka mae Jisas Kraes na la gnafahi teuna. Theo! Nu gognaro na iara loku heta te mala hatagna u taba tela kulu tarabanahi mana malagu iara teku ia.