Ululahu Korin 9:23 - Buka Blahi Ka Cheke Holo

²³ Gobigna lepo te edi iara igre malagna Nonomho te Keli gne, mala jifla tei tongana heva heva, nei jaola mala tangomana te thokeni nogna fablahi God ka iara na.

Ululahu Korin 9:23 ပူးပေါင်းရင်းမြစ်များ

Fapea Timoti 2:10

Eghume iara heta ghegu kolho neuba mare ne para ghau. Naugna iara magnahaghei te toghodi naikno teke vavahi God re mala nogna naikno mae Jisas Kraes. Ka puhi igne God ginauna fakarhidi, eghuteuna mare ginauna hatini u karha fei tifa na.

Nonomho Te Keli Teke Risoi Mae Mak 8:35

Naugna ihei te magnahaghei tathaji nakarhagna thegna na, mana ginauna na jojokei thofno nakarhagna na. Nu ihei te lisa lao nakarhagna na malagu iara nei Nonomho te Keli gne teuna, mana ginauna na hatini karha na.

Ululahu Jone 1:3

Gognaro na ghehati toutonuni ka ghotilo unha ghehati teke filoni nei nomhini, naugna ghehati magnahaghe ghami ghotilo te kaisei fofodu balumi. Tahati mala kaisei fofodu ngala balugna God Mama nei Thugna, Jisas Kraes.

Hibru 3:14

Eni igne naugna tahati hui mala kaisei balugna mae Kraes, eghu te loku famaku fabrahu tahati u fatutuani teke kulu au ka tahati igne.

Galesia 2:5

Nu ghehati tiromi fara te fanomho ka mare na. Naugna ghehati magnahagheni thofno cheke te tutuani nogna Nonomho te Keli igne mala au fabrahu balumi ghotilo tifa tifa.

Hibru 3:1

Uve, kheraguro, God kafe kilo ghami ghotilo gnafa mala nogna naikno blahi mana. Eghume, iara magnahaghei ghami ghotilo te ghathoni mae Jisas, mae ihei God teke kuru meini kau nauthoglu igne mala togho ghita. Mana noda mae pris biꞌo mala togho ghita ka gobigna lepo te fatutuanidi tahati.

Fapea Timoti 2:6

Jaola, mae ihei te loku heta ka nogna nagare na, mana ginauna kulu hata ghegna gano ka teke joꞌu thegna re.

Fapea Korin 2:4

Tutuani fara, kate riorisoni letas tifa ia, iara neke diꞌanagnafa fara balu tanhi fabiꞌo kolho. Eghuteuna iara neke theome risoni letas tuana mala diꞌanagnafa ghotilo neku, nu mala laseni ghotilo hui te thofno namha ghami fara iara na kolho.

Ululahu Korin 9:12

Keha naiknore au nodi nolaghi te mala salo glepo ka ghotilo na. Tutuani fara, ghehati jaola au nolaghi biꞌo uludi mare! Nu ghehati theome loku ka nolaghi igne. Theo. Neubane ninhigrana ranghi ghami gobigna lepore, ghehati theome toreni kaisei glepo ka ghotilo, naugna ghehati theome magnahaghei te eni kaisei glepo te mala fanograni u Nonomho te Keli eigna Kraes na.

Ululahu Pita 5:1

Iara kaisei mae mala baubatu ka khiloau. Iara neke thofno filo tathagu mae Kraes na neke au papara fara. Eghuteuna iara ginauna hata nafnakno biꞌo baludi kmana naikno ka narane nate thakle mei mae Kraes ka tahati na. Eghume, iara magnahaghei te cheke faheta ka ghotilo mae mala baubatu ra mala

Letas Teke Riso Tei Mae Pol Ka Khiloau Rom 11:17

Ghathoni cheke naba igne. Mae Jiu gre jateula thofno gaju oliv eghu. Eghuteuna ghotilo mae iheire te theome Jiu gre jateula grege oliv nathua ra eghu. God la kulu kato kokohi keha grege ka thofno gaju oliv na mala salo fodu ghamihi mala kaisei ka thofno gaju oliv na. Eghume gognaro na ghotilo jaola snori nomihi ka fablahi te jifla mei ka hatimare mae Jiu.

Ululahu Korin 9:22

Kate au iara baludi iheire te theome heta nodi fatutuani na, iara na leghudi keha puhi te edi mare re, mala tangomana iara te toghodi mare te mala fatutuani ni Kraes. Tutuani iara leghudi thua nafnata puhidi naikno te gnafare. Iara fariuriudi nabrou te gnafare mala tangomana te toghodi keha naiknore mala hatini u thofno karha na.

Ululahu Korin 9:24

Ghotilo laseni, neubane kmana mae te chari kate fangenghele na, nu na kaisei mae ngala te hata taba na. Eghume, ghotilo te gnafa na mala loku heta ranghini God jateula te chari heta te mala hata taba ia eghu.