Ululahu Korin 9:1 - Buka Blahi Ka Cheke Holo

¹ Ghotilo lase ghauhi iara, eigna iara kaisei mae te snagla te eni unha te magnahagheni thegu na. Eghuteuna ghotilo jaola lase ghau iara kaisei mae khuru. Ghotilo lase ghau iara neke filoni mae Jisas noda Lord. Eghuteuna ghotilo lasenihi eigna ghotilo te gnafa na funu fatutuani ni Lord ka nogu gloku iara na.

Ululahu Korin 9:1 ပူးပေါင်းရင်းမြစ်များ

Mae Khuru 9:17

Aonu mae Ananias ne tei ka sugagna mae Judas na ne taofini mae Sol. Mana ne cheke eghu, “Ghema kheraguo Sol, Lord Jisas neke kuru mei ghau iara. Mana ngala teke thakle ka iagho ia, kate ke tei iagho ka nabrou ia. Mana neke kuru mei ghau iara mala tangomana iagho teke fifilo fapulo na nei mala au balumu iagho u Tharunga te Blahi na.”

Ululahu Timoti 2:7

Naugna igne God neke vahi ghau iara mala loku jateu kaisei mae khuru mala toutonuni u Nonomho te Keli na ranghidi iheire te theome Jiu mala fatutuani nei laseni cheke te tutuani na. Iara cheke kate tutuani, theome chaichaghi!

Ululahu Korin 3:6

Kate farirhiu ghami ghotilo na, iara jateula kaisei mae mala joꞌu sisi ka nagare eghu kolho, eghuteuna mae Apolosi na jateula kaisei mae mala toatofa khoꞌu eghu kolho, nu God thegna kolho te mala fakotu haghedire.

Mae Khuru 23:11

Ka keha bongi na Lord mei ne kegra rhegna mae Pol ne cheke eghu, “Ghema, thosei mhaghu! Iagho neke cheke eigu iara ka naiknore Jerusalem, iagho ginauna na jaola nake enila tuana Rom.”

Mae Khuru 9:3

Kate tei te namo mae Sol Damaskas na, kaisei naphae te siasigla fara funugna kligna ne megei nga ne phae faligohoni mana.

Ululahu Korin 9:19

Neuba, iara kaisei mae snagla, eghuteuna theo kaisei naikno te funei fruni ghau na, iara lisa lao ghau thegu mala kaisei mae sneka ranghidi naikno te gnafa. Iara eni igne mala toghodi naikno kmanare mala fatutuani ni Kraes.

Fapea Timoti 1:11

God neke vahi ghau iara mala loku jateula kaisei mae khuru ba velepuhi mala toutonuni u Nonomho te Keli igne.

Galesia 5:1

Mae Kraes neke fasnagla ghita mala au snagla fabrahu tahati. Eghume ghotilo kegra heta. Thosei snakreni kaisei naikno me mala hata fapulo ghami jateula naikno sneka eghu.

Fapea Korin 6:1

Ghehati kafe orio loku balugna God, eghume ghehati thofno tore ghami ghotilo mala ghatho tahuni u khokofakasai teke hata ghotilo ka God igne. Thosei lisa lao khokofakasai igne mala theo nafugna.

Letas Teke Riso Tei Mae Pol Ka Khiloau Rom 1:1

Iara mae Pol, kaisei nogna mae gloku Jisas Kraes. God neke kilo ghau iara mala nogna mae khuru nei mana neke vahi ghau iara mala toutonuni nogna Nonomho te Keli na.

Galesia 1:1

Mae Jisas Kraes nei God Kmada neke vahi ghau iara mae Pol mala kaisei nogna mae khuru. Naiknore neke theome vahi ghau iara, eghuteuna theo kaisei naikno teke tusu mei ka iara u nolaghi te mala loku jateula mae khuru. Nu God mae ihei teke fakarha fapuloni mae Jisas kau glehe ia teke eni igne ka iara na.

Ululahu Tesalonika 2:6

Ghehati theome hironi nafnakno na ka ghotilo, ba ka ihei. Ghehati nogna khuru mae Kraes. Naugna igne, kate au balumi ghotilo na, ghehati tangomana te tore glepo ka ghotilo. Nu ghehati faꞌamama ka ghotilo jateula kaisei gaꞌase te taegodi goro thugna.

Fapea Korin 11:5

Te ghathoni iara na, mae iheire te kilodi ghotilo “Mae khuru keli fara teu are” theome ulu ghau iara.

Ululahu Korin 1:1

Iara mae Pol. God neke vahi ghau iara mala kaisei nogna khuru mae Jisas Kraes. Ghepa mae thabusigna Sostinis

Letas Teke Riso Tei Mae Pol Ka Khiloau Rom 11:13

Gognaro na iara cheke ka ghotilo iheire te theome Jiu ra. Iara ghatho tahuni nogu gloku na, eigna God neke vahi ghau iara nei kuru ghau mala loku ka ghotilo iheire te theome Jiura.

Letas Teke Riso Tei Mae Pol Ka Khiloau Rom 1:5

Iara neke hata nogna fablahi God igne ka Kraes, eigna mana neke vahi ghau iara mala loku jateula kaisei mae khuru eghu mala kilodi naiknore ka namono te gnafare mala fatutuani nei leghuni eghu mana.

Mae Khuru 14:14

Nu kate laseni mae Pol ghe mae Banabas unha te magnahaghei eni mare na, phiamare ne rerheku nodi pohere balu diꞌa tadi, ne chari ne tei farihoteidi naiknore balu eha fabiꞌo ne cheke eghu,

Mae Khuru 14:4

Nu naiknogna namono tuana na ne fnota ka phei tothoghei. Kaisei tothoghei na ne kaisei gaoghatho baludi mae biꞌodi mae Jiure, eghuteuna keha tothoghei na ne kaisei gaoghatho baludi mae khurure.

Mae Khuru 13:2

Kate tarai nei dangna teu mare na, Tharunga te Blahi na ne cheke eghu ka mare, “Ghotilo taofidi mae Banabas ghe mae Sol mala loku ka gloku mala eni phiamare teku iara gne.”

Mae Khuru 9:15

Nu God ne cheke eghu ka mae Ananias, “Ghema, tei sagho! Mae igne neke vahini iara mala edi mana nogu gloku iara re. Mana ginauna cheke eigu iara ka naikno te theome Jiure ba ka nodi king re ba ka naiknodi Israel.

Mae Khuru 9:5

Mae Sol ne cheke eghu, “Iagho mae ihei sia, Lord?” Mana ne cheke eghu, “Iara mae Jisas. Iara ngala mae ihei teke parani iagho ia.

Ululahu Korin 10:29

Ka gaoghathomu iagho na keli kolho, nu thosei fadidiꞌani gaoghathogna keha mae na eghu. Eghuteuna iagho na jaola fadidiꞌani mana. Glahu cheke eghu kaisei mae, “Naugna unha si mae gne te lhoti ghau iara te theome eni iara unha te magnahagheini iara gnea?

Ululahu Korin 10:30

Iara tangomana te cheke fakelini God eigna gano tuana. Eghume naugna unha si keha naikno gre te cheke fanogra ghau iara eigna glepo teke cheke fakelinihi ka God gnea?”

Ululahu Korin 11:16

Jame ihei te magnahaghei fapoaphola eigna igne, iara na cheke eghu, “Ghehati baludi nogna khiloau God gre, theome au keha nabrou aheva nga te mala leghui na.”

Fapea Korin 10:7

Ghotilo mala filoni unha te ulu! Ihei te chekeni ne nogna Kraes teuna, mana mala ke ghaoghathoni, eigna ghehati jateula mana eghu nogna Kraes.