Ululahu Korin 8:4 - Buka Blahi Ka Cheke Holo

⁴ Eghume igne unha te chekeni iara eigna te ghamu gano teke fafara ka mumuju na. Eigna te laseni tahati na, u mumuju na tharumaꞌei lepo kolho ka nauthoglu igne. Eghuteuna te laseni langau tahati na jare na kaisei God ngala.

Ululahu Korin 8:4 ပူးပေါင်းရင်းမြစ်များ

Diutronomi 4:39

“Eghume ghotilo mala laseni nei ghaoghatho fakeli eghu gognarona, Lord kolho te au kligna nei ka nauthoglu pari igne. Theo kaisei god te au aheva nga.

Profet Isaia 41:24

Nu theo eghu! Ghotilo theo nafumi kolho! Ghotilo theome tangomana te eni kaisei glepo na! Eghuteuna iheire te tarai ka ghotilo are thono diꞌa parilahu!

Ululahu Timoti 2:5

Eigna jare na kaisei God ngala. Eghuteuna kaisei nabrou ngala te tangomana naiknore te tei thoke ka God na. U nabrou tuana ka mae Jisas Kraes, mae ihei jaola te kaisei naikno.

Efesus 4:6

Jare na kaisei God Kmada gnafa. Mana funei fruni ghita gnafa, nei au heva heva ka nauthoglu gne, nei au baluda gnafa.

Diutronomi 6:4

“Fanomho, Israel! Lord noda God tahati na, mana kaisei God kolho te mala tarai nei pogho soruni teu tahati na.

Nonomho Te Keli Teke Risoi Mae Mak 12:29

Mae Jisas ne cheke eghu ka mana, “Uve, vetula te biꞌo lahu na igne, ‘Ghotilo naiknomi Israel ra, ghotilo famane fanomho fakeli. Lord noda God na mana kaisei Lord kolho.

Profet Isaia 44:24

Lord mae ihei teke vuavuha ghami ghotilo ka thiꞌadi idomi ghotilo are, eghuteuna mae ihei te fakarhi ghami ghotilo neke cheke eghu: “Iara Lord, eghuteuna iara neke vuavuhadi gobigna lepo fateoteꞌo gre. Iara thegu teke vuavuhadi maloa nei gobigna lepo fateoteꞌo te au ke lamnagna. Eghuteuna kate vuavuha iara nauthoglu igne, theo kaisei naikno teke togho ghau iara na.

Profet Isaia 44:6

Lord mae ihei te au nolaghi fateote'o igne nodi King mae Israel, eghuteuna mana atha fasnagli ghami ghotilo. Mana neke cheke eghu, “Iara ngala God na, iara neke kulu au neke aunga gobigna lepo igre, eghuteuna iara ginauna na jaola leghu lahu. Uve, theo kaisei god ahevanga, kaisei Iara ngala.

Letas Teke Rioriso Mae Jud 1:25

Mana kaisei God ngala. Mana kaisei ngala te fakarhi ghita ka nogna gloku mae noda Lord Jisas Kraes. Ka mana ngala siasigla na, nafnakno na, nolaghi na, nei mana funu tifa te mei, nei gognaro, nei tifa tifa! Amen. Me gnafa. Iara, mae Jud.

Ululahu Korin 8:10

Naugna jame ihei te theome nheta gaoghathogna na ginauna filo nigho te ima teu iagho ke lamnagna nogna Sugablahi mumuju na. Eigna iagho laseni theome jafra te ima jare ka gano teke fafara ka mumuju na. Nu neuba iagho ginauna batuni mana mala ima koba gano teke fafara ka mumujure!

Ululahu Korin 8:1

Gognaro na iara magnahaghei cheke eigna gano teke fafara ka mumuju. Tutuani fara, keha naiknore cheke eghu, “Tahati te gnafa na kafe au noda glalase.” Neuba, nafnata glalase te mala laseni unha te tutuani ba unha te theome tutuani na igre mala fahaehaghe ghita theda kolho. Nu namha na biꞌo uluni glalase na naugna namha na tangomana te thofno fahetani noda fatutuani na.

Mae Khuru 19:26

Nu ghotilo filonihi nei nomhinihi eghu themi unha te eni mae Pol igne. Mae igne baubatu fadiꞌadi fara naiknore, theome ka tahati agne Efesus kolho, nu ka Provins Esia tongana. Naugna mana ne cheke eghu, ‘God te gnafa teke hohoro naikno igre theome tutuani kolho.’

Mae Khuru 14:15

“Ba tore! Naugna unha site edi ghotilo glepo igrea? Ghepa naikno kolho, naikno jateula ghotilo eghu! Ghepa mei mala toutonuni u Nonomho te Keli gne ka ghotilo mala lilisei ghotilo god teke hohoro kolho naikno te theo nafugna igne mala ke figri ghotilo ka thofno God te karha na. Naugna mana mae teke hohorogna u maloa, u nauthoglu, u thongna, nei gobigna lepo te au ke lamnadi.

Profet Jeremaea 10:14

Mae igre theome eghu. Mae igre fameomekro nei theome lalase eghu. Mae te hohoro mumuju ka gol igre ginauna mamaja nodi fara, naugna god te edi mare igre chaichaghi kolho. Eigna theo kaisei nakarha tadi.

Profet Jeremaea 10:10

Nu Lord, iagho thofno God. Iagho God mae ihei te karha fabrahu, eghuteuna iagho ginauna king fabrahu tifa e tifa. Kate diꞌatamu iagho na, vido te gnafa ka nauthoglu igne ginauna nghali tongana, eghuteuna theo kaisei naikno ka keha kantri igre naba te kegra maku na.

Profet Isaia 45:14

Nodi dedei biꞌo naiknodi Ijep nei Kus teu igre ginauna mala nou iagho, maedi Seba te brahu igre ginauna mala nou sneka iagho. Mare ginauna babaꞌo chen mala leghu nigho iagho. Mare ginauna tarai pogho soru ka iagho, mare na cheke eghu eha fabiꞌo, ‘Kaisei God ngala te au balumu iagho na, theo kaisei god ahevanga te au na!’ ” Igne chekegna Lord mae ihei te au nolaghi fateote'o na.

Profet Isaia 45:5

Kaisei Iara ngala Lord na. Theo kaisei god aheva nga te au na. Neuba iagho ne theome lase ghau iara, iara ginauna farheta nigho iagho mala magra.

Profet Isaia 37:20

Nu iagho Lord, iagho nomi God ghehati mae Israel. Fakarhi ghami ka nodi nolaghi maedi Asiria, eghuteuna naikno te gnafa ka kantri te gnafa ka nauthoglu igne ginauna lase nigho iagho te kaisei iagho ngala God na.”

Profet Isaia 37:16

“Lord, iagho mae ihei te au nolaghi fateote'o! Iagho nomi God ghehati maemi Israel, iagho King mae ihei te gnokro ka sape nafnakno farihoteidi phei engel. Iagho ngala thofno God te tutuani na, eghuteuna iagho funei frunidi kantri te gnafa ka nauthoglu igne. Iagho neke vuavuhadi maloa ghe nauthoglu igre.

Diutronomi 32:39

“ ‘Filo si ghotilo. Iara kolho God te tutuani na! Jare na theo kaisei god te au na! Iara tangomana te faleheni naikno na, nei tangomana te fakarhini naikno na. Iara tangomana te faghorehoni naikno na, nei tangomana teke fakeli fapuloni naikno na. Theo kaisei naikno tangomana te fanograni unha te eni iara na.

Diutronomi 4:35

“Mana fakakhana ka ghotilo glepo igre mala laseni ghotilo te Lord kolho God na, theo kaisei god aheva nga.

Diutronomi 3:24

‘Lord, iagho nogu Funei iara, iara lase nigho iagho teke fufunu fakakhana nou nolaghi biꞌo na. Theo kaisei god kligna nei ka nauthoglu igne eghu tangomana te edi re nafnata glepo biꞌo te nolaghi te edi iagho igre.

Ululahu Timoti 1:17

Nafnakno nei siasigla ranghini mae King te funei fabrahu tifa tifa! Mana theome tangomana te lehe eghuteuna tahati theome tangomana te filoni mana, eghuteuna kaisei mana ngala God na. Tahati ginauna na ghatho tahuni nei cheke fakelini nanghagna mana na tifa tifa. Amen.

Nodi Khoje Hatimare Mae Jiu 86:10

Kaisei iagho ngala thofno God na. Uve, kaisei iagho ngala te au nolaghi na, nei kaisei iagho ngala te tangomana te edire glepo te biꞌore.

Mae Khuru 15:20

Te keli na, tahati rioriso kaisei letas ranghidi mare. Igre glepo jame te mala chekedi tahati ranghidi re, ‘Thosei ghamu gano teke fafara ka mumuju. Thosei eni puhi te diꞌa. Thosei ghamu gano teke lalamho falehe. Thosei koꞌu dadara.’

Ululahu Korin 8:11

Eghume nou glalase iagho eigna gano igne na batu fadiꞌani mae ihei te theome nheta nogna fatutuani na. Ba, ghotilo theome laseni Kraes teke lehe eigna mae kherada igne?! Tutuani, ghotilo laseni mae kherada igne mana kaisei mae biꞌo ka Kraes.

Galesia 4:8

Tifa, kani teke theome raꞌe lase fakelini teku God na, ghotilo neke sneka ka mumuju kolho.