Ululahu Korin 7:40 - Buka Blahi Ka Cheke Holo

⁴⁰ Nu gaoghathogu iara na, naꞌa ginauna gleale'a fara jame te theome fapea tolaghi na. Eghuteuna kate cheke ranghi ghami eigna puhi igne, iara fatutuani ni Tharunga gna God na au balugu iara mala batuni gaoghathogu na.

Ululahu Korin 7:40 ပူးပေါင်းရင်းမြစ်များ

Ululahu Tesalonika 4:8

Eghume ihei te tirogna leghuni farirhiu igne, mana theome tirogna leghuni naikno nu mana tirogna leghuni God, mae ihei teke tusu ranghi ghau nogna Tharunga te Blahi.

Fapea Korin 12:11

Iara cheke jateula kaisei mae te fameomekro eghu, nu ghotilo huhuru ghau iara mala eni igne. Nabami ghotilo te mala chekedi nogu gloku te keli te edi iara gre. Iara laseni te fiti mae kolho iara na, neuba, iara theome au ke paridi mae iheire te kilodi ghotilo “Hatimare mae khuru keli fara.”

Ululahu Korin 7:35

Iara chekeni igne ka ghotilo, naugna iara magnahaghei te togho ghami ghotilo. Eghuteuna iara theome magnahaghei te lhotini puhi tholaghi na ka ghotilo. Eigna iara magnahaghei ghami ghotilo te eni kolho unha te doglo na nei snakre ghami themi mala loku fabrahu ranghini Lord.

Ululahu Korin 7:8

Gognaro na iara cheke ka ghotilo iheire te theome tolaghi teura, nei iheire tela lehehi khetodira eghu, te keli na ghotilo jame theome tolaghi jateula iara eghu kolho.

Ululahu Korin 7:6

Iara chekeni igne mala togho ghami ghotilo, theome jateula kaisei vetula eghu mala leghuni ghotilo.

Ululahu Korin 7:1

Gognaro na iara magnahaghei te cheke tughudi unha teke riso mei ghotilo ka iara ra. Ulu lahu na, te keli na mae nalhaꞌu na thosei thuru balugna kaisei gaꞌase.

Fapea Korin 8:10

Igne unha te ghathoni iara jame te mala eni ghotilo na. Te keli na ghotilo jame edi fahui unha teke kulu ghathoni ghotilo ka finogha te aria. Naugna ghotilo naikno ulu lahu te sasaꞌa tufa sileni te mala toghodi iheire te kuma nei ghotilo jaola naikno ulu lahu teke tufa na.

Fapea Korin 13:3

Iara ginauna eni igne naugna ghotilo magnahaghei te filo glanini Kraes te loku ke lamnagu iara te mala toutonuni chekegna mana na. Ghotilo ginauna filoni Kraes na theome nigra kate loku ke lamnami ghotilo na. Theo. Mana ginauna fatakleni ka ghotilo nogna nolaghi biꞌo mana na ka iara.