Ululahu Korin 7:30 - Buka Blahi Ka Cheke Holo

^30-31 Eghuteuna iheire te diꞌanagnafa ka nauthoglu igne ra, mala au jateula iheire te gleale'a fara ra eghu. Iheire te gleale'a fara ra, mala au jateula ihei te diꞌanagnafa eghu. Eghuteuna iheire te dedei ka nauthoglu igne ra, mare mala au jateula ihei te kuma eghu eigna iheire te dedei ka nauthoglu igne ra mare na theome edi glepo igre tifa tifa. Tutuani, tahati te gnafa na mala snagla gaoghathodare mala loku ranghini Lord. Naugna nauthoglu te filoni tahati gognaro gne, la namo sala'u arihi.

Ululahu Korin 7:30 ပူးပေါင်းရင်းမြစ်များ

Jone 16:22

Na jateula tuana eghu ka ghotilo. Eghume gognarona ghotilo diꞌanagnafa. Eghuteuna kate filo ghau iara na ghotilo ginauna keli tami nei gleale'a eghu. Nafnata gleale'a te theome tangomana kaisei naikno nate atha fadelei ka ghotilo.

Luku 6:25

Puhi biꞌo ka ghotilo naikno te boho nomi gognaro gre! Naugna ghotilo ginauna nake rofou! Eghuteuna puhi biꞌo ka ghotilo te maꞌe gognaro gre! Naugna ghotilo ginauna nake tanhi biꞌo nei diꞌanagnafa eghu!

Luku 6:21

Ghotilo te rofo gognaro ra, ghotilo tangomana te gleale'a na. Naugna ghotilo ginauna nake bohou. Ghotilo te tanhi gognaro ra, ghotilo tangomana te gleale'a na. Naugna ghotilo ginauna nake maꞌeu.

Eklesiasti 3:4

Narane mala tanhi nei narane mala glealeꞌa. Narane mala diꞌanagnafa nei narane mala ragi.

Nodi Khoje Hatimare Mae Jiu 30:5

Mana diꞌatagna katha vido kmoꞌei kolho, nu puhigna mana te keli na au fabrahu ghilei ari gnafa nakarhagna naikno na. Fei grafi na tahati na tanhi nei diꞌanagnafa eghu, eghuteuna fei hamerane na tahati na keli nagnafada nei ke glealeꞌa fapulo eghu.

Thakle 18:7

Ghotilo parani naꞌa nanaba ka puhigna naꞌa te fafnaknoni kolho thegna nei gleale'a kate snori nogna ka gobigna lepo te magnahaghedi naꞌa re. Uve, iagho tangomana te mala fakabruni naꞌa, naugna naꞌa ne cheke eghu koba, ‘Iara gne au jateula nakrupe biꞌo eghu. Iara theome jateula thau glehe kokoi eghu mala au diꞌanagnafa nei tanhi eghu.’

Thakle 7:17

Naugna Lam na te au ka nogna sape nafnakno mae King na, mana ginauna reireghidi jateula kaisei mae te reireghidi nogna sipura eghu. Mana ginauna baubatudi mala tei koꞌu ka khoꞌu glokha te tusu ranghidiu u karha. Eghuteuna God ginauna nuju koko kholo te gnafa ka tathadire mala theome tangomana mare te diꞌanagnafa na.”

Luku 16:25

“Mae Ebraham ne cheke eghu ka mana, ‘Thuguo, ke ghathodi sagho kani teke karhamu ra. Iagho neke gleale'a fara nu mae Lasaros neke diꞌanagnafa fara. Nu gognaro na mae Lasaros kela au gleale'a agne, nu gognarona iagho kela au papara.

Profet Isaia 30:19

Ghotilo naiknomi Jerusalem! Lord na kokhoni ghami ghotilo. Ghotilo ginauna nake theome tanhi nei diꞌanagnafa eghu. Naugna Lord ginauna nomhi ghami ghotilo ka vido te tanhi ghotilo ka mana te mala togho ghami na.

Profet Isaia 25:8

Lord ginauna bobotho fabrahu u glehe na, eghuteuna mana ginauna nuju koko kholo ka tathadi naikno te gnafare. Eghuteuna mana ginauna hata fadelei mamaja te au ka naiknogna na. Lord thegna ngala teke chekeni igne.

Profet Esikiel 7:12

La thoke mei narane ia, narane te mala paradi iara naikno te gnafare la meihi! Naikno te sabiri glepo ba naikno te foli glepo teu igre ginauna na theome glealeꞌa ba diꞌanagnafa kolho ka glepo te edi mare re.

Ululahu Korin 7:29

Uve kheraguro, igne gaoghathogna nogu cheke iara na, katha vido kmoꞌei kolho te mala loku tahati ranghini Lord na. Eghume, funu gognaro na, mae iheire tela tolaghihira, mare mala au jateula iheire te theome tolaghi eghu mala loku brana.