Ululahu Korin 7:29 - Buka Blahi Ka Cheke Holo

²⁹ Uve kheraguro, igne gaoghathogna nogu cheke iara na, katha vido kmoꞌei kolho te mala loku tahati ranghini Lord na. Eghume, funu gognaro na, mae iheire tela tolaghihira, mare mala au jateula iheire te theome tolaghi eghu mala loku brana.

Ululahu Korin 7:29 ပူးပေါင်းရင်းမြစ်များ

Ululahu Jone 2:17

Nauthoglu igne na ginauna hui. Eghuteuna gobigna lepo te magnahaghedi naikno ka nauthoglu igne na hui. Nu ihei te eni unha te magnahagheni God na karha tifa tifa.

Ululahu Pita 4:7

Nu tahati la mei namohi ka narane gobigna lepo ka nauthoglu igne ginauna hui. Eghume te keli na ghotilo ghaoghatho fakeli, nei filo fakeli eghu mala tangomana ghotilo te tarai na.

Ululahu Pita 1:24

Grioriso te blahi na ne cheke eghu, “Naikno te gnafare jateula buburu eghu kolho, eghuteuna nodi nafnaknore jateula chechenge gaju eghu kolho. Te lehe buburu na, chechenge ginauna na brusu.

Eklesiasti 9:10

Tahati mala thofno loku fakeli fara ka gobigna lepo te edi tahati re. Kate tei tahati ka namonodi naikno te lehehi ra, tahati ginauna theome loku, ba ghaoghatho, ba lalase, ba au gaoghatho te keli.

Eklesiasti 6:12

Nakarhada tahati ka nauthoglu igne thofno kmoꞌei fara, jateula naungo gaju te ghosei te dofini kate thafru naprai na ka khoveo ra eghu. Eghume, ihei gne nate baubatu ghita ka puhi te keli te mala leghuni tahati na? Ihei gne nate tangomana te chekedi unha nate thoke mei ka nauthoglu igne ke leghugna te lehehi tahati na?

Profet Esikiel 7:12

La thoke mei narane ia, narane te mala paradi iara naikno te gnafare la meihi! Naikno te sabiri glepo ba naikno te foli glepo teu igre ginauna na theome glealeꞌa ba diꞌanagnafa kolho ka glepo te edi mare re.

Ululahu Korin 7:28

Nu jame kaisei mae te magnahaghei tolaghi na, keli fara, theome jafra. Eghuteuna jaola theome jafra jame te tolaghi gaꞌase khupi na. Nu iheire te tolaghire ginauna dedi kmana puhi ka nakarhadire, eghume iara chekeni igne ka ghotilo naugna iara theome magnahagheni te thoke ghami ghotilo puhi igre na.

Ululahu Korin 7:30

Eghuteuna iheire te diꞌanagnafa ka nauthoglu igne ra, mala au jateula iheire te gleale'a fara ra eghu. Iheire te gleale'a fara ra, mala au jateula ihei te diꞌanagnafa eghu. Eghuteuna iheire te dedei ka nauthoglu igne ra, mare mala au jateula ihei te kuma eghu eigna iheire te dedei ka nauthoglu igne ra mare na theome edi glepo igre tifa tifa. Tutuani, tahati te gnafa na mala snagla gaoghathodare mala loku ranghini Lord. Naugna nauthoglu te filoni tahati gognaro gne, la namo sala'u arihi.

Fapea Samuel 19:34

Nu mae Basilae ne cheke eghu ka mae Devet, “King, iara ginauna na theome karha raugha. Iara theome naba te ari balumu iagho Jerusalem.

Luku 14:20

“Keha mae na ne cheke eghu, ‘Iara gne neke tolaghi la, eghume, iara gne theome tangomana te ari na.’